Қазақстандық жас географ Ерік Ерлан IJGO 2026 олимпиадасында абсолютті жеңімпаз атанды

Қазақстан құрамасы Сербияның Копаоник қаласында өткен географиядан халықаралық жасөспірімдер олимпиадасында (International Junior Geography Olympiad) жоғары жетістікке жетті. Білім додасына қатысқан 9 қазақстандық оқушының 7-еуі жүлдегер атанып, 1 алтын, 3 күміс және 3 қола медаль жеңіп алды.

Алтын медальді Алматы қаласындағы «Білім-инновация» мамандандырылған лицей-интернатының 10-сынып оқушысы Ерік Ерлан иеленді. Ол олимпиаданың абсолютті жеңімпазы атанды.

Күміс медаль иегерлері:

Амантай Сырым – Қарағанды облыстық Н. Нұрмақов атындағы мамандандырылған мектеп-интернатының 10-сынып оқушысы;

Махсот Ерасыл – Орал қаласындағы Назарбаев Зияткерлік мектебінің 9-сынып оқушысы;

Ерболат Ержан – Алматы қаласы Наурызбай ауданындағы Назарбаев Зияткерлік мектебінің 10-сынып оқушысы.

Қола медаль иегерлері:

Асылбек Дамир – Астана қаласындағы мамандандырылған «Білім-инновация» лицей-интернатының 9-сынып оқушысы;

Ашигалиева Румия – Астана қаласындағы дарынды қыз балаларға арналған «Білім-инновация» лицей-интернатының 10-сынып оқушысы;

Үсентайұлы Иманғали – Шымкент қаласындағы №1 дарынды балаларға арналған IT лицей-интернатының 10-сынып оқушысы.

Команда жетекшілері:

Искендиров Алмас, Сапарбеков Ерасыл – халықаралық және республикалық олимпиадалардың жүлдегерлері.

Қазақстандық жас географтарды, олардың ұстаздары мен ата-аналарын жоғары нәтижелерімен құттықтаймыз! Жаңа жеңістер мен биік белестер тілейміз!