XXII Халықаралық Жәутіков олимпиадасының IZhO2026 күнделігі: 1-ші тур

11 қаңтар күні сағат 10:00-де бекітілген бағдарламаға сәйкес Олимпиаданың бірінші теориялық туры басталады. Олимпиадаға 16 елден 612 оқушы қатысып, математика, физика және информатика пәндері бойынша білімдерін сынайды.

Олимпиаданың теориялық және практикалық турлары Республикалық физика-математика мектебінің (РФММ) және Халықаралық ақпараттық технологиялар университетінің (IITU) базасында өтеді.

Халықаралық қазылар алқасы дайындаған олимпиадалық тапсырмалар күрделілік деңгейі жағынан дарынды балаларға арналған мамандандырылған сыныптардың оқу бағдарламаларына сәйкес келеді.

Олимпиаданың бағдарламасы:

10:00-14:30 — математика және физика

РФММ (Бұқар жырау бульвары, 36);

10:00-15:00 — информатика

IITU (Манас көшесі, 34/1).

Қатысушыларға сәттілік тілейміз!