Category: Қорытынды

Бүгінгі шолуда білім беру саласы туралы әңгіме қозғалады. Қазіргі уақытта республикада Мемлекет басшысының барлық деңгейдегі білім беру саласын нығайту жөніндегі бірқатар маңызды бастамалары іске асырылуда.

Биыл ел бойынша 137 мың оқушығаарналған165 мектеп пайдалануға берілді. Осылайша, 12 апатты жағдайдағы және үш ауысымда оқытатын 29 мектеп бойынша мәселе шешілді.

210 мектепте күрделі жөндеу жұмыстары аяқталды.

«Жайлы мектеп» ұлттық жобасы аясында 461 мың оқушыға арналған 217 мектептің құрылысы басталды (екі ауысымда).

Білім беру инфрақұрылымын қолдау қоры құрылған сәттен бастап арнайы шотқа 151,9 млрд теңге түсті.

Нәтижесінде жалпы сомасы 96,5 млрд теңгеге 76,7 мың оқушыға арналған 62 мектептің құрылысы қаржыландырылды. Биылғы 1 желтоқсандағы жағдай бойынша 28,6 мың оқушыға арналған 17 мектеп пайдалануға берілді.

1 қыркүйектен бастап 1,6 млн бала тегін ыстық тамақпен қамтылды.
Биылғы қаңтар айында мұғалімдердің жалақысы тағы 25%-ға өсті.
Қыркүйек айынан бастап 98 мыңға жуық тәрбиешінің жалақысы 30%-ға артты.

2023 жылы жоғары және жоғары оқу орнынан кейінгі білімі бар кадрларды даярлауға 88 мыңнан астам грант бөлінді.

1 қыркүйектен бастап студенттердің шәкіртақысы 20%-ға өсіп, 41 898 теңгеге (педагогикалық ғылымдар – 67 200 теңгеге) жетті, магистранттар мен докторанттар шәкіртақылары 15%-ға өсіп, тиісінше 97 024 және 217 500 теңгеге көтерілді.

Колледж студенттерінің стипендиясы 50%-ға көтерілді.

Биыл 5,9 мың орынға арналған 25 студенттер жатақханасы пайдалануға берілді. Жыл соңына дейін 5 мың орындық тағы 19 жатақхана ашу жоспарланып отыр.

Қазақстанда жетекші шетелдік жоғары оқу орындарының филиалдарын ашу жұмыстары жалғасуда.

Толығырақ primeminister.kz сайтында.
https://t.me/KZgovernment

Информатикадан Европалық жасөспірімдер олимпиадасы (European Junior Olympiad in Informatics (EJOI) 2017 жылдан бастапөткізілуде. Олимпиада  Европа елдерінен жас программистер арасындағы жарыс болып табылады.

Ең алғашқы EJOI 2017 жылы Болгарияда, кейн 2018 жылы Татарстанда, 2019 жылы  Словенияда өткен болатын. 2020 жылы Информатикадан Европалық жасөспірімдер олимпиадасы Грузияда болуы тиіс еді. Алайда қалыптасқан жағдайға байланысты EJOI 2020 ұйымдастыру комитеті Олимпиаданы онлайн режимде өткізу жөнінде шешім қабылдады.

Биылғы жылы Олимпиадада 27 мемлекеттен 92 оқушы қатысты. Белгіленген ереже бойынша әр елден  15 жастан аспаған 4 оқушы қатысады. Қазақстанда құрама команда  мүшелері – информатика пәні бойынша Республикалық олимпиада жеңімпаздары мен жүлдегерлері болып табылады.

Олимпиада үлгісі Информатика пәні бойынша халықаралық олимпиадаға ұқсас. Жарыс екі турдан тұрады. Әр турда оқушылар төрт сағатта үш тапсырманың шешімін табуы керек.

Айта кетерлігі, Қазақстан құрама командасы бұл Олимпиадада осы жылы алғаш рет қатысты. Соған қарамастан, нәтижелеріміз өте жақсы.

Барлық төрт қатысушы жоғары марапатқа ие болды:

1. Ван Ли – Алматы  қаласындағы РФММ оқушысы – алтын медаль;
2. Таймас Корганбаев – Алматы  қаласындағы № 165 мектеп-лицейінің оқушысы – күміс медаль;
3. Адиль Султанов – Атырау  қаласындағы облыстық мамандандырылған «Білім – Инновация» лицейінің оқушысы  –  қола медаль.
4. Рамазан Пердебай – Караганды қаласындағы Н. Нурмаков атындағы мамандандырылған мектеп-интернатының оқушысы – қола медаль.

Құрама команданы  осы жеңістерімен құттықтаймыз! Оларды дайындаған жаттықтырушы Маткаримов Бакыт Тургамбаевич – Назарбаев университетінің Өмір туралы ғылымдар орталығының биосенсорлар және биоқұралдар зертханасының жетекшісі.