**********2024-2025 оқу жылы**********
ЕЛІМІЗДЕ АУЫЛ МЕКТЕПТЕРІ ОҚУШЫЛАРЫНА АРНАЛҒАН РЕСПУБЛИКАЛЫҚ ОЛИМПИАДА ӨТЕДІ
ТІРКЕУ БАСТАЛДЫ
Ауыл мектептерінің оқушыларына арналған жалпы білім беретін пәндер бойынша республикалық олимпиаданың І (бастапқы) кезеңі.
Ауылдық жерде орналасқан мамандандырылған білім беру ұйымдарынан басқа, ауылдық жердегі мектептердің 9-11(12) сыныптарында оқитын барлық ниет білдірушілер қатыса алады.
- Олимпиадаға Қазақстан Республикасының ауылдық мектептерінде соңғы екі оқу жылында оқитын 9-11 сынып оқушылары қатыса алады;
- Қатысушылар бірнеше жыл қатарынан олимпиадаға қатысуға құқылы;
- Аталмыш олимпиаданың өткен жылғы жеңімпаздары, биылғы олимпиаданың республикалық кезеңіне (қатысқан пәні бойынша) конкурстан тыс қатыса алады (биылғы олимпиаданың барлық кезеңдеріне қатысу міндетті);
- Қатысуға ниет білдерген оқушылар аuyl.daryn.kz сайтында а.ж. 4-20 қыркүйек аралығында оқитын мектептерінде компьютер немесе ноутбук арқылы тіркелуі тиіс.
- Толық ақпарат daryn.kz сайтында.
Айта кетсек биыл олимпиада 4 кезеңнен өткізіледі:
бірінші кезең (бастапқы) – қыркүйек айы;
екінші (аудандық) – қазан айы;
үшінші (облыстық) – қараша айы;
төртінші (республикалық) – ағымдағы жылдың желтоқсан айы.
Ауыл мектептерінің оқушыларына арналған республикалық олимпиадасы екінші рет өткізіледі. Аталмыш бастама қала мен ауыл мектептері арасындағы алшақтықты азайтуға бағытталған. Қазақстан Республикасы Оқу-ағарту министрінің тапсырмасы шеңберінде өткізіледі.
«Дарын» республикалық ғылыми-практикалық орталығының директоры Ғаждембек Тұрсыновтың айтуынша, олимпиадаға ауыл мектептерінің 9-11 сынып оқушылары қатыса алады. Мұндағы мақсат – еліміздің шалғай елді мекендеріндегі дарынды және талантты балалардың қабілеттерін анықтап, дамыту, халықаралық олимпиадаларға қатысуға ынталандыру.
Оқу-ағарту министрі Ғани Бейсембаев атап өткендей, мұндай ауқымды шараның өткізілуі – еліміздің бүкіл оқу-ағарту саласының жетістігі мен жоғары мәртебе.
«Пәндік олимпиада – балалардың санасында алғашқы ғылыми ізденістерге жол салатын, болашақ ғалымдарды шабыттандыратын, ғылыммен еркін айналысатын жастар тобын қалыптастыратын ең ауқымды бағдарламалық сайыс. Қазақстандық мектеп оқушыларының беделді олимпиадаларға қатысу рейтингі жеңіс қоржынында медальдар санының көбейгенін, білім сапасының артқанын көрсетеді. Сондықтан республикалық олимпиадалардың әрқайсысының сапалы әрі жоғары деңгейде өтуі маңызды», – деп қорытындылады Ғани Бейсембаев.
Айта кету керек, тұңғыш рет өткізілген олимпиадаға еліміздің шын мықты 700 астам ауыл оқушысы қатысқан болатын. Жеңімпаздарға бағалы сыйлықтармен жоғары оқу орындары ректорларының 69 гранты табысталды.
**********2023-2024 оқу жылы**********
ҚГБ 1-2 КҮНДЕРІНІҢ ТІКЕЛЕЙ КӨРСЕТІЛІМІ
Қоғамдық-гуманитарлық бағыт | ||||||||||||||||||
№ | Пән | Камера №1 | Камера №2 | Камера №3 | Камера №4 | Камера №5 | ||||||||||||
1 күн | ||||||||||||||||||
1 | Ағылшын тілі | Қарау | Қарау | Қарау | ||||||||||||||
2 | Қазақ мектептеріне арналған орыс тілі, Қазақ тілі мен әдебиеті, Тарих | Қарау | Қарау | Қарау | Қарау | Қарау | ||||||||||||
3 | Құқық негіздері | Қарау | Қарау | Қарау | Қарау | |||||||||||||
4 | Орыс мектептеріне арналған қазақ тілі | Қарау | Қарау | |||||||||||||||
5 | Орыс тілі мен әдебиеті | Қарау | Қарау | Қарау | ||||||||||||||
2 күн | ||||||||||||||||||
6 | Ағылшын тілі | Қарау | Қарау | |||||||||||||||
7 | Тарих, Құқық негіздері, Орыс тілі мен әдебиеті | Қарау | Қарау | Қарау | Қарау | Қарау | ||||||||||||
8 | Қазақ мектептеріне арналған орыс тілі | Қарау | Қарау | |||||||||||||||
9 | Қазақ тілі мен әдебиеті | Қарау | Қарау | Қарау | ||||||||||||||
10 | Орыс мектептеріне арналған қазақ тілі | Қарау | Қарау |
ЖМБ 1-2 КҮНДЕРІНІҢ ТІКЕЛЕЙ КӨРСЕТІЛІМІ
Жаратылыстану-математикалық бағыт | ||||||||||||||||||
№ | Пән | Камера №1 | Камера №2 | Камера №3 | Камера №4 | Камера №5 | ||||||||||||
1 күн | ||||||||||||||||||
1 | Математика | Қарау | Қарау | Қарау | ||||||||||||||
2 | Биология, Химия | Қарау | Қарау | Қарау | ||||||||||||||
3 | География | Қарау | Қарау | Қарау | Қарау | |||||||||||||
4 | Физика | Қарау | Қарау | Қарау | ||||||||||||||
5 | Информатика | Қарау | Қарау | Қарау | Қарау | Қарау | ||||||||||||
2 күн | ||||||||||||||||||
6 | Математика | Қарау | Қарау | Қарау | ||||||||||||||
7 | Биология | Қарау | Қарау | Қарау | ||||||||||||||
8 | География | Қарау | Қарау | Қарау | Қарау | Камера №5: Қарау Камера №6: Қарау |
||||||||||||
9 | Физика | Қарау | Қарау | Қарау | ||||||||||||||
10 | Химия | Қарау | Қарау | Қарау | Қарау | Қарау | ||||||||||||
11 | Информатика | Қарау | Қарау | Қарау | Қарау | Қарау |
АУЫЛ МЕКТЕПТЕРІ ОҚУШЫЛАРЫНА АРНАЛҒАН РЕСПУБЛИКАЛЫҚ ОЛИМПИАДАНЫҢ ҮШІНШІ (ҚОРЫТЫНДЫ) КЕЗЕҢІНІҢ АҚПАРАТТЫҚ ХАТЫ
Ауыл мектептерінің оқушыларына арналған жалпы білім беретін пәндер бойынша республикалық Олимпиаданының үшінші (республикалық) кезеңі жаратылыстану-математикалық бағыты 2024 жылғы 14-18 қаңтар аралығында, қоғамдық-гуманитарлық бағыты 21-25 қаңтар аралығында Астана қаласында өтетінін хабарлаймыз. Облыстық кезеңге 13 пән бойынша екінші (іріктеу) кезеңнен өткен 1000 жуық оқушы қатысады деп күтілуде.
Үшінші кезең дәстүрлі форматта, екі турдан өтеді. «Физика» және «Химия» пәндері бойынша эксперименттік турлар жүреді.
Олимпиаданың үшінші кезеңінің әрбір қатысушысы жеке жұмыс орнымен, жауап парақтарының бланкілерімен, оның оқу тіліндегі тапсырмалар мәтінімен қамтамасыз етіледі. Ашықтық пен академиялық адалдықты сақтау мақсатында олимпиаданың өту процесі онлайн режимде көруге арналған бейнебақылау жүйесімен қамтамасыз етіледі. Олимпиада барысын ата-аналар комитетінің өкілдері, журналистер, ғалымдар және ЖОО оқытушылары қадағалайды.
Турлар аяқталғаннан кейін тапсырмалар «Дарын» РҒПО интернет-ресурсында орналастырылады.
ЕКІНШІ (ІРІКТЕУ) КЕЗЕҢ
АУЫЛ МЕКТЕПТЕРІ ОҚУШЫЛАРЫНА АРНАЛҒАН РЕСПУБЛИКАЛЫҚ ОЛИМПИАДАНЫҢ ЕКІНШІ (ІРІКТЕУ) КЕЗЕҢІ
Ауыл мектептерінің оқушыларына арналған жалпы білім беретін пәндер бойынша республикалық Олимпиаданының екінші (іріктеу) облыстық кезеңі 2023 жылдың 22 желтоқсанда қоғамдық-гуманитарлық бағыты, 23 желтоқсанда жаратылыстану-математикалық бағыты бойынша өтетінін хабарлаймыз. Облыстық кезеңге 13 пән бойынша бірінші кезеңнен өткен 25 844 оқушы қатысады деп күтілуде.
Екінші кезең дәстүрлі форматта, бір турдан аудан орталықтарында өтеді. Өңірлерде барлық санитарлық-эпидемиологиялық нормаларды сақтай отырып, ауа райының қолайсыздығын ескере отырып өткізу жоспарлануда.
Әрбір қатысушы олимпиаданың академиялық адалдық принциптерін сақтайды деп сенеміз.
БІРІНШІ (БАСТАПҚЫ) КЕЗЕҢ
ЕЛІМІЗДЕ АЛҒАШ РЕТ АУЫЛ МЕКТЕПТЕРІ ОҚУШЫЛАРЫНА АРНАЛҒАН РЕСПУБЛИКАЛЫҚ ОЛИМПИАДА ӨТЕДІ
Ауыл мектептері оқушыларының республикалық олимпиадасы биылғы жылдың қараша және 2024 жылдың қаңтар айлары аралығында алғаш рет өткізіледі. Аталмыш бастама қала мен ауыл мектептері арасындағы алшақтықты азайтуға бағытталған. Бұл туралы ҚР Оқу-ағарту министрлігінде өткен аппарат отырысында белгілі болды.
«Дарын» республикалық ғылыми-практикалық орталығының директоры Ғаждембек Тұрсыновтың айтуынша, олимпиадаға ауыл мектептерінің 9-11 сынып оқушылары қатыса алады. Мұндағы мақсат – еліміздің шалғай елді мекендеріндегі дарынды және талантты балалардың қабілеттерін анықтап, дамыту, халықаралық олимпиадаларға қатысуға ынталандыру.
«Республикалық олимпиадаларда академиялық адалдықты қамтамасыз ету үшін тапсырмалар әр қатысушыға жеке электронды түрде жіберіледі. Олимпиаданың барлық кезеңдерінде оқушылардың аты-жөні көрінбейді. Әр кезеңнен кейін тапсырмалардың сканерленген нұсқасы, қатысушылардың жұмыстары мен дұрыс жауаптар орталықтың сайтында жарияланады», - дейді «Дарын» республикалық ғылыми-практикалық орталығының директоры.
Жоғарыда аталған қағидалардың барлығы ең беделді әлемдік IMO, IPhO, IChO, IBO, IGeO, IOI және IOL олимпиадалардың ережелеріне сүйеніп жасақталған. Бұл олимпиадаларда жеңімпаз болған қазақстандықтарға мемлекет тарапынан 500-ден 1500 АЕК-ке дейін қаржылық қолдау көрсетіледі. Биылғы жылы 23 оқушы жүлделі орындарға ие болды.
«Қазақстандық оқушылардың осындай жоғары жетістіктерін ескере отырып, халықаралық ұйымдастыру комитеті биологиядан ең беделді әлемдік олимпиаданы 2024 жылы Астанада өткізу туралы шешім қабылдады. Оған 80 елден 330-ға жуық үздік жас биолог қатысады деп күтілуде», - дейді Ғаждембек Тұрсынов.
Оқу-ағарту министрі Ғани Бейсембаев атап өткендей, мұндай ауқымды шараның өткізілуі – еліміздің бүкіл оқу-ағарту саласының жетістігі мен жоғары мәртебе.
«Пәндік олимпиада – балалардың санасында алғашқы ғылыми ізденістерге жол салатын, болашақ ғалымдарды шабыттандыратын, ғылыммен еркін айналысатын жастар тобын қалыптастыратын ең ауқымды бағдарламалық сайыс. Қазақстандық мектеп оқушыларының беделді олимпиадаларға қатысу рейтингі жеңіс қоржынында медальдар санының көбейгенін, білім сапасының артқанын көрсетеді. Сондықтан республикалық олимпиадалардың әрқайсысының сапалы әрі жоғары деңгейде өтуі маңызды», – деп қорытындылады Ғани Бейсембаев.
Айта кету керек, елімізде жыл сайын жалпы білім беретін пәндер бойынша мектеп оқушылары арасында олимпиадалар ұйымдастырылады. Оларға 300 мыңға жуық мектеп оқушысы қатысуда.