2021 жылғы 3-8 мамыр аралығында Мәскеу облысының Королев қаласында балалар мен жастардың  "Адам-Жер-Ғарыш" "Шоқжұлдыз" оқу және ғылыми-зерттеу жобаларының 21-ші Бүкілресейлік Олимпиадасының финалдық конференциясы өтті.

Олимпиаданың мақсаты ғылыми-техникалық шығармашылық саласындағы дарынды балаларды анықтау, дамыту және қолдау, сондай-ақ балалар мен жастардың инженерлік-техникалық және зерттеу мамандықтарына қызығушылығын дамыту. Олимпиада 13 номинация бойынша өткізілді. Олимпиаданың сырттай кезеңіне  Ресей Федерациясының 45 өңірінен және Қазақстанның 2 өңірінен 569 жұмыс келіп түсті, оның ішінде финалға 370 жұмыс іріктелді. Финалдық конференцияға Королев қаласына Ресей Федерациясының 24 аймағынан және Қазақстанның 2 аймағынан  3 оқушы қатысып,  барлығы  170 оқушы  қатысты.  Қазылар алқасы біздің оқушылардың жұмысын  жоғары бағалады. Барлық 3 қатысушыда өз номинациялары бойынша  жұмыстарын қорғап  1 орынға ие болды.

Атап айтсақ:

Ибрагимов Николай Денисович - Қостанай қаласы "Озат" мамандандырылған ақпараттық технологиялар мектеп - лицей-интернатының оқушысы "Аэропоника" жұмысымен "Флора мен фауна "номинациясында        1 орын;

Мамырбек Дамир Ержанұлы - Алматы облысы Іле ауданы Қоянқұс ауылының №47 мектебінің оқушысы, "Астрономия" номинациясы бойынша "Ықтимал мекендейтін экзопланеттерді іздеу әдістерін әзірлеу" жұмысымен     1-орын;

Асқарова Камилла Нұрғазықызы - Алматы облысы, Іле ауданы, Өтеген батыр ауылы, мектеп-гимназиясының №38 оқушысы "Адам және ғарыш" номинациясы бойынша "Қазақстанның ғарыштық держава болу мүмкіндіктері мен перспективалары" атты жұмысын қорғап  1 орынға ие болды.

Қатысушылармен Қазақстаннан Қостанай қ. "Озат" мамандандырылған ақпараттық технологиялар мектеп-лицей-интернатының химия пәнінің мұғалімі  Нугуманова Карина Ансагановна жетекшілік етіп барды.