Қазақ тілі мен әдебиеті пәні мұғалімдеріне арналған «Оқушыларды қазақ тілінен олимпиадаға дайындаудың әдістемелік жаңашылдықтары мен жасанды интеллекттің мүмкіндіктері» тақырыбында республикалық семинарының ақпарат хаты

Қазіргі заманғы білім беру жүйесі мұғалімнен оқушылардың тілдік, шығармашылық және сыни ойлау қабілеттерін дамытуға бағытталған тиімді педагогикалық тәсілдер мен жаңа технологияларды қолдануды талап етеді. Оқушылардың тілдік қабілетін дамыту олардың тілге деген қызығушылығын арттырып, ой еркіндігі мен шығармашылық белсенділігін жетілдіреді.

Пәндік олимпиадалар мен зияткерлік сайыстардың білім берудегі рөлі ерекше. Олимпиадаға дайындық – оқушының теориялық білімін тереңдетіп, тілдік қорын байытып, жазбаша және ауызша тіл мәдениетін жетілдіруге ықпал ететін маңызды кәсіби алаң.

Оқушыларды олимпиадаға жүйелі дайындау – қазақ тілі пәні мұғалімінің кәсіби шеберлігі мен әдістемелік құзыреттілігінің көрінісі. Бұл бағыттағы жұмыс педагогтің өздігінен ізденуін, заманауи әдістемелер мен инновациялық технологияларды, соның ішінде жасанды интеллект құралдарын тиімді қолдану қабілетін талап етеді.

«Дарын» республикалық ғылыми-практикалық орталығы 19-21 қараша аралығы Алматы қаласында еліміздің білім беру ұйымдарының қазақ тілі мен әдебиеті пәні мұғалімдеріне арналған «Оқушыларды қазақ тілінен олимпиадаға дайындаудың әдістемелік жаңашылдықтары мен жасанды интеллекттің мүмкіндіктері» тақырыбында республикалық семинар өткізеді.

Семинардың мақсаты - қазақ тілі мұғалімдерінің кәсіби және әдістемелік құзыреттіліктерін арттыру, оқушыларды олимпиадаға дайындауда инновациялық әдістерді тиімді қолдану және жасанды интеллект құралдарының мүмкіндіктерін ұтымды пайдалану жолдарын үйрену.

Семинар бағдарламасында олимпиада тапсырмаларының шешу тәсілдері мен талдау әдістері, эссе жазу дағдыларын қалыптастыру және бағалау критерийлерін түсіндіру, тиімді әдістемелік тәжірибелерді бөлісу, жасанды интеллект құралдарын қолданудың педагогикалық және әдістемелік мүмкіндіктерін пайдалану тақырыптары қарастырылады.

Семинарға қатысу туралы сұранысты а.ж. 10 қарашаға дейін көрсетілген үлгі бойынша g.berdenova@daryn.kz электрондық поштасына жіберуіңізді сұраймыз.

Семинарға қатысушы әр педагог 10 қарашаға дейін міндетті түрде http://tiny.cc/seminarkaz сілтемесі бойынша жеке онлайн тіркелуден өту керек.

Семинар аясында 20 қараша күні «Олимп шыңы» республикалық олимпиадасы өтеді.

Семинардың өтетін орны: Алматы қаласы білім басқармасының «И.В. Панфилов атындағы №54 Қазақстан-Ресей мамандандырылған мектеп-лицейі» КММ, Алмалы ауданы, Панфилов көшесі, 68/73.

Семинар және олимпиадаға қатысушыларына сертификаттар табысталады, ал «Олимп шыңы» олимпиадасының жеңімпаздары мен жүлдегердері дипломдар және грамоталармен марапатталады.

Іс-сапар шығындары жіберуші жақтың есебінен (ұйымдастыру жарнасы, жолы, тамақтануы, тұруы). Семинарға қатысу үшін ұйымдастыру жарна 25 350 теңге, «Олимп шыңы» пәндік олимпиадасына қатысуға тілек білдірушілер үшін жарна 4 500 теңгені құрайды.

Барлық сұрақтар бойынша байланыс тел.: 8 (7172) 57-65-40.

Хат