Оқушылар арасында әл-Фараби атындағы ғылыми жарыстардың республикалық конкурсы

«Дарын» республикалық ғылыми-практикалық орталығы ұлы ғалым Әбу Насыр Әл-Фарабидің 1150 жылдығын мерекелеу аясында оқушылардың ғылыми-зерттеу қызметіне қызығушылығын дамыту мақсатында 2020 жылдың 23-27 қарашасы күндері аралығында 8-11 сынып оқушылары арасында әл-Фараби атындағы республикалық ғылыми конкурсын (бұдан әрі - Ғылыми конкурс) өткізгенін хабарлайды.

Елімізде қалыптасқан қолайсыз эпидемиологиялық жағдайға байланысты Ғылыми конкурс қашықтықтан 7 секция бойынша онлайн режимде өткізілді:

1. Физика
2. Жер және ғарыш туралы ғылымдар

III. Математика

1. Информатика
2. Биология
3. Химия

VII. Қоршаған ортаны және адам денсаулығын қорғау.

Конкурстық жұмыстар ережеге сәйкес Antiplagiat жүйесі арқылы тексерілді, сонымен қатар қатысушылар өз секциялары бойынша жұмыстарын Zoom платформасының көмегімен тікелей эфирде қорғады.

Конкурсқа Қазақстанның барлық облыстарынан, Нұр-Сұлтан, Алматы және Шымкент қалаларынан, республикалық білім ұйымдарынан, «Назарбаев Зияткерлік мектептері» ДББҰ-дан 263 оқушы қатысты.

Қатысушылардың жұмысын өңірлердегі жоғары оқу орындарының оқытушы ғалымдары бағалады.

Конкурстың қорытындысы бойынша жалпы оқушылар санының 45%-ы жеңімпаз бен жүлдегер атанып, Қазақстан Республикасы Білім және ғылым министрлігінің І, ІІ, ІІІ дәрежелі дипломдарымен марапатталды. Оның ішінде І дәрежелі дипломға - 23 оқушы, ІІ дәрежелі дипломға - 33 оқушы, ІІІ дәрежелі дипломға – 59 оқушы ие болды.

Конкурстың қорытындысы бойынша өңірлердің салыстырмалы талдау нәтижелеріне сәйкес, жоғары ұпай көрсеткішімен «Назарбаев Зияткерлік мектептері» ДББҰ, Қарағанды облысы, Алматы, Нұр-Сұлтан қалалары, Маңғыстау, Солтүстік Қазақстан облыстарының командалары топ жарып алға шықса, Алматы, Атырау, Батыс-Қазақстан, Түркістан облыстары және Шымкент қаласы төмен көрсеткішке ие болды.

Конкурстың жеңімпаздары мен жүлдегерлер тізімі (1-қосымша) және өңірлердің салыстырмалы көрсеткіш рейтингісі (2-қосымша) осы хатқа қоса беріледі.

1 қосымша

2 қосымша