No Content

Қазақстан Республикасы Оқу-ағарту министрлігінің «Дарын» республикалық ғылыми – практикалық орталығы 2024 жылдың 25 – 28 қазан аралығында Астана қаласы Ө.Жәнібек атындағы №11 мектеп-лицейінің базасында білім беру ұйымдарының психологтеріне арналған «Білім алушыларды білім беру ортасында психологиялық-педагогикалық сүйемелдеу» тақырыбында республикалық семинар өткізеді.

Семинардың мақсаты –  білім беру ортасында білім алушыларды психологиялық-педагогикалық сүйемелдеу мәселелері бойынша психологтердің кәсіби құзыреттілігін арттыру.

Семинардың міндеттері:

– білім беру ортасында булингтің себептері мен алдын алу мәселелерін талқылау;

– педагог-ата-ана-оқушының тиімді өзара іс-әрекетін қарастыру;

– білім алушылардың психо-эмоционалдық саласын дамыту;

– ересек өмірде табысты тұлғаның кепілі ретінде оқушылардың коммуникативтік дағдыларын дамыту.

Семинар спикерлері

Капанова Гульмира Кадырбаевна	Астана қаласы әкімдігінің психологиялық қолдау орталығының директоры
Аубакирова Жанат Канашовна	психология ғылымдарының кандидаты Л.Гумилев атындағы Еуразиялық ұлттық университетінің психология кафедрасының профессорының міндетін атқарушы
Исаханова Асель Алимахановна	педагогика және психология PhD докторы, Астана IT университетінің қауымдастырылған профессоры, арт-терапевт
Белесова Нурсулу Абдигаппаровна	педагогика және психология магистрі, PhD докторанты, Астана IT университетінің аға оқутышысы

Семинар аясында «Олимп шыңына» психология пәнінен республикалық олимпиада өткізіледі.

Семинар бағдарламасында тренингтер, практикалық жұмыстар жүргізу қарастырылған.

Іс-шараға қатысу үшін білім беру ұйымдарының педагог – психологтері шақырылады.

Іс-шара соңында қатысушылар семинарға, олимпиадаға қатысқаны үшін сертификат алады және олимпиада жеңімпаздары мен жүлдегерлері ҚР Оқу-ағарту министрлігі «Дарын» республикалық ғылыми-практикалық орталығының I, II, III дәрежелері дипломдарымен марапатталады.

Ұсынылған квотаны сақтай отырып, (әр аймақтан 5 адамнан артық емес) білім басқармасы бекіткен семинарға қатысу үшін өтінімді а. ж. 17 қазан айына дейін төмендегі үлгі бойынша t.bakieva@daryn.kz электрондық поштаға жіберу қажет, сондай-ақ барлық қатысушылар http://tiny.cc/Respseminar2024 сілтеме арқылы тіркеуден өтуі тиіс.

Іс-сапар шығындары (ұйымдастыру жарнасы, жолы, тамақтануы, жататын орны) жіберуші тараптың есебінен төленеді.

№	Қатысушының ата-жөні (толық)	Жұмыс орны	Лауазымы	Еңбек өтілі	Телефон, e-mail

Қатысушылардың келу күні – 25 қазан, семинардың басталуы – 26 қазан, аяқталуы – 28 қазан сағат 13.00-ден кейін.

Іс-сапар шығындары (ұйымдастыру жарнасы 25 350 тенге, олипимаданы ұйымдастыру – 4500 тенге, жолы, тамақтануы, жататын орны) жіберуші тараптың есебінен төленеді.

Қонақүйде орындарды брондау үшін төмендегі мекен-жайларға хабарласуға болады:

Астана қ., «Думан» қонақ үй кешені, Қорғалжын тас жолы, 2а

тел. 8 (708) 909 8500; 8 (7172) 79-15-00;

Астана қ., «Алтын Дала» қонақ үй кешені, Бигелдинов к-сі, 8/1

тел. 8 (7172) 32-33-11, 8 (701) 032-33-11.

Барлық сұрақтар бойынша:

Астана қ., Мәңгілік Ел даңғылы, 8, «Алтын орда» бизнес орталығы,

3 қабат, 301 кабинет. Байланыс тел.: 8 (7172) 795867

Қазіргі кезде білім саласындағы жаңа талаптар дербестікті, белсенділікті, шығармашылық іздеу дағдыларын және стандартты емес мәселелерді шешудің формалары мен әдістерін іздеуге байланысты міндеттерді алға тартып отыр. Бұл қасиеттерді қалыптастыруда пәндік олимпиадалар ерекше орын алады.

Оқушыларды әртүрлі олимпиадалар мен конкурстарға дайындау мұғалімнің педагогикалық қызметінің маңызды құрамдас бөлігі болып табылады, ал әртүрлі деңгейдегі олимпиадаларда оқушылардың жоғары оқу жетістіктері мен нәтижелері таланттарды, зияткерлік пен дарындылықты дамыту бойынша жүйелі жұмыс сапасының көрсеткіштерінің бірі болып табылады.

Қазақстан Республикасы Оқу-ағарту министрлігінің «Дарын» республикалық ғылыми-практикалық орталығы 2024 жылғы іс-шаралар жоспарына сәйкес 22-24 қазан күндері Астана қаласында қазақ тілі және орыс тілі пәні мұғалімдері үшін (бастауыш, орта және жоғары сынып) «Оқушыларды гуманитарлық цикл пәндері бойынша олимпиадаларға дайындау» тақырыбында республикалық оқу семинарын (бұдан әрі – Семинар) өткізеді.

Семинардың мақсаты – педагогтердің кәсіби құзыреттілігін жетілдіру, оқушылардың гуманитарлық цикл пәндеріненолимпиадаларға сапалы дайындығын қамтамасыз ету бойынша педагогикалық практиканы дамыту.

Семинарда оқушылардың танымдық белсенділігін дамыту, гуманитарлық цикл пәндері бойынша олардың дайындық деңгейін анықтау, олардың дербес, ізденушілік, зерттеушілік ойлауын жетілдіру, сондай-ақ қатысушылардың олимпиада тапсырмаларын құрастыру және орындау үшін қажетті білім алып, олимпиадаға дайындық жұмысын ұйымдастыру әдіснамасымен таныстыру, олимпиада тапсырмаларын талдау мәселелері қарастырылады.

Іс-шара Астана қаласы білім басқармасының №9 «Зерде» мамандандырылған мектебінің базасында өтеді (Астана қаласы, Нұра ауданы, Төле би көшесі, 26).

Семинарға келу күні – 21 қазан, өту күндері – 22-24 қазан, аяқталуы – 24 қазан (сағат 15.00 -ден кейін).

Семинарға қатысушылар үшін «Думан» қонақ үйінде орын брондалған. Мекен-жайы: Қорғалжын тас жолы 2А, тел. 8/7172/ 79-15-00, +7 708 909 8500.

24 қазан күні сағат 09.00-де қатысушылар «Олимп шыңы» республикалық пәндік олимпиадасына қатыса алады. Олимпиада жеңімпаздары мен жүлдегерлері  ҚР ОАМ «Дарын» РҒПО ның І, ІІ, ІІІ дәрежелі дипломдарымен марапатталады.

Білім басқармасының басшыларымен, мамандандырылған білім беру ұйымдарының директорларымен бекітілген сұранысты а.ж. 15 қазанына дейін көрсетілген үлгі бойынша g.berdenova@daryn.kz поштасына жіберулеріңізді сұраймыз.

Әр қатысушы 15 қазанға дейін міндетті түрде http://tiny.cc/seminarolimp2024 сілтемесі бойынша онлайн тіркелуден өтуі қажет.

Іс-сапар шығындары жіберуші жақтың есебінен (ұйымдастыру жарнасы, жолы, тамақтануы, тұруы). Семинарға қатысу үшін ұйымдастыру жарна 25 350 теңге, «Олимп шыңы» пәндік олимпиадасына қатысуға тілек білдірушілер үшін жарна 4 500 теңгені құрайды.

Барлық сұрақтар бойынша байланыс тел.: 8 (7172) 79-58-67

№

Облысы

Қатысушының аты-жөні

Жұмыс орны

Пәні, оқыту тілі

Жұмыс өтілі

Қатысушының e-mail

Қонақ үй қажеттілігі, байланыс телефоны