Month: Қараша 2024

БАСПАСӨЗ ХАБАРЛАМА

2024 жылғы 30 қарашада Астана қаласы әл-Фараби атындағы Оқушылар сарайында жоғарғы сынып оқушылары, педагогтар мен білім саласының қызметкерлеріне арналған ғылым және экология саласындағы ауқымды «Экология. Жүйелі шешімдер. Біз» тақырыбында іс-шара – «NXplorers дүниежүзілік саяхат» республикалық ғылыми фестивалі өтеді.
Фестивальдің бірінші ағымында спикерлер жаһандық экологиялық сын-қатерлерге тоқтала отырып, оның ішінде Азия аймағы мен еліміздегі экологиялық жағдайды талқылайды. Барлық баяндамалар қолданбалы сипатқа ие болады, осылайша қатысушылар алған білімдерін өз жобаларында бірден қолдана алады. Сондай-ақ, қатысушылар NXplorers халықаралық әдістемесімен және оның Қазақстанда қолдану барысымен танысып, бұл тәсілді педагогикалық тәжірибеге қалай енгізуге болатынын біле алады.
Екінші ағымда экологиялық мәселелерді шешу дағдыларын дамытуға арналған интерактивті іс-шаралар мен қызықты квесттер ұйымдастырылады. Қатысушылар NXplorers әдістемесі сәтті қолданылып жатқан елдердің мәдениетімен танысып, естелік сыйлықтар ойнатылатын викториналарға қатыса алады. Барлық іс-шаралар қазақ және орыс тілдерінде өтеді.
Фестивальдің басты оқиғасы «NXplorers: Жасыл Ұрпақ Бәйгесі» республикалық экологиялық жобалар конкурсының финалы болады, мұнда 2024 жылғы NXplorers конкурсының 20 финалист командасы бақ сынасады. Жеңімпаз атанған 5 командаға өз жобаларын әрі қарай жүзеге асыру үшін 1 000 000 теңге көлемінде грант беріледі.
Фестивальдің ашылу салтанатында ҚР Оқу-ағарту министрлігінің, «Дарын» республикалық ғылыми-практикалық орталығының және «Шелл Қазақстан» энергетикалық компаниясының өкілдері сөз сөйлейді.
Қатысу тегін және қатысушылар онлайн тіркеліп, еркін кіре алады.
Барлығына сертификаттар беріледі. Тіркелу https://zhasylurpak.com/krugosvetka сайтында жүргізіледі.
Іс-шараны ұйымдастырушылар: ҚР Оқу-ағарту министрлігі мен «Шелл Қазақстан» энергетикалық компаниясының қолдауымен «Дарын» республикалық ғылыми-практикалық орталығы мен «Caravan of Knowledge» корпоративтік қоры.
Өтетін уақыты: 2024 жылғы 30 қараша, сағат 10:00-19:00.
Өтетін орны: Бауыржан Момышұлы көшесі, 5.
Байланыс: Альфия Мустафина, жоба үйлестірушісі, 8 702 353 87 68
Қатысу және БАҚ аккредитациясы бойынша байланыс нөмірі: Әйгерім
Маженова, жоба үйлестірушісі, +7 701 529 99 98
Анықтама үшін:
NXplorers – күрделі мәселелерді өз бетінше шешуге арналған сыни және шығармашылық ойлау құралдары арқылы оқытатын білім беру бағдарламасы. «Азық-түлік – су – энергия» байланысына бағытталған бұл бағдарлама БҰҰ тұрақты даму мақсаттары арасындағы байланысты тереңірек түсінуге көмектесіп, білімді кеңейтуге, ойлау әдістері мен күрделі мәселелерді шешу дағдыларын дамытуға бағытталған.

Астанада жаратылыстану-математика бағытындағы пәндер бойынша XVII Президенттік олимпиада аяқталды. Олимпиадаға Қазақстанның барлық өңірлерінен 11 (12) сыныптың 190 оқушысы қатысты.

Жабылу салтанатында Қазақстан Республикасының Оқу-ағарту вице-министрі Арай Оразова қатысты. Ол оқушыларды Президенттік олимпиаданың сәтті аяқталуымен құттықтап, Қазақстан Республикасының Премьер-Министрі Олжас Бектеновтің құттықтау сөзін оқып берді.

Олимпиада ережесіне сәйкес, қатысушылардың 25%-ы Қазақстан Республикасының Оқу-ағарту министрлігінің дипломдарымен және бағалы сыйлықтармен марапатталды. I дәрежелі дипломды 9 оқушы, II дәрежелі дипломды 13 оқушы, ал III дәрежелі дипломды 26 оқушы иеленді. Барлық жеңімпаздар мен жүлдегерлер Қазақстанның жоғары оқу орындарына білім гранттарын тағайындау конкурсына қатысу үшін басым құқыққа ие болды.

Орталық Азия мен Кавказдағы ең ірі әуе тасымалдаушы компания – «Эйр Астана» барлық жүлдегерлерге естелік сыйлықтар табыстап, ең жоғары нәтиже көрсеткен төрт жеңімпазға шетелдерге барып-қайтуға әуе билеттерін сыйлады.

Сонымен қатар, тоғыз жеңімпазға Қазақстанның жетекші жоғары оқу орындары – SDU, Astana IT University және А.Сағынов атындағы Қарағанды техникалық университеті ректорлық білім гранттарын табыс етті.

Олимпиада ұйымдастырушылары – Қазақстан Республикасының Оқу-ағарту министрлігі мен «Дарын» республикалық ғылыми-тәжірибелік орталығы – іс-шара серіктестеріне алғысын білдіріп, бес ұйымға «Үздік серіктес» атты хрусталь стелаларын табыс етті.

Анықтама үшін:

Президенттік олимпиада жаратылыстану-математика бағытындағы пәндер бойынша 2008 жылдан бері өткізіліп келеді. Олимпиаданың ерекшелігі – қатысушылардың жаратылыстану-математика бағыты бойынша төрт пәннен бір уақытта білімдерін көрсетуінде болып табылады. Олимпиада үш кезеңнен тұрады. Бірінші (өңірлік) кезеңге 3110-нан астам оқушы қатысты. Екінші кезеңде 424 оқушы бақ сынап, олардың ең үздіктері финалға өтті. Барлық жылдар ішінде олимпиадаға 2545 қатысушы қатысып, 628 медаль жеңіп алды. Оның ішінде 123 алтын, 203 күміс және 302 қола медаль бар.

Қарау

Жұмыстар

Тапсырмалар

Шешімдер

Хаттама

2024 жылдың 19-22 қарашасында Астана қаласында «Думан» қонақ үй кешенінің базасында  республиканың білім беру ұйымдарының 11 (12) сынып оқушылары арасында жаратылыстану-математикалық циклы пәндері бойынша ХVІІ Президенттік олимпиада (бұдан әрі – Олимпиада) өтті.

Олимпиаданың мақсаты мен міндеті – орта білім беру ұйымдарының оқушылары арасында математика, физика, химия және биология пәндерінен дарынды оқушыларды анықтау, оларды одан әрі зияткерлік дамыту және кәсіби бағдарлау үшін оңтайлы жағдайлар жасау. Сондай-ақ, оқушылардың жаратылыстану-математикалық бағыттағы пәндерді оқуға деген қызығушылығын арттыру, теориялық білім мен дағдыларды тереңдету.

Ережеге сәйкес Олимпиада үш кезеңде өткізіледі.

Бірінші (өңірлік) кезең ағымдағы жылдың 10 қазанда өтті, оған 3113 оқушы қатысты.

Екінші іріктеу кезеңіне республиканың барлық өңірлерінен, Астана, Алматы және Шымкент қалаларынан, республикалық білім беру ұйымдарынан және «НЗМ» ДББҰ-дан 422 оқушы қатысты. Іріктеу кезеңінің екі турының қорытындысы бойынша 190 оқушы олимпиаданың республикалық кезеңіне өтті.

Қазылар алқасының құрамы халықаралық олимпиадалардың бұрынғы жеңімпаздары мен жүлдегерлері, жетекші отандық және шетелдік жоғары оқу орындарының студенттері, магистрлері мен PhD докторлары қатарынан құрылды.

Олимпиаданың жеңімпаздары мен жүлдегерлері ҚР Оқу-ағарту министрлігінің I, II және III дәрежелі дипломдарымен марапатталады және республиканың жоғары оқу орындарында оқу үшін білім беру гранттарын тағайындау конкурсына қатысу кезінде басым құқыққа ие болады.

Олимпиада жеңімпаздары мен жүлдегерлерін марапаттау рәсімі 2024 жылдың 22 қарашасында сағат 11.00-де Әл-Фараби атындағы Оқушылар сарайында өтеді.

Бейнетрансляцияға сілтемелер «Дарын» РҒПО daryn.kz. сайтында орналастырылады.

Тапсырмалар мен шешімдер

2024 жылдың 17 қазанында еліміздің барлық облыс орталықтары мен республикалық маңызы бар қалаларында жаратылыстану-математика циклы пәндері бойынша Президенттік олимпиаданың іріктеу кезеңі өтті.

Оған бірінші аймактык, кезеңде жақсы нәтижеге қол жеткізген 422 оқушы қатысты. Іріктеу кезеңінің қорытындысы бойынша үшінші (республикалық) кезеңге 190 оқушы іріктеліп алынды.

Олимпиаданың үшінші (республикалық) кезеңі 2024 жылғы  19-22 қараша аралығында Астана қаласында «Думан» қонақ үй базасында өтеді.

Айта кетсек, аймақтық кезеңде республиканың білім беру ұйымдарынан бұрын республикалық және халықаралык, пәндік олимпиадаларға қатыспаған 11 (12) сынып оқушылары қатысты. Олар төрт пән: математика, физика, химия және биология бойынша тапсырма орындады.

Жаратылыстану-математика циклы пәндері бойынша Президенттік олимпиада 2008 жылдан бастап өткізіледі. Зияткерлік жарыс еліміздің дарынды оқушыларын анықтауға және олардың әлеуетін жүзеге асыруға қолдау керсетуге көмектеседі.

Хаттама

Тікелей эфир сілтемелері

Әдістемелік ұсыныстар

Тапсырмалар
Шешімдер

Әдістемелік ұсыныстар

Жаратылыстану - математика циклы пәндері бойынша Президенттік олимпиада 2008 жылдан бері өткізіліп келеді.

Олимпиада үш кезеңде өткізіледі.

Әр қатысушы барлық кезеңдерде төрт пән бойынша тапсырмаларды орындайды: математика, физика, химия және биология.

Олимпиадаға бұрын-соңды республикалық және халықаралық пән олимпиадаларына қатыспаған республиканың білім беру ұйымдарының                     11 (12) сынып түлектері қатысуда.

Ағымдағы жылдың 8 қазанында сағ.10.00-де жаратылыстану-математика циклі пәндері бойынша XVIІ Президенттік олимпиаданын бірінші (өңірлік) кезеңі өтеді.

Олимпиадаға жалпы орта білім беру мекемелерінің лицей, гимназия, дарынды балаларға арналған мамандандырылған мектептердің 11(12) сынып 3113 оқушысы қатысты. Онын 1056-сы ауыл мектептерінің оқушылары.      Іріктеу кезеңіне әрбір облыс, Астана, Алматы және Шымкент қалалары, «Назарбаев Зияткерлік мектептері» ДББҰ олимпиаданың өңірлік кезеңінің нәтижелеріне сәйкес құрамында 20 адамнан аспайтын командалар, республикалық білім беру ұйымдары құрамында 8 адамнан аспайтын команда қатыстырады.

Қарау

Хаттамалар

Тапсырмалар

Шешімдер

Қатысушылардың жұмыстары

Қарау

Бағдарлама

Республикада жаратылыстану-математика циклі пәндері бойынша Президенттік олимпиаданың екінші (іріктеу) кезеңі қорытындыланды.
Оған бірінші (аймақтық) кезеңде жоғары нәтижеге қол жеткізген 446 оқушы қатысты.

Іріктеу кезеңінің қорытындысы бойынша олимпиаданың үшінші (республикалық) кезеңіне 199 оқушы өтті.

Олимпиаданың үшінші (республикалық) кезеңін 2023 жылғы 21-24 қарашада Қарағанды қаласында академик Е.А. Бөкетов атындағы Қарағанды мемлекеттік университетінің базасында өткізу жоспарланып отыр.

Естеріңізге салсақ, олимпиадаға бұрын республикалық және халықаралық олимпиадаларға қатыспаған 11 (12) сынып оқушылары қатысады. Олар төрт пән (математика, физика, химия және биология) бойынша тапсырмалар орындайды.

Жаратылыстану-математика циклі пәндері бойынша Президенттік олимпиада 2008 жылдан бастап өткізіледі. Бұл зияткерлік жарыс еліміздің дарынды оқушыларын анықтауға және олардың әлеуетін жүзеге асыруға қолдау көрсетуге бағытталған.

Хаттама

Тікелей эфирді қарау

Бүгін, 2023 жылдың 20 қазан күні республикамызда жаратылыстану - математика циклы пәндері бойынша Президенттік олимпиаданың екінші (іріктеу) кезеңі басталды.

Іріктеу кезеңіне республиканың білім беру ұйымдарының 11 (12) сынып  арасынан 446 оқушы қатысады.

Олимпиаданың әрбір қатысушысы төрт пән бойынша тапсырмаларды орындайды: математика, физика, химия және биология.

Олимпиаданың іріктеу кезеңі екі турдан тұрады және бір күнде өткізіледі. Бірінші тур сағат 10.00-де, екінші тур (шығармашылық, эссе жазу) сағат 12.30-де (Астана уақытымен) өтеді.

Олимпиаданың негізгі идеясы - орта білім беру ұйымдарының оқушылары арасында математика, физика, химия және биологиядан дарынды оқушыларды анықтау үшін кәсіптік бағдар мен болашақтағы интеллектуалдық дамуына қолайлы жағдай жасау, жаратылыстану-математикалық бағыттағы пәндерді оқутуда  оқушылардың қызығушылығын арттыру, теориялық білімдері мен дағдыларын тереңдету, тұлғаның өзін-өзі жетілдіруіне және дамытуына жағдай жасау.

Олимпиаданың қорытындысы бойынша жеңімпаздар мен жүлдегерлер Қазақстан Республикасының Оқу-ағарту министрлігінің I, II және III дәрежелі дипломдарымен марапатталады және республикамыздың жоғары оқу орындарына білім беру гранттарын тағайындауда басым құқықты иеленеді.

Естеріңізге салсақ, жаратылыстану - математика циклы пәндері бойынша Президенттік олимпиада 2008 жылдан бері өткізіліп келеді. Олимпиаданың бірінші (өңірлік) кезеңі ағымдағы жылдың 3 қазанында 2933 қатысушы арасында өткізілді. Олимпиаданың қорытынды кезеңі қараша айының екінші жартысына жоспарланып отыр.

Тапсырмалар

Шешімдер

Жаратылыстану-математика циклы пәндері бойынша XV мерейтойлық Президенттік олимпиаданың республикалық кезеңі аяқталды. Қазақстанның барлық өңірлерінен келген 191 оқушы өзара үздікті анықтады. Зияткерлік жарыстар ағымдағы жылдың 29 қарашасы мен 2 желтоқсаны аралығында академик Е. Бөкетов атындағы Қарағанды университетінің базасында өтті.

- Президенттік олимпиада - бұл еліміздің дарынды оқушыларын анықтауға көмектесетін және олардың әлеуетін іске асыруға қолдау көрсететін бірегей жоба. 15 жылда Олимпиада 15 мың оқушының өмірлік ұстанымын, бағыт-бағдарын айқындап берді. Мәселен, Олимпиаданың алғашқы жеңімпаздарының бірі Санжар Оразбаев бүгінде zapis.kz электрондық журналының негізін қалаушы және директоры, ал Ернар Самтиков Аризона штатының Университетін "Биомедициналық инженерия" мамандығы бойынша сәтті тәмамдап, "Айкуне" оңалту орталықтарын басқарып отыр. Тағы бір бұрынғы олимпиадашы, Шымкент қаласындағы "Білім-Инновация" лицейінің мұғалімі Нұрлан Сүйеуов жақында ғана " Үздік педагог - 2022 "құрметті атағына ие болды. Әрине, мұндай мысалдарды өте ұзақ уақыт тізімдеуге болады. Мұның бәрі Президенттік олимпиада жарқын болашаққа трамплин ретінде қызмет ететіндігін көрсетеді.

«Қазақстан Республикасының Оқу-ағарту министрі Асхат Аймағамбетов мырзаға, Қарағанды облысының әкімдігіне, "Дарын" өңірлік орталығындағы әріптестеріме ауқымды іс-шараны ұйымдастыруға қолдау көрсеткені үшін және, әрине, Олимпиада жеңімпаздары үшін білім беру гранттарын бөлген ЖОО басшыларына шексіз алғысымды білдіремін», - дейді "Дарын" РҒПО директоры Ануар Унайбеков.

Олимпиада қорытындысы бойынша 9 қатысушы ҚР Оқу-ағарту министрлігінің I дәрежелі дипломымен, 18 қатысушы II дәрежелі дипломымен және 27 қатысушы III дәрежелі дипломымен марапатталды. Сондай-ақ 35 жеңімпазға Қазақстан-Британ техникалық университетінде (9), М. Әуезов атындағы Оңтүстік Қазақстан университетінде (4), Х.Досмұхамедов атындағы Атырау университетінде (5), Қ.Жұбанов атындағы Ақтөбе өңірлік университеті (5) мен Торайғыров университетінде (12) оқуға білім беру гранттары және академик Е. Бөкетов атындағы Қарағанды университетінің 12 шәкіртақысы берілді.

Қарау

Тікелей эфир

Бағдарлама

2022 жылдың 29 қарашасы мен 2 желтоқсаны аралығында академик Е. А. Бөкетов атындағы Қарағанды университетінің базасында республиканың білім беру ұйымдарының 11 (12) сынып оқушылары арасында жаратылыстану-математикалық цикл пәндері бойынша ХV Президенттік олимпиада (бұдан әрі – Олимпиада) өтеді. Үшінші (республикалық) кезеңге 192 қазақстандық оқушы қатысады.

Президенттік олимпиаданың бірінші (өңірлік) кезеңі а.ж. 12 қазанында бір мезгілде өткізіліп, оған республиканың барлық өңірлерінен 2871 оқушы қатысты.

Олимпиаданың басты идеясы – патриоттық рухты, мықтыі, интеллектуалды, жоғары білімді қазақстандық оқушыларды тәрбиелеу, жаратылыстану-математика ғылымдарын тереңдетіп оқыту.

Олимпиаданың салтанатты ашылу рәсімі 2022 жылдың 29 қарашасында сағат 17.00-де өтеді.

Қазылар алқасының құрамы халықаралық және Президенттік олимпиадалардың бұрынғы жеңімпаздары мен жүлдегерлері, жетекші отандық және шетелдік жоғары оқу орындарының студенттері, магистрлері мен PhD докторлары қатарынан құрылды. Қазылар алқасының құрметті мүшелері ретінде Әл-Фараби атындағы ҚазҰУ ғалымдары шақырылды.

«Білім туралы» ҚР Заңына сәйкес Олимпиаданың жеңімпаздары мен жүлдегерлері ҚР Оқу-ағарту министрлігінің I, II және III дәрежелі дипломдарымен марапатталады және республиканың жоғары оқу орындарында оқу үшін білім беру гранттарын тағайындау конкурсына қатысу кезінде басым құқыққа ие болады.

Олимпиада жеңімпаздары мен жүлдегерлерін марапаттау рәсімі 2022 жылдың 2 желтоқсанында сағат 10.00-де академик Е. А. Бөкетов атындағы Қарағанды университетінің конференц-залында өтеді.

Бейнетрансляцияға сілтемелер «Дарын» РҒПО daryn.kz. сайтында орналастырылады.

Хаттама

Тапсырмалар және шешімдер Биология

Тапсырмалар және шешімдер Физика

Тапсырмалар және шешімдер Математика

Тапсырмалар және шешімдер Химия

Тест сұрақтарының жауап парақшалары

Эссе жұмыстары: 1 бөлік

Эссе жұмыстары: 2 бөлік

Әдістемелік ұсыныстар

Авторизациялау және тестілеуден өту жөніндегі нұсқаулық

Құжатты сканерлеу, атын өзгерту және Google Drive-қа жүктеу бойынша нұсқаулық

2022 жылдың 27 қазанында еліміздің барлық облыс орталықтары мен республикалық маңызы бар қалаларында Жаратылыстану-математика циклы пәндері бойынша Президенттік олимпиаданың іріктеу кезеңі өтеді. Оған бірінші айтақтық кезеңде жақсы нәтижеге қол жеткізген  463 оқушы қатысады.

Айта кетейік, аймақтық кезеңде республиканың білім беру ұйымдарының бұрын республикалық және халықаралық пәндік олимпиадаларға қатыспаған 2871 11 (12) сынып түлегі қатысты. Олар төрт пән: математика, физика, химия және билогия бойынша өзара мықтыны анықтады.

Жаратылыстану-математика циклы пәндері бойынша Президенттік олимпиада 2008 жылдан бастап өткізіледі. Зияткерлік жарыс еліміздің дарынды оқушыларын анықтауға және олардың әлеуетін жүзеге асыруға қолдау көрсетуге көмектеседі.

Бірінші (өңірлік) кезеңі ПО тапсырмалар

Математика пәні шешімдері

Биологии пәні шешімдері

Физика пәні шешімдері

Химии пәні шешімдері

Жаратылыстану - математика циклы пәндері бойынша Президенттік олимпиада (бұдан әрі - Олимпиада) 2008 жылдан бері өткізіліп келеді.

Олимпиаданың негізгі идеясы - орта білім беру ұйымдарының оқушылары арасында математика, физика, химия және биологиядан дарынды оқушыларды анықтау үшін кәсіптік бағдар мен болашақтағы интеллектуалдық дамуына қолайлы жағдай жасау, жаратылыстану-математикалық бағыттағы пәндерді оқытуда  оқушылардың қызығушылығын арттыру, теориялық білімдері мен дағдыларын тереңдету, тұлғаның өзін-өзі жетілдіруіне және дамытуына жағдай жасау.

Олимпиада Ережеге сәйкес үш кезеңде өткізіледі.

Олимпиадаға республиканың білім беру ұйымдарының бұрын республикалық және халықаралық пәндік олимпиадаларға қатыспаған түлектер, 11 (12) сынып оқушылары қатысады.

Олимпиаданың әрбір қатысушысы барлық кезеңдерде төрт пән бойынша тапсырмаларды орындайды: математика, физика, химия және биология.

Олимпиаданың бірінші (өңірлік) кезеңі ағымдағы жылдың 12 қазанында сағ.10.00-де Нұр-Сұлтан уақытымен бір уақытта өткізіледі. Олимпиаданың өңірлік кезеңін облыстардың, Нұр-Сұлтан, Алматы және Шымкент қалаларының білім басқармалары, республикалық білім беру ұйымдары, «Назарбаев Зияткерлік мектептері» дербес білім беру ұйымы өткізеді.

Екінші  (іріктеу) кезеңі  екі  турда өткізіледі.  Бірінші тур  (қашықтық) 27 қазанда сағат 10.00-де Нұр-Сұлтан уақытымен, екінші тур (шығармашылық, эссе жазу) сол күні сағат 12.00-де өтеді. Іріктеу кезеңіне әрбір облыс, Нұр-Сұлтан, Алматы және Шымкент қалалары, «Назарбаев Зияткерлік мектептері» дербес білім беру ұйымы құрамында 20 адамнан аспайтын команда, республикалық білім беру ұйымдары және «Республикалық  физика-математика мектебі» коммерциялық емес акционерлік қоғамы құрамы 8 адамнан аспайтын команда ұсынады.

Жаратылыстану-математика циклы пәндері бойынша ХV Президенттік олимпиаданың қорытынды кезеңі 29 қараша 2 желтоқсан аралығында офлайн режимінде өткізіледі.

Қосымша ақпарат «Дарын» республикалық ғылыми-практикалық орталығының www.daryn.kz сайтында орналастырылады.

Қосымша ақпаратты төмендегі мекен-жай бойынша алуға болады:

«Дарын» республикалық ғылыми-практикалық орталығы

Нұр-Сұлтан қ., Мәңгілік ел даңғылы, 8, «Алтын орда» БО

тел: 8 (7172) 57 01 27

ПО әдістемелік ұсыныстар

ПО методические рекомендации

Қарау

Президенттік Олимпиада Сауалнамасы

Қарау

Қорытынды кезеңге өткендердің тізімі

Тестілеудің нәтижесі

Эссе натижелері

Биология - тапсырмалары мен жауаптары
Химия - тапсырмалары мен жауаптары
Математика - тапсырмалары мен жауаптары
Физика - тапсырмалары мен жауаптары

Қатысушылардың эсселері

Олимпиада oqylyq.kz. платформасында екі турда өткізіледі. Олимпиаданы өткізу орнын өңірдегі эпидемиологиялық жағдайға байланысты өңірлік ұйымдастыру комитеті анықтайды. Олимпиаданың іріктеу кезеңін өткізу үшін санитарлық-эпидемиологиялық қызметтен рұқсат алу қажет.

Техникалық тур 19 қазанда сағат 14.00-ден 18.00-ге дейін өткізіледі. Техникалық турдың логиндері мен парольдері эссені жүктеуге арналған папкада қол жетімді болады.

Кіру сілтемесі: https://app.oqylyq.kz

• 1 (тестілеу) тур 22 қазанда Нұр-Сұлтан уақыты бойынша сағат 10.00-де өтеді. Тапсырмаларды орындау үшін қатысушыға 2 сағат уақыт беріледі. Қазақ және орыс тілдеріндегі тапсырмалар (тест) саны - 60 (математикадан - 15, физикадан - 15, химиядан - 15 және биологиядан - 15). Әрбір қатысушы жинаған ұпайының жалпы санын бірден біле алады, олимпиада аяқталғаннан кейін әр пән бойынша ұпай саны «Дарын» РҒПО-ның daryn.kz. сайтында орналастырылатын болады. Олимпиада ережелеріне сәйкес – апелляция қарастырылмаған.
• 2 тур (шығармашылық, эссе жазу) сол күні Нұр-Сұлтан уақыты бойынша сағат 12.00-де өткізіледі. Эссе «Дарын» РҒПО қызметкері ұсынған арнайы бланкіде жазылады. Қатысушыларға эссе тақырыптары ұсынылады, орындауға 1 сағат уақыт беріледі. Эссе қазақ немесе орыс тілдерінде қабылданады.
• жұмысты сканерлеу үшін жауапты IT маманды тағайындау қажет;

- әр қатысушыға олимпиаданы өткізу тәртібін түсіндіру қажет;

- жеке заттарды сақтау үшін орын бөлу (аудиториядан тыс) қажет;

- олимпиада басталғанға дейін 15 минут бұрын қатысушыларды аудиторияға жеке куәлікпен тексере отырып кіргізу;

- қатысушылар арасындағы қашықтық санитарлық-эпидемиологиялық норманы сақтай отырып, кемінде 1,5 метрді құрауы тиіс;

- әр қатысушы аудиторияға кірген кезде алдын-ала ілінген тізім бойынша өз орнын білуі қажет;

- аудиторияға қатысушы өзімен бірге көк сиялы қалам, қарындаш,  сызғыш, 0,5 л су және жеке басын куәландыратын құжатты ғана алуға құқылы;

- әрбір қатысушы үшін интернетке шығатын және тұрақты байланысы бар компьютермен немесе ноутбукпен қамтамасыз ету қажет;

- Техникалық сипаттамалары:

Процессор: бесінші буын Intel Core i5 минимумы

Жедел жады көлемі: 4 гб бастап

Браузер: Google Chrome (соңғы жаңартумен)

Интернет жылдамдығы: 10 Мб/с жоғары;

- эссені сканерлеу және «Дарын» РҒПО папкасына жүктеу үшін минутына 30 парақтан кем емес жылдамдықта жұмыс жасайтын сканермен қамтамасыз ету қажет;

- зум конференциясына қосылу арқылы кабинеттің толық ауқымын көрсететін камерамен қамтамасыз ету қажет;

- Олимпиада басталар алдында әр қатысушыға үлкен және шағын конверт беріледі. Үлкен конвертте қатысушыға арналған нұсқаулық, эссе жазу балнкі, Менделеев кестесі беріледі. Шағын мөрленген конвертте oqylyq.kz платформасына кіру үшін жеке логин мен пароль бар («Дарын» РҒПО жауапты қызметкері ұсынады), конверт тестілеуді орындау үшін Нұр-Сұлтан уақыты бойынша сағат 10.00-де ашылады. Қатысушы көрсетілген уақыт бойынша https://app.oqylyq.kz сілтемесі бойынша өтіп логин/пароль енгізіп, тапсырмаларды орындайды. Қатысушы логин мен парольді үшінші тұлғаларға бермеуі не үшінші тұлғалардың логиндері мен парольдерін пайдаланбауы тиіс. Қатысушы сайтқа кіру үшін өз логині мен паролін өзімен бірге алып кетуіне болады.

- Олимпиаданы аяқтамас бұрын, емтиханды аяқтау батырмасын басу керек немесе уақыт өткеннен кейін сайт автоматты түрде жабылады;

- эссе тақырыптары сағат 12.00-де oqylyq.kz сайтында қолжетімді болады. Қатысушы ұсынылған тақырыптардың бірін таңдап, орыс немесе қазақ тілдерінде жаза алады.

- уақыт аяқталғаннан кейін эссе бланкілері сканерленіп, папкіге жүктеледі, сканерлеу процесі камерада бақылануы қажет;

- әрбір қатысушы конвертке эссе бланкісін салып, «Дарын» РҒПО жауапты қызметкеріне тапсыруы қажет;

- жауапты IT-маман тізімге сәйкес файл атауын толтырғаннан кейін эссенің сканерленген нұсқасын тексеруге жібереді.

Олимпиада кезінде қатаң тыйым салынады:

• кез-келген сымды және сымсыз гарнитураны пайдалану, кез-келген байланыс құрылғыларын, смартфондарды, смарт-сағаттарды немесе ішкі жадтан немесе интернеттен жүктелген мәтіндік, графикалық және аудио форматта ақпарат беруге қабілетті кез-келген басқа гаджеттерді пайдалану;
• кез-келген электрондық немесе қағаз анықтамалық ақпаратты, оқулықтарды, басқа әдебиеттерді, рефераттарды және басқа да дайындалған жазбаларды пайдалану;
• тапсырмалар жиынтығына кірмейтін кез-келген материалдарды пайдалану;
• Олимпиаданың басқа қатысушыларымен тапсырмаларды талқылау;
• жұмыс орнын рұқсатсыз босату, көшіру, тәртіпті бұзу.

Қатысушының жұмысын бағалаудың объективтілігін бақылау мақсатында бүкіл тур бойы аудио және бейнежазба жүргізіледі, ол Олимпиада аяқталғанға дейін сақталады. Ережені бұзу фактілері анықталған жағдайда «Дарын» РҒПО-ның жауапты қызметкері акт жасайды және қатысушы Олимпиададан шеттетіледі.

Тестілеу аяқталғаннан кейін олимпиаданың барлық материалдары, сондай-ақ қорытынды ведомості 2 данада шығару қажет (ведомость эссені жүктеуге арналған папкада болады), өңірлік «Дарын» орталығының директоры, жауапты қызметкер, «Дарын» РҒПО қызметкері қол қойып, «Дарын» РҒПО-ның іссапарға жіберілген қызметкеріне тапсыру қажет.

Нұсқаулықты жүктеп алу

СӘТТІЛІК ТІЛЕЙМІЗ!

 РЕСПУБЛИКАЛЫҚ ҰЙЫМДАСТЫРУ КОМИТЕТІ

Тапсырма

Жауап

Анализ ПО 2020

Қазақстан Республикасы Білім және ғылым министрлігі  2020 жылдың 3-4 желтоқсан аралығында онлайн тәртібінде республиканың 11 (12) сынып оқушылары арасында жаратылыстану – математика циклы пәндері бойынша ХІІІ Президенттік олимпиадасы  онлайн тәртібінде zoom және exam.net. платформалары арқылы өткізілді.

Олимпиада Қазақстан Республикасының Тәуелсіздігі және Тұңғыш Президенті күндеріне арналған іс-шаралар аясында ұйымдастырылды. Дәстүрлі түрде олимпиада 2008 жылдан бастап өткізіліп келеді.

Басты идея – қазақстандық оқушыларды жоғары білімді, зияткерлік, мықты патриоттық рухта тәрбиелеу, жаратылыстану – математикалық ғылымдарды тереңдете оқыту.

13 жыл ішінде 31 000 - нан астам түлек олимпиадаға қатысты.

Президенттік олимпиада үш кезеңде:  өңірлік, іріктеу және қорытынды өткізілді. Өңірлік кезеңде барлығы 4593 мектеп бітіруші қатысты. Оның ішінде қазақ тілінде білім алатындары – 3152.

Өңірлік кезеңде - 4593, іріктеу кезеңінде – 396 және қорытынды кезеңге 252 оқушы қатысты.

Президенттік олимпиаданың ережесіне сәйкес жеңімпаздар мен жүлдегерлер I, II және III дәрежелі дипломдармен марапатталады.

Олимпиаданың қазылар алқасының шешімі бойынша І дәрежелі дипломдармен 13 қатысушы,  ІІ дәрежелі дипломдармен 19 қатысушы, ІІІ дәрежелі дипломдармен 32 қатысушы марапатталды.

Биология

Математика

Физика

Химия

Ереже

Тапсырмалар

Шешімдер

Дипломдар, сертификаттар, грамоталар

Республикалық кезеңнің тапсырмалары мен шешімдері

Республикалық кезеңнің хаттамасы

5-6 сынып тапсырмалары

5-6 сынып шешімдері

5 сынып тапсырмалары мен шешімдері

6 сынып тапсырмалары мен шешімдері

дипломдар, грамоталар және сертификаттар

5-6 сынып тапсырмалары

Хаттамаларды қарау

Трансляцияны қарау

Хаттама

5 сынып тапсырмалары

6 сынып тапсырмалары

Нұсқаулықты жүктеу

Дипломды жүктеп алу

Қазақстан Республикасы Білім және ғылым министрлігі  2020 жылдың 23 желтоқсанында 5-6 сынып оқушыларына арналған республикалық олимпиада (бұдан әрі - Олимпиада)  онлайн тәртібінде zoom және exam.net. платформалары арқылы өткізілді.

Олимпиаданың негізгі мақсаттары мен міндеттері жалпы білім беру мекемелері білім алушыларының шығармашылық қабілеттерін және танымдық қызметке қызығушылығын анықтау және дамыту, дарынды балаларды қолдау үшін қажетті жағдайлар жасау, сондай-ақ ғылыми білімді насихаттау болып табылады.

Олимпиада үш кезеңде:  мектепшілік, аудандық және қорытынды өткізілді. Мектепшілік кезеңде - 169840, аудандық кезеңінде – 34490 және қорытынды кезеңге 469 оқушы қатысты.

Олимпиаданың ережесіне сәйкес жеңімпаздар мен жүлдегерлер I, II және III дәрежелі дипломдармен марапатталады.

I дәрежелі дипломдармен -52;

II дәрежелі дипломдармен -90;

III дәрежелі дипломдармен-110 қатысушы марапатталды. Барлығы 252 оқушы.

Атаулы дипломдарды 2021 жылдың 15 қаңтарында daryn.kz сайтынан жүктеп алуға болады

Құрметті жеңімпаздар мен жүлдегерлер, сондай-ақ біздің бірегей балаларымызды дайындаған педагогтар!!! Олимпиадада қол жеткізген жетістіктеріңіз құтты болсын құттықтаймыз!

Английский 5-6 класс

Естествознание 5-6

История Казахстана 5-6 класс

Казахский язык и литература 5-6 класс

Математика 5-6 клас

Русский язык и литература 5-6 класс

Ереже

Қарау

Тікелей эфирді көру

Ереже

«Дарын» республикалық ғылыми-практикалық орталығының (бұдан әрі – «Дарын» РҒПО) 2023 жылғы іс-шаралар жоспарына сәйкес жас ұрпақтың бойына отаншылдық рухты сіңіру, тілді, әдебиетті жете меңгеру, өлең жазу, ақындық, сөз өнерінің қадір-қасиетін түсіну, шығармашыл жастардың дарындылығын айқындау және қолдау мақсатында 8-11(12) сынып оқушыларына арналған         X «Ақберен» республикалық өнер байқауының (бұдан әрі - Байқау) қорытынды кезеңі  өтеді.

Байқау Ережеге сәйкес үш кезең бойынша:

I кезең – аудандық (қалалық), білім бөлімдері;

II кезең – облыстық, Астана, Алматы және Шымкент қалаларының білім басқармалары, РББҰ, «Назарбаев зияткерлік мектептері» ДББҰ ұйымдастыруымен өткізіледі.

Республикалық, III (қорытынды) кезең ағымдағы жылдың 9-12 қарашасында Ақтау қаласында өтеді.

Байқау Ережеге сәйкес 6 номинация бойынша өткізіледі:  Шешендік, білгірлік сайысы; көркемсөз оқу; эссе жазу; ұлттық аспапта өнер көрсету; ақындар айтысы; ақындар мүшәйрасы.

Байқаудың ережесі, өткізу бағдарламасы, хаттама формасы мен сұраныс үлгісі www.daryn.kz сайтында орналасқан.

Сұранысты 27  қазанға  дейін info@daryn.kz   эл. почтасына жіберулеріңізді сұраймыз.

Қатысушылардың байқауға  келу күні – а.ж. 9 қарашасы сағат 18.00-ге дейін, ал кері қайту күні – а.ж. 11 қарашасы күні  сағат 17.00-ден кейін.

Байқаудың жеңімпаздары мен жүлдегерлері ҚР Оқу-ағарту министрлігінің І, ІІ, ІІІ дәрежелі дипломдарымен, бағалы сыйлықтарымен және «Дарын» РҒПО-ның грамоталарымен және номинациялық дипломдарымен марапатталады.

Ұйымдастыру комитеті

Астана қаласында шығармашыл 8-11 сынып оқушылары арасындағы IX республикалық «Ақберен» өнер байқауы өз мәресіне жетті. Дарындылар додасына еліміздің барлық өңірлерінен 130 өнерпаз қатысып, 6 номинция бойынша өзара мықтыны анықтады.

Ауқымды шараның жеңімпазары мен жүлдегерлерін құттықтаған ҚР Оқу-ағарту бірінші вице-министрі Шолпан Каринова жас жеткіншектердің бойында ұлтымыздың мәдениеті мен тарихы, ана тілімізге деген құрметті  ұялатуда «Ақберен» сияқты байқаулардың маңызы зор екендігін атап өтті.

– Еліміздің әлеуеті сіздер сияқты өнерлі, дарынды жастардың қолында. Тек жақсы білім мен тәрбие алып қана қоймай, осындай биік белестерді бағындыра беріңіздер. Сіздерді жан-жақты қолдап, шығармашылықтарыңызға шабыт беріп жүрген ұстаздарыңызға, өңірдегі “Дарын” орталықтарына алғыс айтамын, – деді. 

Байқаудың қорытындысы бойынша ҚР Оқу-ағарту министрлігінің І дәрежелі дипломымен 6 оқушы, ІІ дәрежелі дипломмен 12 оқушы, ал ІІІ дәрежелі дипломмен 18 оқушы марапатталды. Сондай-ақ 6 оқушыға арнайы номинациялық диплом, 14 оқушы арнайы грамота табысталды.

• Жеңімпаздар:
• «Шешендік, білгірлік сайысы» – Еңілік Тілеухан, Ақмола облысы;
• «Көркем сөз оқу» – Райхан Асхатқызы, ШҚО;
• «Эссе жазу» – Нұрғиса Әбдіқалық, Шымкент қ.;
• «Ұлттық аспапта өнер көрсету» – Бақдәулет Жанабек, Жамбыл облысы;
• «Ақындар айтысы» – Айсұлу Жүнісбек, Жамбыл облысы,
• «Ақындар мүшәйрасы»  – Мәди Айтқұлов, Ақтөбе облысы.

Командалық есепте 3 орынды Ақмола, Павлодар облыстарының командасы, 2 орынды Жамбыл облысы, ал 1 орынды Астана қаласы жеңіп алды. 

Құттықтаймыз!

Фото/видеоматериалдар "АҚБЕРЕН-2022" 

Концерт Залы - шешендік өнер, ақындар мүшайрасы, ақындар айтысы

Амфитеатр - көркем сөз, ұлттық аспап

Эссе

28-30 қараша аралығында Астана қаласындағы әл-Фараби атындағы Оқушылар сарайында шығармашыл 8-11 сынып оқушылары арасындағы IX республикалық «Ақберен» өнер байқауы өтеді.

«Ақберен» – жыл сайын еліміздің ең өнерлі, дарынды оқушыларының басын қосатын бірегей жоба. Оның негізгі авторлары – белгілі театр сыншысы, өнертанушы Әшірбек Сығай, мемлекет және қоғам қайраткері Мырзатай Жолдасбеков және Қазақстанның еңбек сіңірген қайраткері, айтыс ақыны Аманжол Әлтай.

Байқаудың жеңімпазы мен жүлдегері атану үшін Қазақстанның барлық облыстарынан, Астана, Алматы және Шымкент қалаларынан, сондай-ақ, «Назарбаев Зияткерлік мектептері» ДББҰ-дан, республикалық білім беру ұйымдарынан 130 қатысушы бәсекеге түсіп, бақтарын сынайтын болады.

Байқау 6 номинациядан тұрады:
1.«Шешендік, білгірлік сайысы»;
2.«Көркем сөз оқу»;
3.«Эссе жазу»;
4.«Ұлттық аспапта өнер көрсету»;
5.«Ақындар айтысы»;
6.«Ақындар мүшәйрасы».

Байқаудың жеңімпаздары мен жүлдегерлері ҚР Оқу-ағарту министрлігінің І, ІІ, ІІІ дәрежелі дипломдарымен, бағалы сыйлықтарымен және «Дарын» РҒПО грамоталарымен және номинациялық дипломдарымен марапатталады.

Жас ұрпақтың бойында отаншылдық рухты сіңіру, тілді, әдебиетті жете меңгеру, өлең жазу, ақындық, сөз өнерінің қадір-қасиетін түсіну, шығармашыл жастардың дарындылығын айқындау және қолдау мақсатында  «Дарын» республикалық ғылыми-практикалық орталығы 2022 жылғы іс-шаралар жоспарына сәйкес шығармашыл оқушылар арасындағы IX республикалық «Ақберен» өнер байқауын (бұдан-әрі Байқау) ағымдағы жылдың 28 - 30 қараша аралығында Астана қаласында өткізіледі.

Байқау Ережеге сәйкес үш кезең бойынша:

I кезең – аудандық (қалалық) білім бөлімдері;

II кезең – облыстық, Астана, Алматы және Шымкент қалаларының білім басқармаларымен, РББҰ, «Назарбаев зияткерлік мектептері» ДББҰ ұйымдастыруымен өткізіледі;

III кезең – республикалық, қорытынды - «Дарын» РҒПО.

Байқау 6 номинация бойынша өткізіледі:

1. 1. Шешендік, білгірлік сайысы (қазақ тарихы, мәдениеті, фольклоры туралы сұрақтарға жауап беру, шешендік өнер тарихын білу, шешен сөйлеу);
   2. Көркем сөз оқу (поэзия, проза, драмалық шығармалардан үзінді);
   3. Эссе жазу;
   4. Ұлттық аспапта өнер көрсету (домбыра, қобыз, жетіген және т.б.);
   5. Ақындар айтысы;
   6. Ақындар мүшәйрасы.

Байқаудың ережесі, хаттама формасы мен сұраныс түрі «Дарын» РҒПО-ның сайтында www.daryn.kz орналасқан. Бағдарламасы қосымша жіберіледі.

Байқауға облыстық кезеңде жеңімпаз атанған 6 оқушы (әр номинацияға – 1 оқушы) және оның жауапты жетекшісі қатысады. Сұранысты info@daryn.kz эл.почтасына 15 қарашаға дейін жіберулеріңізді сұраймыз. Қатысушылардың келуі күні ағымдағы жылдың 28 қараша 14.00 - ден бастап, кері қайту күні 30 қараша 12.00 дейін. Қатысушылар мен жетекшілердің екі жаққа жол шығыны, тамағы, жатын орны, жіберуші жақ есебінен. Қатысушылардың өмірі мен денсаулығы үшін жауапкершілік жетекшілерге жүктеледі . Оқушыларға үш мезгілі тамақтануы мен жататын орны бір тәулігіне – 16000 тг, жетекшілерге – 18 000 тг немесе оқушыларға тек таңғы аспен тамақтануы мен жататын орны бір тәулігіне – 10000 тг, жетекшілерге – 12000 тг.

Өткізу орны: әл-Фараби атындағы Оқушылар сарайы (Б.Момышұлы к-сі, 5)

Жататын орынның мекен-жайы: Аlanda Hotel қонақ үйі, Тәуелсіздік данғылы 33. тел (7172) 72-93-40.

Қазақстан Республикасы Білім және ғылым министрлігінің «Дарын» республикалық ғылыми-практикалық орталығы 2021 жылғы іс-шаралар жоспарына сәйкес, жас ұрпақтың бойында отаншылдық рухты сіңіру, тілді, әдебиетті жете меңгеру, өлең жазу, ақындық, сөз өнерінің қадір-қасиетін түсіну, шығармашыл жастардың дарындылығын айқындау және қолдау мақсатында ағымдағы жылдың 29-31 қазан айында Ақтөбе қаласында «Шығармашылық академия» базасында барлық санитарлық-эпидемиологиялық нормаларды сақтай отырып «Шығармашыл оқушылар арасындағы «Ақберен» VІІІ республикалық өнер байқауын» (бұдан - әрі Байқау) өткізді.

Байқаудың бірінші күні Ақтөбенің қонақжай халқы әр өңірден келген қатысушыларды ыстық лебіздерімен қарсы алып, Ақтөбе облыстық мамандандырылған физика-математикалық мектеп интернатына орналастырды.

Сонымен қатар, бағдарлама бойынша қатысушылар мен жетекшілерге Ақтөбе қаласының көрікті жерлеріне, мұражайларына саяхат және қатысушыларға релакс-тренинг, ал жетекшілерге «Қосымша білім беру саласындағы түрлі формалар мен әдістер арқылы дарынды балалардың шығармашылық және эстетикалық потенциалын дамыту, жетілдіру» тақырыбында семинар-тренинг ұйымдастырылды.

Байқаудың екінші күні қатысушылар мен жетекшілер, қонақтар ашылу салтанатына дейін «Шығармашылық академиясының» көрмесін тамашалады. Байқау 6 номинация («Шешендік, білгірлік сайысы», «Көркем сөз оқу», «Эссе жазу», «Ұлттық аспапта өнер көрсету», «Ақындар айтысы», «Ақындар мүшәйрасы») бойынша өтті. Байқаудың 4 номинациясы шығармашылық академияның акт залында қатысушылар мен жетекшілердің тамашалауымен өткізілді және ашықтықты айқындау мақсатында барлық номинация бойынша YouTube-та тікелей эфирде трансляция жүргізілді.

Байқаудың қорытынды республикалық кезеңіне Қазақстанның барлық облыстарынан, Нұр-Сұлтан, Алматы және Шымкент қалаларынан, сондай-ақ, Абай атындағы республикалық мамандандырылған мектеп-интернатынан 8-11 сынып оқушылары арасында 94 қатысушы бәсекеге түсіп, бақтарын сынады.

Қазылар алқасының шешімімен жеңімпаздар мен жүлдегерлер анықталып, «Дарын» республикалық ғылыми-практикалық орталығының І, ІІ, ІІІ дәрежелі дипломдарымен, грамоталарымен және бағалы сыйлықтарымен 36 оқушы марапатталды. Оның ішінде І дәрежелі дипломға - 6 оқушы, ІІ дәрежелі дипломға - 12 оқушы, ІІІ дәрежелі дипломға – 18 оқушы ие болды. Команда бойынша 1 орынды - Ақтөбе облысы, 2 орынды – Қарағанды облысы қанжығасына байласа, 3 орынды – Батыс Қазақстан, Атырау, Қостанай  облыстары және Алматы қаласы, Абай атындағы РММИ  иеленді. Барлық қатысушылар мен жетекшілерге байқауға қатысқанын растайтын сертификаттар тапсырылды.

Байқаудың қорытындысы және қатысушылардың эссе жұмыстары www.daryn.kz сайтында орналасқан.

Шығармашыл оқушылар арасындағы «Ақберен» республикалық өнер байқауының жеңімпаздар мен жүлдегерлер тізімі

Ақтөбе қаласы, 2021 жылғы 29-31 қазан

Шығармашыл оқушылар арасындағы «Ақберен» республикалық өнер байқауының өңірлер бойынша салыстырмалы көрсеткіш рейтингісі

Қазақстан Республикасы Білім және ғылым министрлігінің «Дарын» республикалық ғылыми-практикалық орталығы 2021 жылғы жұмыс жоспарына сәйкес, ағымдағы жылдың 29-31 қазан күндері аралығында офлайн форматта шығармашыл оқушылар арасындағы VІІІ республикалық «Ақберен» өнер байқауын өткізеді (Бұдан әрі - Байқау).

Байқаудың мақсаты: 8-11 сынып оқушыларының гуманитарлық-эстетикалық ғылымдар саласында кәсіптік қызметін таңдауға шығармашылық қабілетті, өлең жазу, тапқырлық қырын, дарындылығын таныту, олардың ақындық, шешендік шеберлігі, түрлі ұлттық аспапта ойнау, т.б. қолдау көрсетіп, ары қарай дамытуына жол ашу.

Барлық санитарлық-эпидемиологиялық нормаларды сақтай отырып, байқау Ережеге сәйкес үш кезең бойынша өткізіледі:

І кезең – аудандық (қалалық) білім басқармаларымен;

ІІ кезең – аймақтық Нұр-Сұлтан, Алматы, Шымкент қалаларының және облыстық білім басқармаларымен, республикалық білім беру ұйымдарымен, «Назарбаев Зияткерлік мектептерінің» ДББҰ ұйымдастыруымен;

ІІІ кезең – республикалық, қорытынды – Ақтөбе қаласының «Шығармашылық Академия» базасында (мекенжайы: Ақтөбе қаласы, Батыс-2 мөлтек ауданы, Мәңгілік Ел көшесі, 4) өткізеді.

Байқаудың ең үздік жеңімпазы мен жүлдегері атану үшін Қазақстанның барлық облыстарынан, Нұр-Сұлтан, Алматы және Шымкент қалаларынан, сондай-ақ, «Назарбаев Зияткерлік мектептері» ДББҰ-дан, республикалық білім беру ұйымдарынан 8-11 сынып оқушылары арасында 108 қатысушы бәсекеге түсіп, бақтарын сынайды.

Байқаудың республикалық кезеңі 6 номинация бойынша өтеді:

1. «Шешендік, білгірлік сайысы» - қазақ тарихы, мәдениеті фольклоры туралы сұрақтарға жауап беру, шешендік өнер тарихын білу, шешен сөйлеу;
2. «Көркем сөз оқу» – поэзия, проза, драмалық шығармалардан үзінді;
3. «Эссе жазу»;
4. «Ұлттық аспапта өнер көрсету» – домбыра , қобыз, жетіген және т.б.;
5. «Ақындар айтысы»;
6. «Ақындар мүшәйрасы».

Байқаудың Ережесі www.daryn.kz сайтында көрсетілген.

Байқаудың қазылар алқасы құрамы еліміздің жоғары оқу орындарының ең үздік ғалымдары, ақын, жазушыларынан тұрады.

Байқаудың жеңімпаздары мен жүлдегерлері «Дарын» республикалық ғылыми-практикалық орталығының І, ІІ, ІІІ дәрежелі дипломдарымен, грамоталарымен және бағалы сыйлықтарымен марапатталады.

Байқаудың ашылу салтанаты ағымдағы жылдың 30 қазан,  байқаудың қорытындысы бойынша жеңімпаздарды марапаттау рәсімі 31 қазан күні өткізіледі. Толық ақпарат бағдарламада көрсетілген.

Қатысушылардың келуі күні ағымдағы жылдың 29 қазан, қайту уақыты 31 қазан күндері. Қатысушылардың жатын орны, тамақтануы, жол шығыны жіберуші тараптың есебінен.

Форма 1                                    

Сұраныс

Форма 2                                    

Хаттама

Өткізілген орны:

Өткізілу мерзімі                                                     «____» __________

Қазылар алқасының төрағасы  ________________________________________________

Қазылар алқасының мүшелері ___________________________________________________

Қазылар алқасының ескертулері: ________________________________________________

Қазылар алқасының төрағасы: __________________________________________________

Қазылар алқасының мүшелері:_________________________________________________

Ескерту: Қазылар алқасының қолдары қойылып, аты-жөні, атақтары  толық жазылу керек.

Жетекшілер  қазақ тілі мен әдебиет пәнінің  мұғалімдері  болуы  тиіс.

ҚР БҒМ «Дарын» РҒПО, Нұр-Сұлтан қ.Мәңгілік Ел көшесі, 8

Байланыс тел.: 57-01-60, 8-747-703-74-07