ХИМИЯ ПӘНІНЕН 58-ШІ ХАЛЫҚАРАЛЫҚ МЕНДЕЛЕЕВ ОЛИМПИАДАСЫНДА ҚАЗАҚСТАН ҚҰРАМАСЫ ТОҒЫЗ МЕДАЛЬ ЖЕҢІП АЛДЫ

Бүгін, 26 сәуірде химия пәнінен оқушыларға арналған 58-ші Халықаралық Менделеев олимпиадасы қорытындыланды. Шэньчжэнь қаласында (Қытай) өткен жарысқа 29 елден 200-ден астам оқушы қатысып, өзара 15 алтын, 30 күміс және 45 қола жүлдені сарапқа салды.

Қазақстан құрама командасы 1 алтын, 2 күміс және 6 қола, барлығы 9 медаль жеңіп алды:

Алтын медаль – Ринат Илюсизов – Павлодар қаласындағы №8 дарынды балаларға арналған лицейдің оқушысы.

Күміс жүлде – Әділжан Молдағұл («Білім-Инновация» лицей-интернаты, Ақтау қаласы) және Кирилл Ким (ФМБ Назарбаев Зияткерлік мектебі, Астана қ.).

Қола медаль – Абылай Қабдулхадыр (ФМБ Назарбаев Зияткерлік мектебі, Астана қ.), Алихан Серікұлы (Haileybury халықаралық мектебі, Алматы қ.), Еңлік Бақытбекова (ХББ Назарбаев Зияткерлік мектебі, Алматы қ.), Тамила Рахимбаева (ХББ Назарбаев Зияткерлік мектебі, Павлодар қ.), Санжар Қалиақбар (№1 «Білім-Инновация» мектеп-интернаты, Қарағанды қ.) және Әліби Мұғалім («Білім-Инновация» мектеп-интернаты, Ақтау қ.).

Қазақстан құрама мүшелерін, олардың ата-аналарын және мектеп ұжымдарын осы жарқын жеңіспен құттықтаймыз!

АСТАНАДА ХИМИЯ ПӘНІНЕН ОҚУШЫЛАР АРАСЫНДА 57-ХАЛЫҚАРАЛЫҚ МЕНДЕЛЕЕВ ОЛИМПИАДАСЫНЫҢ САЛТАНАТТЫ АШЫЛУ РӘСІМІ ӨТТІ

Бүгін Астанада Назарбаев Университетінде химия пәнінен оқушылар арасында 57-ші Халықаралық Менделеев олимпиадасының ашылу салтанаты өтті.

Жобаны қабылдаушы тараптан — Қазақстан Республикасының Оқу-ағарту министрлігі, ал Ресей тарапынан дәстүрлі түрде М. В. Ломоносов атындағы ММУ химия факультеті мен Андрей Мельниченко Қоры ұйымдастырады.

Ашылу салтанатында Қазақстан Республикасы Оқу-ағарту бірінші вице-министрі Шолпан Каринова Қазақстан ең дарынды жас химиктерді төртінші рет қабылдап отырғанын атап өтті: «Бұл олимпиада жоғары деңгейлі пәндер жүйесінде ерекше орын алады. Оған қатысу – үлкен мәртебе, үлкен жетістік. Сіз қазірдің өзінде олимпиадашы химиктердің ішіндегі ең дарындысысыз!

Әрине, балалардың интеллектуалдық әлеуетін қалыптастыруға септігін тигізетін мұндай шараны өткізу білім беру жүйесін дамыту үшін маңызы зор».

Қазақстан Республикасы Ғылым және жоғары білім вице-министрі Қуаныш Ерғалиев құттықтау сөзінде «Біздің еліміз, оның басшылығының саясаты білім мен ғылымдағы халықаралық қатынастарды жан-жақты дамытуға, достыққа және бүкіл әлемнің прогресі мен өркендеу игілігі үшін жастарды жұмылдыруға бағытталған. Қазіргі Халықаралық Менделеев олимпиадасының Назарбаев Университетінің базасында өтуінің символдық мәні зор, мұнда білім толығымен халықаралық стандарттарға сай әлемнің жетекші университеттерінің қатысуымен жүзеге асырылады», деді.

57-ші Халықаралық Менделеев олимпиадасының ұйымдастыру комитеті төрағасы Степан Калмыков айтқандай, биылғы жылы олимпиадаға әлемнің 21 елінен 116 оқушы келді. «ТМД елдерінің дәстүрлі қатысушыларынан басқа, - деді ол, - биылғы жылы Австрия, Болгария, Венгрия, Израиль, Македония, Сауд Арабиясы, Сирия, Біріккен Араб Әмірліктері, Македония, Моңғолия, Түркия, Хорватия сияқты елдер келді. Биыл бірінші жыл қатысып отырған – Бразилия құрамасын бөлек құттықтағым келеді. Барлық қатысушылар - химия пәнінен ұлттық олимпиадалардың жеңімпаздары».

«Химия пәнінен оқушылар арасындағы Халықаралық Менделеев олимпиадасы – әлемдегі дәстүрлі ең жарқын олимпиада қозғалыстарының бірі», - дейді 57-ші Халықаралық Менделеев олимпиадасының ұйымдастыру комитетінің тең төрағасы, Андрей Мельниченко қорының атқарушы директоры Александр Чередник. – Түрлі елдер мен континенттердің ұлттық құрамаларының бірігуі арқылы ғылымда шекара болмайтынын көреміз. Сондықтан Қазақстан жеріндегі жаңа басқосу жас химиктерге өз білімдері мен дағдыларын көрсетуге, бір-бірімен танысып, араласуға мүмкіндік береді. Болашақта бұл байланыстан зерттеуші-ғалым топтары пайда болуы әбден мүмкін».

Астанада 2023 жылдың 1 мамыры мен 6 мамыры аралығында химиядан 57-ші Халықаралық Менделеев олимпиадасы өтуде.

Қорытынды 6 мамырда жарияланады.

1 мамыр мен 6 мамыр аралығында елордада химия пәнінен оқушылар арасында 57-ші Халықаралық Менделеев олимпиадасы өтеді.

👨‍🔬Биылғы жылы олимпиадаға әлемнің 21 елінен келген мектеп оқушылары қатысатын болады. Олардың қатарында Қазақстан, Ресей, Австрия, Сауд Арабиясы, Армения, Израиль, Өзбекстан және т.б. Бразилия құрамасы Халықаралық Менделеев олимпиадасына алғаш рет қатысып отыр.

Командалардың құрамы республикалық химия олимпиадаларының қорытындысы бойынша анықталады.

⚙️Жобаны қабылдаушы тараптан — Қазақстан Республикасының Білім министрлігі, ал Ресей тарапынан дәстүрлі түрде М. В. Ломоносов атындағы ММУ химия факультеті мен Андрей Мельниченко Қоры ұйымдастырады.

💬"Еліміздің аумағында химия пәнінен оқушыларға арналған Халықаралық Менделеев олимпиадасы төртінші рет өткізілуде. Биыл Астана қаласында негізгі іс-шаралар өтуде. Атап айтқанда, балалар Назарбаев Университетінің зертханалары мен аудиторияларында өз дағдыларын көрсететін болады. Техникалық жарақтандыру осы олимпиаданы өткізу шарттарына толық сәйкес келеді", - деді "Дарын" РҒПО директоры Ғаждембек Тұрсынов.

⚗️Олимпиада алты күнге созылады және үш турдан тұрады: екі теориялық және бір практикалық. Күрделілігі бойынша бірінші турдың міндеттері мамандандырылған химиялық сыныптар бағдарламасына сәйкес келеді. Екінші турда қатысушыларға химияның бес бөлімінен жоғары деңгейлі тапсырмалар ұсынылады: органикалық, бейорганикалық, аналитикалық және физикалық химия, сондай-ақ тіршілік тану.

🏆Менделеев олимпиадасының қорытындысы бойынша қатысушыларға қатысу сертификаттары мен естелік сыйлықтар, ал жеңімпаздар мен жүлдегерлерге дипломдар мен алтын, күміс, қола медальдар тапсырылады. Байқаудың абсолютті жеңімпазына Андрей Мельниченко Қоры атынан академик Валерий Лунин атындағы сыйлықпен марапатталады.

🎥Айта кетейік, Олимпиаданың ашылу және жабылу рәсімдері YouTube-тегі ресми парақшасында тікелей эфирде көрсетіледі.

АСТАНАДА ХИМИЯ ПӘНІНЕН ОҚУШЫЛАР АРАСЫНДА 57-ХАЛЫҚАРАЛЫҚ МЕНДЕЛЕЕВ ОЛИМПИАДАСЫНЫҢ САЛТАНАТТЫ АШЫЛУ РӘСІМІ ӨТТІ

1 мамыр мен 6 мамыр аралығында елордада химия пәнінен оқушылар арасында 57-ші Халықаралық Менделеев олимпиадасы өтеді.

Ереже