No Content

ҚР Оқу-ағарту министрлігінің «Дарын» республикалық ғылыми-практикалық орталығы» РМҚК 2024 жылғы 26-29 ақпан аралығында жалпы білім беретін мектептер арасында қоғамдық-гуманитарлық бағыт бойынша «Ақбота» зияткерлік олимпиадасын өткізеді (бұдан әрі – Олимпиада). 

Олимпиада оқушыларды гуманитарлық пәндерді тереңірек зерттеуді ынталандыруға, тарих, әдебиет, әлеуметтік ғылымдар, тіл білімі және т.б. пәндерге деген қызығушылығын арттыру мақсатында өткізіледі.

Конкурстың Ережесі www.daryn.kz  сайтында орналастырылған.

Олимпиадаға Қазақстан Республикасы білім беру ұйымдарының 1-10 сынып оқушылары қатыса алады.

Олимпиадаға қатысу ерікті түрде жүзеге асады.

Конкурсқа қатысуға ниет білдірген оқушылар https://games.daryn.kz/  сайтында 2024 жылдың 19 ақпанынан бастап 25 ақпанның 20:00-не дейін (Астана қ. уақытымен) тіркеуден өте алады. Тіркелу барысында әрбір қатысушы өзінің жеке электрондық поштасын ғана қолдануы қажет.

Олимпиада ағымдағы жылдың 26 ақпанында (Астана уақытымен) сағат 09:00-ден басталып, 2024 жылдың 29 ақпанында 20:00-де аяқталады. Қатысушылар олимпиада тапсырмаларын өздеріне ыңғайлы кез келген уақытта, жоғарыда көрсетілген мерзім аралығында орындай алады.

Қатысушыларға жеке компьютер немесе ноутбук, сондай-ақ Google Chrome браузерін ғана пайдалануға кеңес беріледі. Конкурс аяқталғаннан кейін қатысушылар жинаған ұпайлары мен алған орындарын 2024 жылдың 4 наурызында https://games.daryn.kz/ сайтындағы жеке кабинеттеріне кіру арқылы көре алады.

No Content

Дарынды мектеп оқушыларын анықтау, математикалық сауаттылығын арттыру және ғылым негіздері бойынша олардың білімдерін тереңдету мақсатында ҚР Оқу-ағарту министрлігінің «Дарын» республикалық ғылыми-практикалық орталығы» РМҚК 2023 жылғы 4-7 ақпан аралығында жаратылыстану-математикалық бағыттағы жалпы білім беретін мектептерге арналған «Ақбота» зияткерлік олимпиадасын өтткізеді (бұдан әрі – Олимпиада). 

Конкурстың Ережесі www.daryn.kz  сайтында орналастырылған.

Бұл Конкурс Қазақстан Республикасы Білім және ғылым министрінің 2011 жылғы 7 желтоқсандағы №514 Бұйрығымен бекітілген тізбеге енгізілген.

Олимпиадаға Қазақстан Республикасы білім беру ұйымдарының 1-10 сынып оқушылары қатыса алады.

Олимпиадаға қатысу ерікті түрде жүзеге асады.

Конкурсқа қатысу үшін ниет білдірген оқушылар https://games.daryn.kz/  сайтында 2023 жылдың 18 қаңтарынан бастап тіркеуден өте алады. Көрсетілген сайтта тіркелу барысында әрбір қатысушы өзінің жеке электрондық поштасын ғана қолдануы қажет.

Оқушы олимпиадаға тіркелгеннен кейін төлем қатысушының жеке кабинетінде ғана жүргізіледі. Ұйымдастыру жарнасының мөлшері бір қатысушы үшін 650 теңгені құрайды.

Олимпиаданың басталуы ағымдағы жылдың 4 ақпанда (Астана уақытымен) сағат 09:00-де басталып 2023 жылғы 7 ақпанда 23:59-да аяқталады. Қатысушылар олимпиада тапсырмаларын өздеріне ыңғайлы кез келген уақытта, жоғарыда көрсетілген мерзім аралығында орындай алады.

Қатысушыларға жеке компьютер немесе ноутбук, сондай-ақ Google Chrome браузерін ғана пайдалануға кеңес беріледі. Конкурс аяқталғаннан кейін қатысушылар жинаған ұпайлары мен алған орындарын 2023 жылдың 10 ақпанда https://games.daryn.kz/ сайтындағы жеке кабинеттеріне сағат 09:00-ден бастап кіру арқылы тексере алады.