Орталық туралы

Қазақстан Республикасы Оқу-ағарту министрлігінің «Дарын» республикалық ғылыми-практикалық орталығы – Қазақстанның дарынды балалары мен талантты жастарын анықтау және қолдау мәселелері бойынша білім беру саласында басшылықты жүзеге асыратын республикалық мемлекеттік қазыналық кәсіпорын.

Қазақстан Республикасы Білім және ғылым министрлігінің «Дарын»  республикалық ғылыми-практикалық орталығы Қазақстан Республикасы Президентінің 1996 жылғы 24 мамырдағы № 3002  «Дарынды балаларға арналған мектептерді мемлекеттік қолдау және дамыту туралы» өкіміне сәйкес және Қазақстан Республикасы Үкіметінің 1998 жылғы 24 наурыздағы № 256 «Қазақстан Республикасы Білім, мәдениет және денсаулық сақтау министрлігі жүйесінің ұйымдарын басқаруды жетілдіру жөніндегі қосымша шаралар туралы» Қаулысына сәйкес құрылды.

«Дарын» республикалық ғылыми-практикалық орталығының миссиясы – Қазақстанның    дарынды балалары мен дарынды жастарын анықтау, дамыту және кәсіби қолдау болып табылады.

Орталық мақсаты – еліміздегі  дарынды балаларының әлеуетті мүмкіндіктері мен шығармашылық қабілеттерін анықтау, дамыту және іске асырудың бірыңғай заманауи жүйесін құру.

Міндеттері:

1) Әр түрлі салалар бойынша дарынды балалар мен талантты жастарды анықтау және қолдау жүйесін құру;

2) Дарынды балалар және талантты жастармен жұмыс істеудің республикалық моделін іске асыруды қамтамасыз ететін ақпараттық-білім беру ортасын қалыптастыру;

3) Дарынды балаларды, сондай - ақ жас таланттармен жұмысты жүзеге асыратын жаңашыл педагогтарды, инновациялық білім беру ұйымдарын қолдау және сүйемелдеу.

4) Дарынды балалармен және талантты жастармен жұмыс істеудің жаңа білім беру бағдарламаларын, тиімді әдістемелерін, технологияларын әзірлеу және апробациялау.

5) Дарынды балалармен және талантты жастармен жұмыс жөніндегі өңірлік орталықтарды құру.

6) Дарынды балалар мен жастарды әлеуметтік және құқықтық қорғауды қамтамасыз ету.

Қызметіміздің нәтижелері

«Дарын» республикалық ғылыми-практикалық орталығы Қазақстандағы дарынды балалармен жұмыс жүргізетін жүйе құраушы ұйым болып табылады.

«Дарын» республикалық ғылыми-практикалық орталығы 1998 жылдан бастап 2024 жылға дейінгі кезеңде мынадай халықаралық олимпиадаларды өткізді:

2006 жыл – Физикадан 7-ші Азия олимпиадасы

2010 жыл – Математикадан 51-ші халықаралық олимпиадасы

2012 жыл – Химиядан 45-ші Менделеев олимпиадасы

2014 жыл – Физикадан 45-ші халықаралық олимпиадасы

2015 жыл – Информатикадан халықаралық олимпиадасы

2017 жыл – Химиядан 51-ші Менделеев олимпиадасы

2023 жыл – Химиядан 57-ші Менделеев олимпиадасы

2024 жыл – Биологиядан 35-ші халықаралық олимпиада (IBO)

2025 жыл - 21-ші халықаралық Жәутіков олимпиадасы (IZhO);

Жыл сайын Республикалық олимпиадалық резерв мектебі ұйымдастырылады.

1998-2023 жылдар аралығында Қазақстанның дарынды оқушылары ең беделді әлемдік пәндік олимпиадаларда 2 241 алтын, 3 266 күміс, 4 763 қола медальдарды жеңіп алды. Қазақстандық оқушылар соңғы жылдар ішінде әлемдік интеллект нарығында өзінің бәсекеге қабілеттілігін дәлелдеуде. Мысалы 1998 жылы Халықаралық Олимпиадалық рейтингте (IMO, IPHO, ICHO, IBO, IOI)  Қазақстан 50-ші орында болса, 2017 жылы Қазақстан аталған рейтинг бойынша 10-шы орынды иеленді.