Кіру/Тіркелу
Бүгін, Астана қаласында ауыл мектептерінің оқушыларына арналған қоғамдық-гуманитарлық бағыттағы республикалық олимпиаданың екінші туры басталды.
Онда еліміздің түкпір-түкпірінен келген 500-ге жуық оқушы қатысуда.
Олимпиадалық пән ерекшеліктеріне сәйкес тапсырмаларды орындауға әр түрлі уақыт бөлінді: қазақ тілі және әдебиетінен (2 сағат); Қазақстан тарихы (1 сағат); құқық негіздері (1 сағат); қазақ мектептеріндегі орыс тілі (1 сағат); орыс тілі және әдебиеті (2 сағат); орыс мектептеріндегі қазақ тілі (ауызша); ағылшын тілі (ауызша).
Олимпиада барысын ата-аналар комитетінің өкілдері, журналистер, ғалымдар және ЖОО оқытушылары қадағалауда.
Екі турдың тапсырмалары мен шешімдері, хаттамалары, оқушылардың шифрланған жұмыстары daryn.kz сайтына жүктеледі. Сонымен қатар, YouTube арнасында тікелей көрсетілімдер жүргізілуде.
Күннің екінші жартысында қатысушылар Орталық Азиядағы ең жас және ең үлкен мұражай – Қазақстан Республикасының Ұлттық музейіне барады.
Сондай-ақ, кешкілік уақытта қатысушылар үшін психолог мамандармен ойын-тренингтер ұйымдастырылады.
24 қаңтар, олимпиаданың тапсырмалары мен шешімдерін талдау және үйлестіру күні.
Олимпиаданың қорытынды кезеңінің турлары Астана қаласында «Думан» қонақ үйі базасында өтуде.