XXII Халықаралық Жәутіков олимпиадасының екінші туры басталды

Алматы қаласында Республикалық физика-математика мектебі (РФММ) мен Халықаралық ақпараттық технологиялар университеті (IITU) базасында XXII Халықаралық Жәутіков олимпиадасының екінші туры өз жұмысын бастады.

Олимпиадаға 16 елден 612 дарынды оқушы қатысып, білімдерін халықаралық деңгейде сынауда. Екінші турдың ерекшелігі – тапсырмалардың күрделілігі жоғары және әр пәннің ерекшеліктеріне сай құрылуы.

Математика пәнінен қатысушыларға 4,5 сағат, физикадан – 3 сағат уақыт берілген. Оқушылар жеке тапсырмаларды орындаумен қатар, топтық жұмыстар арқылы да өз білімдерін көрсетеді.

Информатика пәнінен қатысушыларға 5 сағат уақыт бөлінген. Бұл кезеңде олар алгоритмдер құрып, бағдарламалар жазып, нақты есептерді шешеді.

Барлық қатысушыларға сәттілік тілейміз және жоғары нәтижелерге жетуіне тілектеспіз.

Олимпиаданың кестесі:

Физика: 10:00-13:00

Математика: 10:00-14:30

РФММ, Бұқар жырау бульвары, 36

Информатика: 10:00-15:00

IITU, Манас көшесі, 34/1