Ө.ЖОЛДАСБЕКОВ АТЫНДАҒЫ МАТЕМАТИКА ЖӘНЕ МЕХАНИКА БОЙЫНША ЗЕРТТЕУ ЖОБАЛАРЫНЫҢ ХI ХАЛЫҚАРАЛЫҚ КОНКУРСЫНЫҢ ҚОРЫТЫНДЫСЫ ТУРАЛЫ БАСПАСӨЗ ХАБАРЛАМАСЫ

Қазақстан Республикасы Білім және ғылым министрлігінің «Дарын» Республикалық ғылыми-практикалық орталығы, Әл-Фараби атындағы Қазақ ұлттық университетімен бірлесіп, жыл сайын дәстүрге айналып отырған отырған  Ө. Жолдасбеков атындағы математика және механика бойынша  ХІ Халықаралық зерттеу жобалары конкурсын (бұдан әрі - Конкурс)  2021 жылғы 1-3 наурыз аралығында өткізеді.

Конкурстың мақсаты: оқушылардың математикадан білімін дамытуға барынша ықпал жасап, олардың зерттеушілік қызметін ұйымдастыру жүйесі мен құрылымын жетілдіру болып табылады. Конкурсқа жыл сайын Республикамыздың әр өңірінен және алыс-жақын шет мемлекеттердің 150-ден астам талантты оқушылары келіп қатысуда.  Ал биылғы жылы еліміздегі COVID-19 эпидемиологиялық жағдайға байланысты аталмыш іс-шараны онлайн режимде өткізу жоспарлануда.

Конкурсқа Тәжікістан, Қырғызстан, Әзірбайжан, Франция, Индонезия және Қазақстанның барлық өңірлерінен 200-ден астам республикалық ғылыми жобалар конкурсының облыстық кезеңінде І, ІІ және ІІІ дипломдарымен марапатталған қазақстандық жеңімпаз-оқушылары мен шетел мектептерінің ұлттық ғылыми конкурстардың жеңімпаздары мен жүлдегерлері математика, қолданбалы математика, механика және экономикадағы математикалық әдістер секциялары бойынша жобаларын қорғайды.

Конкурсты өткізу Ережесіне сәйкес жеңімпаздар мен жүлдегерлер ҚР Білім және ғылым министрлігінің I, II, III дәрежелі дипломдарымен қатар алтын, күміс және қола медальдарымен   марапатталады.

Конкурстың ашылу рәсімі 1 наурыз күні сағат 10.00-де қатысушылар мен қонақтардың ZOOM – конференциясына қосылуымен және YouTube/Facebook те тікелей хабар тарату арқылы  өткізіледі.

Жабылу рәсімі, жеңімпаздар мен жүлдегерлерді марапаттау – 3 наурыз күні сағат 17.00-де  YouTube каналында өткізіледі.

Қосымша ақпаратты төмендегі мекенжай бойынша алуға болады:

«Дарын» Республикалық ғылыми-практикалық орталығы

Нұр-Сұлтан қ., Республика даңғылы, 34а, «Нұр тау» БО

Тел: 8 (7172) 29-51-59

Қазақстан Республикасы Білім және ғылым министрлігінің 2013 жылғы 26 ақпандағы №61 "Ө.Жолдасбеков атындағы математика және механика бойынша жыл сайынғы халықаралық зерттеу жобалары конкурсын өткізу туралы" бұйрығын орындау барысында "Дарын" республикалық ғылыми-практикалық орталығы 2021 жылғы 1-3 наурыз аралығында қашықтықтан ZOOM платформасында Ө. Жолдасбеков атындағы математика және механика бойынша XI халықаралық зерттеу жобалары конкурсын (бұдан әрі - Конкурс) өткізеді.

Конкурстың негізгі мақсаты - математика және механика саласындағы ғылыми – зерттеу саласына қызығушылық танытатын дарынды оқушыларды анықтау. Конкурстың   республикалық ғылыми жарыстарының облыстық кезеңінде І, ІІ және ІІІ дипломдарымен марапатталған қазақстандық  жеңімпаз-оқушылары  мен  шетел мектептерінің  ұлттық  ғылыми  жарыстарының  жеңімпаздары (математика, қолданбалы математика, механика және экономикадағы математикалық әдістер секцияларына) қатыса алады.

Команда құрамы 8 оқушыдан тұрады. Конкурстың Ережесі www.daryn.kz сайтында орналасқан.

Облыстық Нұр-Сұлтан, Алматы және Шымкент қалаларының білім басқармалары, «Назарбаев Зияткерлік мектептері», Дарынды балалармен жұмыс жөніндегі республикалық білім беру ұйымдары мен өңірлік ғылыми-практикалық орталықтары, ДБҰ басшылары, білім саласында жетекшілік ететін шетелдік ведомстволары бекіткен қорытынды кезеңге сұранысты Конкурс Ережесі (қосымшаларда көрсетілген нысаналар бойынша) бойынша 2021 жылдың 18 ақпанына дейін ұйымдастыру комитетіне  info@daryn.kz почтасына  жіберу қажет.

Ұйымдастыру комитетінің мекен-жайы:

Нұр-Сұлтан қаласы,  Республика дан., 34 «а», «Дарын» РҒПО

тел 8(7172) 29-51-59, e-mаil:project@daryn.kz

ЖАЛПЫ БІЛІМ БЕРЕТІН ПӘНДЕР БОЙЫНША РЕСПУБЛИКАЛЫҚ ҒЫЛЫМИ ЖОБАЛАР КОНКУРСЫНЫҢ ҚОРЫТЫНДЫ КЕЗЕҢІ ТУРАЛЫ БАСПАСӨЗ ХАБАРЛАМАСЫ

Қазақстан Республикасы Білім және ғылым министрлігінің «Дарын» Республикалық ғылыми-практикалық орталығы жалпы білім беретін пәндер бойынша республикалық ғылыми жобалар конкурсының (бұдан әрі - Конкурс)  қорытынды кезеңі  (жобаларды қорғау) 9 ақпаннан 12 ақпанға дейін ZOOM платформасында онлайн режимінде болатындығын хабарлайды.

Жалпы бөлімдер бойынша республикалық ғылыми жобалар сайысының IV кезеңіне барлық секциялар бойынша өткен оқушылар тізімі төменде орналастырылған.

Биология

Информатика

Математика

Жер және ғарыш туралы ғылым

Қоршаған орта және адам денсаулығын қорғау

Қолданбалы математика

Техника

Физика

Химия

Экономика

Қазақ тілінен өзге ұлт оқушыларының 5-10 сынып оқушылары арасында «Тіл – мемлекет тәуелсіздігінің нышаны» атты XV республикалық қашықтық олимпиадасының қорытындысы туралы БАСПАСӨЗ ХАБАРЛАМАСЫ

«Дарын» республикалық ғылыми-практикалық орталығы 2021 жылдың 18 және 28 қаңтарында қазақ тілінен өзге ұлт оқушыларының 5-10 сынып оқушылары арасында «Тіл – мемлекет тәуелсіздігінің нышаны» атты XV республикалық қашықтық олимпиадасын өткізгенін хабарлайды.
Олимпиада дәстүрлі түрде жыл сайын 2007 жылдан бастап өткізіліп келеді. Қашықтық және қорытынды кезеңде өткен Олимпиаданың алғашқы кезеңіне 9579 өзге ұлт оқушылары қатысса, қорытынды кезеңге 145 оқушы жолдама алды.
Олимпиада қорытындысы бойынша 53 қатысушы жеңімпаздар мен жүлдегерлер атанды. І дәрежелі дипломдармен – 9 қатысушы, ІІ дәрежелі дипломдармен – 16 қатысушы, ІІІ дәрежелі дипломдармен – 28 қатысушы марапатталады. Қорытынды кезеңнің барлық қатысушыларына электронды сертификаттар берілді.
Жеңімпаздар мен жүлдегерлер тізімі www.daryn.kz сайтында жарияланған.

ЖАЛПЫ БІЛІМ БЕРЕТІН ПӘНДЕР БОЙЫНША РЕСПУБЛИКАЛЫҚ ОЛИМПИАДАНЫҢ АУДАНДЫҚ КЕЗЕҢІ

Жалпы білім беретін пәндер бойынша республикалық олимпиаданың аудандық кезеңі 2021  жылғы 8-12 ақпан аралығында өткізілетіні жөнінде хабарлаймыз.

Аудандық  кезеңге республика бойынша 101 мыңнан аса бала қатысқалы отыр.

Әр өңір бойынша эпидемиологиялық жағдайды ескере отырып,  олимпиада онлайн немесе офлайн тәртібінде өткізілетін болады.

Олимпиада жаратылыстану-математикалық циклі және қоғамдық-гуманитарлық бағыттағы пәндер бойынша өткізіледі.

Қосымша ақпарат бойынша өңірлік «Дарын» орталықтарына хабарласыңыздар. Орталықтардың байланыс телефондарын www.daryn.kz сайтындағы біз туралы/аймақтық орталықтар мәзірінде көруге болады.

«Дарын» республикалық ғылыми-практикалық орталығы 2021-2022 оқу жылына мамандандырылған білім беру ұйымдарына оқуға құжаттар қабылдауды жүзеге асырады.

Құжаттарды онлайн – тіркеу және қабылдау 2021 жылғы 1 наурыз бен 1 сәуір аралығында www.qabyldau.daryn.kz сайтында өтеді.
Сонымен бірге тіркеуден өзіңіз таңдаған мамандандырылған білім беру ұйымында 2021 жылғы 1 наурыз бен 1 сәуір аралығында өтуге болады.
Конкурстық іріктеу (офф-лайн тестілеу) 15-30 сәуір аралығында әр өңірде белгіленген мамандандырылған мектептерде өткізіледі.

Толық ақпарат www.qabyldau.daryn.kz сайтында.

XVІІ Халықаралық Жәутіков олимпиадасының қорытындысы бойынша үздік мамандандырылған мектептер мен облыстар рейтингісі жарияланды

Жуырда өткен XVІІ Халықаралық Жәутіков олимпиадасының қорытындысы бойынша Қазақстан 90 медальді жеңіп алды: 13 алтын, 37 күміс және 40 қола.
Ресми мәліметтер сүйене отырып, үздік облыстар мен мамандандырылған мектептер рейтингісі жасалды.

Рейтинг бойынша облыстар арасында үздік бестікті бастап тұрған “Назарбаев Зияткерлік мектептері” ДББҰ, Атырау облысы, Павлодар облысы, Республикалық физика-математика мектебі, Нұр-сұлтан қаласы болды.

Үздік мамандандырылған мектептер рейтингісі бойынша бестікке Республикалық физика-математика мектебі, Алматы қаласының физика-математика бағытындағы “Назарбаев Зияткерлік мектебі”, Павлодар облысының дарынды балаларға арналған №8 лицей-мектебі, Атырау қаласының «Білім-инновация» мамандандырылған лицей-интернаты, Нұр-сұлтан қаласының. «Білім-инновация» мамандандырылған лицей-интернаты кірді.

Облыстар мен мектептер бойынша толық рейтинг www.daryn.kz сайтында оқушыларға /қорытынды ақпарат мәзірінде жарияланған.

1-7 сынып оқушыларының зерттеу жобалары мен шығармашылық жұмыстарының «Зерде» ХVІ республикалық конкурсының қорытындысы туралы БАСПАСӨЗ ХАБАРЛАМАСЫ

«Дарын» республикалық ғылыми-практикалық орталығы ағымдағы жылдың 26-28 күндері аралығында 1-7 сынып оқушыларының зерттеу жобалары мен шығармашылық жұмыстарының «Зерде» ХVI республикалық конкурсын алғаш рет қашықтықтан онлайн режимде өткізді.
Конкурстың негізгі мақсаты – балалардың зерттеу қызметінің дағдыларын дамыту, кіші және орта жастағы мектеп оқушыларының интеллектуалдық-шығармашылық әлеуетін ынталандыру болып табылады.
Елімізде қалыптасқан қолайсыз эпидемиологиялық жағдайға байланысты Конкурс қашықтықтан ZOOM платформасының көмегімен 9 секция бойынша онлайн режимде ұйымдастырылды:
Конкурс 3 кезең бойынша өткізілді: аудандық, облыстық – іріктеу, республикалық-қорытынды.
Республика бойынша жалпы аудандық кезеңге 11928 жобамен 15917 оқушы (оның ішінде 6772 оқушы ауылдық жердің оқушылары) қатысып 8995 оқушы жеңімпаз атанса, облыстық-іріктеу кезеңге 4728 жобамен 5168 оқушы (оның ішінде 2002 оқушы ауылдық жердің оқушылары) қатысып 2409 оқушы жеңімпаз атанды.
Республикалық-қорытынды кезеңнің ең үздігі атану үшін Қазақстанның барлық облыстарынан, Нұр-Сұлтан, Алматы және Шымкент қалаларынан және «Назарбаев Зияткерлік мектептері» ДББҰ-дан, республикалық физика-математикалық мектептерінен, сондай-ақ «Бөбек» ҰҒПББСО мектептерінен 340 жобамен 398 оқушы (оның ішінде 125 оқушы ауылдық жердің оқушылары) бәсекеге түсіп, бақтарын сынады.
Республикалық конкурстың ашылу және жабылу салтанаты бағдарламаға сәйкес онлайн режимде ZOOM платформасының көмегімен өтті https://youtu.be/tUjEw86esxU
Конкурстың қорытындысы бойынша жеңімпаздары мен жүлдегерлері атанған 210 оқушы 169 жоба қорғап «Дарын» РҒПО-ның І, ІІ, ІІІ дәрежелі дипломдарымен және алтын, күміс, қола медальдарымен марапатталды. Оның ішінде І дәрежелі дипломға – 38 жұмыспен 52 оқушы, ІІ дәрежелі дипломға – 54 жұмыспен 69 оқушы, ІІІ дәрежелі дипломға – 78 жұмыспен 89 оқушы ие болды. Ерекше жетістіктері үшін грамоталармен 62 қатысушы марапатталды. Қорытында кезеңнің барлық қатысушыларына электронды сертификаттар берілді.

«СОЗВЕЗДИЕ-2020» БАЛАЛАР МЕН ЖАСӨСПІРІМДЕРГЕ АРНАЛҒАН БІЛІМ БЕРУ ЖӘНЕ ҒЫЛЫМИ ЖОБАЛАРДЫҢ 21-ШІ БҮКІЛРЕСЕЙЛІК ОЛИМПИАДАСЫНЫҢ ҚОРЫТЫНДЫ КОНФЕРЕНЦИЯСЫНЫҢ ӨТКІЗІЛУ МЕРЗІМІНІҢ КЕЙІНГЕ ШЕГЕРІЛГЕНДІГІ ТУРАЛЫ АҚПАРАТ.

О переносе сроков Созвездие-2020