Author: Алихан Админ

Қорытынды хаттама

9 сынып

10 сынып

11 сынып

2023 жылдың 2-4 мамыры аралығында Шығыс Қазақстан облысының Өскемен қаласында Қазақстан Республикасы Оқу-ағарту министрлігінің «Дарын» республикалық ғылыми-практикалық орталығы Шығыс Қазақстан облысының білім басқармасымен бірлесіп, қазақ тілі мен әдебиетінен Қанипа Омарғалиқызы Бітібаева атындағы республикалық олимпиаданы өткізді.

Қазақ тілі мен әдебиеті пәнінен 9-11 сынып оқушыларының білімдерін тереңдету және жетілдіру, зияткерлік және шығармашылық қабілеттерін дамыту мақсатында республиканың білім беру ұйымдарының 169 дарынды оқушысы жиналды.

Олимпиаданың ашылу салтанаты «Ертіс Концерт» Орталық мәдениет сарайында өтті. Ашылу салтанатында Қазақстан Республикасы Оқу-ағарту министрі Ғ. Бейсембаевтың олимпиада ұйымдастырушылары мен қатысушыларына арнап жолдаған құттықтау сөзі оқылды.

Қатысушылар үшін мәдениет сарайының сахнасында Қанипа Бітібаеваның өмірі мен шығармашылығына арналған әдеби композиция қойылып, республикалық, халықаралық шығармашылық байқаулардың лауреаттары өнер көрсетті.

Олимпиада дарынды балаларға арналған Жамбыл атындағы облыстық мамандандырылған мектеп-гимназия-интернат базасында өтті. Олимпиаданың республикалық кезеңі эссе жазу мен сұрақтарға ауызша жауап беруді қамтитын екі кезеңнен тұрды.

Қатысушылар қазақ тілі мен әдебиетінің шығармаларын, Қ.О. Бітібаеваның өмірбаянын, ғылыми-педагогикалық мұрасын және публицистикалық еңбектерін білу бойынша сайысқа түсті.

Қазылар алқасының құрамына ғалымдар, Республиканың үздік жоғарғы оқу орындарының оқытушылары кірді.

Олимпиада өткізілу уақытында балалардың тұратын және өткізілетін жерінде қоғамдық тәртіпті, олардың өмірі мен қауіпсіздігін қамтамасыз ету мақсатында Шығыс Қазақстан облысының білім басқармасы, ШҚО денсаулық сақтау басқармасы мен ШҚО ішкі істер басқармалары тәулік бойы кезекшілік атқарды. Қатысушылардың жатын орындары мен шара өтетін жерлері тексерілді. Жатын орындары мен тамақтанулары санитарлық талапқа сай болуы ШҚО санитарлық эпидемиологиялық бақылау басқармасымен келісілді. Өрт қауіпсіздігінің сақталуын ШҚО Төтенше жағдайлар департаменті өз бақылауында ұстады.

Олимпиада қатысушылары үшін көлік қызметі ұйымдастырылып, ШҚО ішкі істер департаменті Жол полициясы қызметкерлерінің бірге ілесіп жүруімен кесте бойынша қала ішінде қозғалыс қамтамасыз етілді.

С. Аманжолов атындағы Шығыс Қазақстан университетінде өткен олимпиаданың салтанатты жабылуына Қазақстан Республикасы Оқу-ағарту министрлігінің Орта білім беру комитеті төрағасының орынбасары Ж. Карамбаев қатысты.

Республикалық олимпиаданың қорытындысы бойынша 81 жеңімпаз бен жүлдегер Қазақстан Республикасы оқу-ағарту министрлігінің дипломдарымен (I орын – 17 оқушы, II орын – 23 оқушы, III орын – 41 оқушы), 29 оқушы «Ерекше жетістіктері үшін» Оқу-ағарту министрлігінің грамотасымен марапатталды.

С. Аманжолов атындағы Шығыс Қазақстан университеті ректорының білім гранты Күршім ауданы, Н. Островский атындағы №4 орта мектебінің 11 сынып оқушысы Нұрхай Аякөз бен Шәкәрім атындағы Семей университетінің гранты Абай облысы Ақсуат ауданының М. Әуезов атындағы Көкжыра орта мектебінің 11 сынып оқушысы Мұратжанова Маралға табыс етілді.

Бітібаевтар әулеті атынан ерекше көзге түскен жеңімпаздар мен жүлдегерлерге ақшалай сыйлықтар берілді.

Олимпиада аясында қатысушыларға мәдени-танымдық бағдарлама ұйымдастырылды: облыстық драма театрында өткен қойылымды тамашалап, «Музыкалық терапия» шарасына қатысты, жетекшілер үшін шеберлік сыныбы, «Өрлеу» біліктілікті арттыру орталығының «Ұстаздар үйіне» экскурсия ұйымдастырылды.

Қазақстанда Балалар жылын мерекелеу аясында 2022 жылдың 3-6 мамыры аралығында Өскемен қаласында Қазақстан Республикасы Білім және ғылым министрлігінің «Дарын» республикалық ғылыми-практикалық орталығы Шығыс Қазақстан облысының білім басқармасымен бірлесіп, қазақ тілі мен әдебиетінен Қанипа Омарғалиқызы Бітібаева атындағы республикалық олимпиаданы өткізді.

К.О. Бітібаеваның әзірлеген авторлық әдістемелігі бойынша қазақстан жастарының бірнеше буыны оқып үйренді. Оның қазақ тілі мен әдебиетіне қосқан үлесі әртүрлі елдің ғалымдары арасында баға жетпес құндылық болып есептеледі.

Жыл сайын республикамыздың түкпір-түкпірінен қазақ тілі мен әдебиеті пәнінен білімдерін тереңдету және жетілдіру, зияткерлік және шығармашылық қабілеттерін дамыту мақсатында дарынды оқушылар жиналады.

Олимпиаданың республикалық кезеңіне республиканың жалпы білім беретін мекемелерінің 200-ден астам 9-11 сынып оқушылары қатысты.

Олимпиаданың салтанатты жабылуы С. Аманжолов атындағы Шығыс Қазақстан университетінде өтті. Алғы сөзбен Қазақстан Республикасы Білім және ғылым министрлігінің Республикалық ғылыми-практикалық «Дарын» орталығының зертхана меңгерушісі З. Аманова, Шығыс Қазақстан облысы білім басқармасының басшысы С. Жумадилова қатысушыларға жылы лебізін білдірді.

Қазылар алқасының құрамына ғалымдар, Республиканың үздік жоғарғы оқу орындарының оқытушылары кірді.

Олимпиада дарынды балаларға арналған Жамбыл атындағы облыстық мамандандырылған мектеп-гимназия-интернат базасында өтті. Олимпиаданың республикалық кезеңі эссе жазу мен сұрақтарға ауызша жауап беруді қамтитын екі кезеңнен тұрды.

Республикалық олимпиаданың қорытындысы бойынша 95 жеңімпаз бен жүлдегер ҚР Білім және ғылым министрлігінің дипломдарымен (I орын – 19 оқушы, II орын – 28 оқушы, III орын – 48 оқушы), 18 оқушы «Ерекше жетістіктері үшін» «Дарын» РҒПО грамотасымен марапатталды.

С. Аманжолов атындағы Шығыс Қазақстан университеті ректорының білім гранты Күршім ауданы, Қалжыр орта мектебінің 11 сынып оқушысы Касаинова Ару мен Өскемен қаласындағы Жамбыл атындағы облыстық мамандандырылған мектеп-гимназия-интернатының оқушысы Қалибекова Перизатқа, ал Шәкәрім атындағы Семей университетінің гранты Семей қаласы, Шәкәрім атындағы үш тілде оқытатын көпбейінді мектеп-гимназиясының 11 сынып оқушысы Төлеуғазыева Жаннелге табыс етілді.

Бітібаевтар әулеті атынан ерекше көзге түскен жеңімпаздар мен жүлдегерлерге ақшалай сыйлықтар берілді.

Олимпиада аясында жетекшілер үшін шеберлік сыныбы, қатысушыларға мәдени-танымдық бағдарлама ұйымдастырылды: облыстық драма театрында өткен қойылымды, Шығыс Қазақстан өнер мұражайындағы көрмені тамашалады.

Жеңімпаздар

Жеңімпаздар мен жүлдегерлерді құттықтаймыз!

Сәттіліктер мен жоғары жетістіктер тілейміз!

Тапсырмалар мен шешімдер

Қарау

Астанада Наурыз қарсаңында жаратылыстану-математикалық бағыттағы республикалық олимпиаданың математика және физика пәндері бойынша қорытындысы шықты.

Олимпиадаға қатысушылар мен қонақтарды ҚР Оқу-ағарту министрлігінің Орта білім беру комитетінің төрағасы Қаныбек Жұмашев құттықтады.

«Қымбатты жас достар, ұстаздар, аса қадірменді қонақтар!

Білім бәйгесінде оза шапқан дарабоздар!

Сіздерді еліміздің төрі, елордамыз Астанада бар жан-дүние жанданған, қасиетті төл мерекеміз әз-Наурызбен тұспа-тұс келген математика және физика пәндері бойынша  республикалық олимпиаданың сәтті аяқталуымен құттықтаймын. Осы айтулы күні сіздерге деген ізгі тілектерімді қабыл алыңыздар!

Республикалық олимпиада - бұл сіздің біліміңіз бен дағдыларыңызды тексеру ғана емес, сонымен қатар, өзіңізді шыңдай түсуге және жоғары нәтижелерге қол жеткізуге берілетін мүмкіндік.

Сіздердің олимпиадаға қатысуға деген ынталарыңыздан жастарымыздың ғылымға деген адалдықтарын және жаңа биіктерге жетуге деген ұмтылыстарын көремін.

Биыл жалпы білім беретін пәндер бойынша республикалық олимпиада жаңа форматта еліміздің жеті өңірінде өткізіледі. Эстафетаны бірінші болып, Астана қаласы қабылдап, сіздер – еліміздің жас интеллегенциясы, математика мен физика пәндерінен бес күндік дүбірлі додаға түстіңіздер және бұл сынақты сәтті аяқтадыңыздар.

Құрметті қатысушылар, Сіздерге жаңа жетістіктер мен шабыт тілеймін. Осы олимпиада сіздердің табысты болашағыңыздың кепілі болуына тілектеспін!» – деді Қаныбек Жұмашев.

Математика және физика пәндері бойынша Республикалық олимпиадада Қазақстанның әр өңірінен келген 9-11 (12) сыныптың 150 оқушысы 72 қола, 45 күміс және 33 алтын жүлдені өзара бөлісіп, жеңімпаз атанды.

«Республикалық олимпиаданың мектепшілік кезеңіне 322 000-нан астам оқушы қатысты. Олардың 1 688 қорытынды кезеңге іріктелді. Оның ішінде жаратылыстану-математикалық бағытта 946 қатысушы, 722-і қоғамдық-гуманитарлық бағытта бақ сынайды. Айта кететін жайт, осы оқушылардың ішінде  87-і олимпиадалық резерв мүшелері болса, 65-і Оқу-ағарту министрі Ғани Бектайұлы Бейсембаевтың тікелей бастамасымен 2023 жылдың қараша айында бастау алған ауыл мектептері оқушыларына арналған республикалық олимпиаданың жеңімпаздары екенін ерекше тебіреніспен сіздерге баяндаймын» - деді өз сөзінде «Дарын» республикалық ғылыми-практикалық орталығының директоры Ғаждембек Тұрсынов.

Сондай-ақ, жеңімпаздар мен жүлдегерлерге Қазақстан-Британ техникалық университеті, Сәтбаев университеті, Х.Досмұхамедов атындағы Атырау университеті, Қ.Жұбанов атындағы Ақтөбе өңірлік университеті сияқты еліміздегі бірқатар жоғары оқу орындарының ректорлық гранттары табысталды.

«Мен математика пәнінен 11 сынып аралығында алтын медаль иегерімін. Олимпиада жоғары деңгейде және тартымды өтті. Тапсырмалар өте қызықты болды. Осы республикалық олимпиаданы ұйымдастырушыларға алғысым шексіз. Сондай-ақ, мені дайындаған әке-шешеме, ұстаздарыма басымды иемін», - дейді Жамбыл облысының  оқушысы, ҚР құрама командасының мүшесі, Халықаралық олимпиадалардың бірнеше дүркін жеңімпазы Марғұлан Шарел.

Ұйымдастыру комитеті барлық қатысушыларды математика және физика пәндері бойынша олимпиаданың сәтті аяқтауларымен шын жүректен құттықтайды.

Келесі жаратылыстану-математика бағытындағы информатика және география пәндері бойынша республикалық олимпиада ағымдағы жылдың 24-28 наурыз аралығында Алматы қаласында өтетінін естеріңізге саламыз. Жарысқа 300-ден астам оқушы қатысады.

Іс-шараны ҚР Оқу-ағарту министрлігінің «Дарын» республикалық ғылыми-практикалық орталығы және Астана қаласы әкімдігінің «Астана дарыны» дарынды балалар мен дарынды жастарды анықтау және қолдау орталығы.

Қарау

Қарау

1-камера

2-камера

Қарау

Қарау

Хаттаманы қарау

Жұмыстарды қарау

♻️ЖАЛПЫ БІЛІМ БЕРЕТІН ПӘНДЕР БОЙЫНША РЕСПУБЛИКАЛЫҚ ОЛИМПИАДАНЫҢ ҮШІНШІ КЕЗЕҢІ БАСТАЛДЫ

📚Қазақстанда жалпы білім беретін пәндер бойынша республикалық олимпиаданың үшінші (облыстық) кезеңі басталды. Облыстық кезеңге республиканың барлық аймақтарынан 40 000-нан астам оқушы қатысады. Пәндік олимпиада дәстүрлі форматта екі турда өтеді. «Физика» және «Химия» пәндері бойынша эксперименттік турлар жүреді.

🔖Олимпиаданың үшінші кезеңінің әрбір қатысушысы жеке жұмыс орнымен, жауап парақтарының бланкілерімен, оның оқу тіліндегі тапсырмалар мәтінімен қамтамасыз етіледі. Ашықтық пен академиялық адалдықты сақтау мақсатында олимпиаданың өту процесі онлайн режимде көруге арналған бейнебақылау жүйесімен қамтамасыз етіледі. Олимпиада барысын ата-аналар комитетінің өкілдері, журналистер, ғалымдар және ЖОО оқытушылары қадағалайды.

🌐Турлар аяқталғаннан кейін тапсырмалар «Дарын» РҒПО интернет-ресурсында орналастырылады.

❕Айта кетсек, оқушылардың республикалық олимпиадасы 15 жалпы білім беретін пән бойынша өткізіледі. Олимпиаданың бірінші (мектептік) кезеңінде 282 090, екінші (аудандық) кезеңінде 94 000 оқушы қатысты.

РО ІІІ (облыстық) кезеңін өткізу тәртібі 2023-2024

РО өткізу тәртібі 2023-2024

📢Құрметті ұстаздар, жаттықтырушылар және олимпиадашылар, 2022-2023 оқу жылындағы жалпы білім беретін пәндер бойынша оқушылардың республикалық олимпиадасының қорытынды кезеңін толық нәтижелеу үшін еліміздің 100 үздік олимпиадалық мектептер рейтингі жасалды.

Биылғы оқу жылында жаратылыстану-математикалық бағыттағы пәндер бойынша олимпиада 20-25 наурыз аралығында Шымкент қаласында еліміздің барлық облыстарынан 891 оқушының, оның ішінде ғылым негіздері бойынша 88 олимпиадалық резерв мүшелерінің қатысуымен өтті.

86 жеңімпаз алтын медальмен, 131 оқушы күміспен, 206 оқушы қоламен марапатталды.

Республикалық олимпиаданың екінші бөлімі қашықтан өтті. Қоғамдық-гуманитарлық бағыттағы пәндер бойынша олимпиада 2023 жылдың 18 сәуірінде еліміздің 20 өңірінде 725 оқушының қатысуымен өткізіліп, 330 оқушы жеңіске жетті.

Олардың 62-сі алтын, 97-сі күміс, 171-і қола медальмен марапатталды.

Үздік олимпиадалық мектеп атағына ие болу үшін республиканың 314 мектебі бақ сынады.

Олимпиада қорытындысы бойынша 1-ші орынды 4 мектеп жеңіп алды, 2 орынды 9 мектеп өзара бөлісті, 14 мектеп - 3 орынға ие болды.

Рейтинг формула бойынша шығарылды, мұнда алтын медаль 3 ұпаймен, күміс медаль 2  және қола медаль 1 ұпаймен бағаланды.

• Ең алдымен, бұл рейтинг зияткерлік сайыста табысқа жетуге бар күш-жігерін салған мектеп оқушыларының, олардың ұстаздары мен жаттықтырушыларының жұмыла жасаған еңбегінің жемісі.

• Құрметті әріптестер, сіздерді және балаларды жетістіктермен құттықтаймыз! Олимпиадалық қозғалысқа адалдықтарыңыз үшін рахмет. Сіздерге денсаулық, таусылмас қуат және жарқын жеңістер тілейміз!

«100 ҮЗДІК ОЛИМПИАДАЛЫҚ МЕКТЕПТЕР» РЕЙТІНГІ

Сапалық рейтинг белгіленген формула бойынша шығарылады, мұнда алтын медаль 3 ұпай, күміс медаль 2 ұпай және қола медаль 1 ұпаймен бағаланады.

Олимпиада қорытындысының рейтингісін шығару облыстардың және жалпы республиканың зияткерлік әлеуетінің жарысқа дайындық жағдайын жан-жақты қарастыруға мүмкіндік беретінін атап өткен жөн.

Рейтингтер олимпиадалық командалар үшін ынталары жоғары балаларды анықтау, қолдау және дамыту бойынша жұмыс тәсілдерін жетілдіру үшін нұсқаулық болуы керек.

Сапалық рейтингті қарау

——— WWW.DARYN.KZ ———

Сапалық рейтинг белгіленген формула бойынша шығарылады, мұнда алтын медаль 3 ұпай, күміс медаль 2 ұпай және қола медаль 1 ұпаймен бағаланады.

Олимпиада қорытындысының рейтингісін шығару облыстардың және жалпы республиканың зияткерлік әлеуетінің жарысқа дайындық жағдайын жан-жақты қарастыруға мүмкіндік беретінін атап өткен жөн.

Рейтингтер олимпиадалық командалар үшін ынталары жоғары балаларды анықтау, қолдау және дамыту бойынша жұмыс тәсілдерін жетілдіру үшін нұсқаулық болуы керек.

Сапалық рейтингті қарау

——— WWW.DARYN.KZ ———

Тікелей эфирдің сілтемесі

Ашылу рәсімінің фотосуреттері РО-2023

1 турдың фотосуреттері РО-2023

2 турдың фотосуреттері РО-2023

Мәдени іс-шаралардың фотосуреттері РО-2023

Марапаттау рәсімінің фотосуреттері РО-2023

Хаттамаларды қарау

20-25 наурыз күндері Шымкент қаласында жаратылыстану-математика бағытындағы пәндер бойынша республикалық олимпиада өтеді. Бұл -  математика, физика, химия, биология, география және информатика пәндері бойынша республиканың жүзден жүйрік, мыңнан тұлпар атанған 9-11 (12) сынып оқушыларының дәстүрлі зияткерлік сайыстары.

Олимпиаданың мақсаты мен міндеттері – оқушының жеке тұлға ретінде өзін-өзі қалыптастыруда шығармашылық қабілеттерін дамыту, теориялық білім мен практикалық дағдыларын тереңдетуін жүзеге асыруына ықпал ету, дарынды балаларды анықтауға жағдай жасау, оқушыларды халықаралық олимпиадаларға қатысуға іріктеу және дайындау, сондай-ақ, Қазақстан Республикасындағы білім беру жүйесінің беделін арттыру.

«1 компьютер – 1 оқушы – 1 камера» қағидаты бойынша өткізілген олимпиаданың мектептік кезеңіне 282 090 оқушы, аудандық кезеңіне 82 854, облыстық кезеңінде 15 651 қатысушы болса, ал республикалық кезеңіне Қазақстанның барлық облыстарынан, Астана, Алматы және Шымкент қалаларынан, республикалық білім беру ұйымдарынан, «Назарбаев Зияткерлік мектептері» дербес білім беру ұйымынан, «Бөбек» ұлттық ғылыми-практикалық оқу-сауықтыру орталығынан 24 команда - 906 оқушы, оның ішінде 88 олимпиадалық резерв мүшелері қатысады деп жоспарлануда.

Бұл балалардың бойындағы керемет шығармашылық және интеллектуалдық әлеует оларды өз бағыттарында үздік болуға көмектесері анық. Олар еліміздің дамуын жаңа көкжиектерге көтеріп, интеллектуалдық көшбасшылыққа жетелейтін болашақтағы профессорлар мен академиктер болып, ғылым мен білімнің биік белестерін бағындыратынына сенімдіміз. Олар біздің болашақ батырларымыз, мақтанышымыз және Қазақстанымыздың болашағы!

Олимпиаданың салтанатты ашылу рәсімі 2023 жылғы 20 наурызда сағат 14.30-да «Қазақстан халқы» Ассамблеясы ғимаратында өтеді.

Олимпиаданың салтанатты жабылуы мен марапаттау рәсімі 2023 жылғы 25 наурызда сағат 10.00-де «Қазақстан халқы» Ассамблеясы ғимаратында өтеді.

Қосымша ақпаратты мына мекен-жай арқылы алуыңызға болады:

«Дарын» республикалық ғылыми-практикалық орталығы

Астана қаласы, Мәңгілік ел 8, «Алтын орда» Бизнес орталығы

8(7172) 57-01-34, 8(7172) 57-01-32

Салтанатты ашылу трансляциясы

Бағдарламаны қарау

Кесте

РО өткізу тәртібі (II кезең)

Хаттама

РО (аудандық кезең) бойынша IT мамандарына арналған видео нұсқаулық

РО (аудандық кезең) бойынша IT мамандарына арналған нұсқаулық

Nitro программасын жүктеу

Nitro программасын қою

«2021-2022 оқу жылында жалпы білім беретін пәндер бойынша республикалық олимпиадаларды ұйымдастыру және өткізу туралы «Қазақстан Республикасы Білім және ғылым Министрінің міндетін атқарушының 2021 жылғы 5 қарашадағы №551 бұйрығына өзгерістер енгізу туралы» Қазақстан Республикасы Білім және ғылым Министрінің 2022 жылғы 8 сәуірдегі №143 бұйрығын орындау үшін, жалпы білім беретін пәндер бойынша республикалық олимпиаданың төртінші (қорытынды) кезеңі (бұдан әрі – Олимпиада) 2022 жылы 18-23 сәуір аралығында облыс орталықтарында, Нұр-Сұлтан, Алматы және Шымкент қаласында «бір қатысушы – бір компьютер – бір камера» қағидаты бойынша электрондық форматта өткізілді.

Олимпиадаға республиканың барлық өңірлерінен барлығы 2044 оқушы қатысты.

Олимпиаданың ашықтығы мен академиялық адалдығын сақтау мақсатында өткізу процесі бейнебақылау жүйесімен қамтамасыз етілді. Олимпиада өткізілетін орындарда іс-шараның ашықтығы мен академиялық адалдығын бақылау үшін Олимпиаданы ұйымдастырушы «Дарын» РҒПО және «Дарын» өңірлік орталықтарының қызметкерлері, сондай-ақ бір мүдделі емес «үшінші тұлға» өкілі қатысты.

Тапсырмаларға қолжетімділік прокторинг жүйесі қолдана отырып, электронды платформа арқылы жүзеге асырылды.

Турлар аяқталған соң қатысушылардың жұмыстары сканерленіп, олардың скан-көшірмелері (тегі, аты-жөні көрсетілмей), сондай-ақ шешімі бар тапсырмалар мен бағалау критерийлері «Дарын» РҒПО вебсайтында орналастырылды. Қатысушылардың шифрленген жеке нәтижелері хаттамаға еңгізілді. Турлардың нәтижелері бойынша хаттамалар «Дарын» РҒПО сайтында жарияланды.

21 сәуірде жаратылыстану-математикалық бағыттағы пәндер бойынша электрондық форматта апелляцияға өтініштер қабылданды, ал 22 сәуірде қоғамдық-гуманитарлық бағыттағы пәндер бойынша апелляцияға өтініштер қабылданды.

22 сәуірде кестеге сәйкес жаратылыстану-математикалық бағыттағы пәндер бойынша, ал 23 сәуірде қоғамдық-гуманитарлық бағыттағы пәндер бойынша электрондық форматта апелляция өтті.

Олимпиада қорытындысы бойынша 919 қатысушы жүлделі орындарға ие болды, олардың 183-і алтын, 274 күміс және 462 қола медаль жеңіп алды.

Олимпиада қорытындысы бойынша командалардың көрсеткен білімдері сарапталып рейтингтер жасалды.

Сапалық РЕЙТИНГ қатысушылардың жалпы санына шаққанда команданың жеңіп алған медальдарының сапасын көрсетеді және келесі формула бойынша есептеледі: Ка = алтын*+3 балл, күміс*+2 балл, қола*+1 балл / қатысушылар саны.

1-ші кесте (Салалық рейтинг)

1 кесте Сапалық рейтинг

Командалық рейтинг бойынша (нәтиже көрсету сапасын ескергенде) «НЗМ» ДББҰ жалпы 115 медаль еншілеп, оның ішінде 29 алтын, 44 күміс және 42 қола медалімен үздік нәтижеге қол жеткізіп, 1,34 сапа коэффициентін көрсетті. Екінші орында 87 медальмен, оның ішінде 16 алтын, 27 күміс және 44 қоламен Алматы қаласы тұр. Сапа коэффиценті 0,96. Ал үздік үштікті Ақтөбе облысының командасы аяқтайды. Оның қоржынында 59 медаль бар, оның ішінде 13 алтын, 19 күміс және 27 қола медаль. Сапа коэффициенті 0,95.

Сондай-ақ төменде, командалардың нәтижелері бойынша пайызбен алғандағы өнімділік рейтингісі де берілген.

2-ші кесте (Өнімділік рейтинг)

2 кесте Өнімділік рейтинг

Командалардың САНДЫҚ РЕЙТИНГІ (ұпайларды есепке алғанда) келесі формула бойынша есептелді: Ка = алтын*+3 балл, күміс*+2 балл, қола*+1 балл.

3-ші кесте (Сандық рейтинг)

3 кесте Сандық рейтинг

Сандық рейтинг бойынша үздік нәтижені «НЗМ» ДББҰ көрсетті, олар 115 медаль (29 алтын, 44 күміс, 42 қола) алып, 217 ұпай жинады. Екінші орында 93 медаль (24 алтын, 29 күміс, 40 қола) жеңіп алып, 170 ұпай жинаған Нұрсұлтан қаласының командасы тұрақтады. Үздік үштікке 87 медальмен (16 алтын, 27 күміс, 44 қола) және 146 ұпай жинаған Алматы қаласының командасы кірді.

РО-2022 қорытындысы бойынша мектептер рейтингісі

=============

Кері байланыс:
мекенжай: Нұр-Сұлтан қ., Мәңгілік Ел даңғ., 8
телефон: +7 (7172) 570-139
e-mail: media@daryn.kz

Апелляция сілтемелері

Құрметті олимпиадаға қатысушылар!

 Жалпы білім беретін пәндер бойынша Республикалық олимпиадада білімін сынайтын 9-11 (12) сынып оқушылары 2 турда классикалық олимпиадалық тапсырмаларды орындайды.

Олимпиадаға қатысушы https://app.oqylyq.kz платформасына кіріп, логин мен парольді теріп, «КІРУ» батырмасын басып, жеке кабинетіне енеді. Одан кейін олимпиадаға қатысушы сыныбын таңдайды.

Тапсырмалардың орындалу уақыты тапсырмалар мәтінінде көрсетіледі.

Тапсырмаларды қатысушылар жауап бланкісінде көк түсті автоқаламмен орындайды. Жауап бланкілері қатысушының аты-жөні, сыныбы, пәні, облысы көрсетілетін жауап парақтарынан тұрады.

Олимпиаданы аяқтағаннан кейін қатысушы бланкіні IT-маманға тапсырады, ол материалдарды сканерлейді және жауапты кезекшіге тапсырады. Тапсырмалардың интернет ресурс көздеріне және әлеуметтік желіге тарауына жол берілмейді. Мұндай жағдай орын алса қатысушы Олимпиададан шеттетіледі.

ОЛИМПИАДА ҚАТЫСУШЫЛАРЫ:

– олимпиада басталғанға дейін кемінде 30 минут бұрын Олимпиада өтетін жерге келеді;

– ұйымдастырушының бақылауымен артық заттарды арнайы бөлінген орында қалдырып, аудиторияға өтеді;

– ұйымдастырушы көрсеткен орынға отырады;

– логин/пароль, жауап бланкілері мен шимай қағазды алады;

– жұмысты орындау жөніндегі нұсқаулықты тыңдап, танысады;

– тапсырманы орындауға кіріседі.

Олимпиада қатысушылары құқылы:

Қатысушылардың жұмыс орнында қажетті және рұқсат етілген кеңсе тауарларының (жазу құралдары, заттаңбасы жоқ мөлдір бөтелкедегі ауыз су және шоколад) болуы рұқсат етіледі. Қатысушылар калькуляторды физика, химия және биология пәндері бойынша пайдалана алады. География пәні бойынша атлас картасын, химия пәні бойынша ерігіштік кестесін пайдалануға тыйым салынады.

Жұмысты объективті бағалау құқығын қамтамасыз ету мақсатында Олимпиадаға қатысушылар қойылған ұпайлармен келіспеген жағдайда, әрбір тапсырмаға/тармаққа/бөлімге келіспеу себебін көрсете отырып, өтініш толтырып, апелляцияға беруге құқылы. Апелляция және үйлестіру тірек мектептер базасында кестеге сәйкес онлайн режимде жүргізіледі. Апелляцияға қазылар алқасының мүшелері және Олимпиадаға қатысушының өзі ғана қатысады. Апелляцияны қарау нәтижелері бойынша олимпиаданың қазылар алқасы апелляцияны қабылдамау, қойылған ұпайларды сақтау немесе апелляцияны қанағаттандыру және ұпайларды түзету туралы шешім қабылдайды.

Апелляция – жаратылыстану-математикалық пәндер бойынша 2022 жылғы 22 сәуірде, ал қоғамдық-гуманитарлық бағыттағы пәндер бойынша 2022 жылғы 23 сәуірде өткізіледі.

 ОЛИМПИАДАНЫ ӨТКІЗУ КЕЗЕҢІНДЕ:

– платформаға кіріп, уақыт есебін бастағаннан кейін, жұмысты бастаңыз;

Олимпиада аяқталғаннан кейін қатысушы ұйымдастырушыға жауап бланкісін міндетті түрде тапсырып қана аудиториядан шыға алады.

Ескерту: олимпиадаға қатысушы тапсырмаларды орындауды бөлінген уақыттан бұрын аяқтап, жауап бланкісін тапсырып, аудиториядан шыға алады. Бұл жағдайда оның қайтып оралуға және тапсырмаларды жалғастыруға құқығы жоқ.

 ҚАТАҢ ТЫЙЫМ САЛЫНАДЫ:

1. 1.  

      1. 1.  

            1. 1.  

                  1. 1. электрондық түрдегі кез-келген ақпаратты, жеке компьютерлерді, мобильді және интернет байланыс құралдарын пайдалануға;

                   

                   

             

             

             

       

       

1. 1.  

      1. 1.  

            1. 1.  

                  1. 1. қатысушылардың бір-бірімен сөйлесуіне;

                   

                   

             

             

             

       

       

1. 1.  

      1. 1.  

            1. 1.  

                  1. 1. орнынан тұруға;

                   

                   

             

             

             

       

       

1. 1.  

      1. 1.  

            1. 1.  

                  1. 1. басқа қатысушымен орын ауыстыруға;

                   

                   

             

             

             

       

       

1. 1.  

      1. 1.  

            1. 1.  

                  1. 1. қатысушылар арасында кез-келген материалдармен және заттармен алмасуға;

                   

                   

             

             

             

       

       

1. 1.  

      1. 1.  

            1. 1.  

                  1. 1. анықтамалық материалдарды, шпаргалкаларды, оқулықтарды пайдалануға.

                   

                   

             

             

             

       

       

Осы ережелерді сақтаудан бас тартқан немесе бұзған жағдайда оқушы Олимпиадаға қатысуды жалғастыру құқығынан айырылады. Шеттету ұйымдастыру комитетінің кемінде екі мүшесінің қолы қойылған және қатысушының жеке қолы қойылған арнайы актімен ресімделеді. Қатысушы актіге қол қоюдан бас тартқан жағдайда, оған «қол қоюдан бас тартты» деген жазба енгізіледі. Олимпиада пәні бойынша қатысу нәтижелері жойылады.

 Турлардың нәтижелері, апелляцияға сілтеме «Дарын» РҒПО-ның www.daryn.kz сайтында жарияланады.

РО тапсырмалары (облыстық кезең)

РО-2022 обл кезеңін өткізу тәртібі

ҚР БҒМ 2021 жылғы 5 қарашадағы № 551 «2021-2022 оқу жылында жалпы білім беретін пәндер бойынша республикалық олимпиаданы ұйымдастыру және өткізу туралы» бұйрығын орындау үшін жалпы білім беретін пәндер бойынша республикалық олимпиаданың үшінші (облыстық) кезеңі (бұдан әрі - Олимпиада) 2022 жылғы 24-30 наурыз аралығында облыс орталықтарында, Нұр-Сұлтан, Алматы және Шымкент қалаларында «Oqylyq» платформасы арқылы электронды форматта өткізіледі.

Олимпиаданың мақсаттары мен міндеттері шығармашылық қабілеттерін дамыту, теориялық білімі мен тәжірибелік шеберлігін тереңдету, жеке тұлғаның өзін-өзі дамытуына ықпал ету, дарынды балаларды анықтау үшін жағдай жасау, халықаралық олимпиадаларға қатысатын оқушыларды iрiктеу және даярлау, Қазақстан Республикасында білім берудің беделiн көтеру.

Олимпиада ережеге сәйкес жалпы білім беретін 16 пән бойынша өткізіледі.

Бірінші (мектепішілік) кезеңге республиканың 6 362 білім беру ұйымдарынан 266 805 оқушы қатысты, оның ішінде 186 231 оқушы қазақ тілінде білім алады (70 %).

Екінші (аудандық) кезеңге республиканың 5 931 білім беру ұйымдарынан    96 443 оқушы қатысты, оның ішінде 68 613 оқушы қазақ тілінде білім алады        (71 %).

Үшінші (облыстық) кезеңге республиканың 2 756 білім беру ұйымдарынан 14 369 оқушының қатысуы жоспарлануда, оның ішінде 8 598 оқушы қазақ тілінде білім алады (60%).

Оның ішінде, жаратылыстану-математикалық бағыттағы пәндер бойынша 6 288 оқушы, қоғамдық-гуманитарлық бағыттағы пәндер бойынша 8 081 оқушы, оның ішінде аудан мектептерінен 3 495 оқушы, ауыл мектептерінен 3 481 оқушы, қала мектептерінен 10 888 оқушы қатысады.

Олимпиаданы өткізуге қойылатын талаптарға сәйкес, әрбір жалпы білім беретін пән бойынша әр қатысушы «Oqylyq» платформасына қосылуға веб-камерасы бар жеке компьютермен қамтамасыз етіледі. Әрбір қатысушыға жеке логин/пароль және жауап парақтарының бланкілері (тізіліммен) беріледі.  Логин/пароль республика бойынша белгіленген бірыңғай уақытта онлайн платформада тапсырмалар алу үшін қолданылады. Әр қатысушыға арналған тапсырмалар жеке таңбаланған. Олимпиаданың ашықтығы мен академиялық адалдығын сақтау мақсатында өткізу барысы, онлайн режимінде қарау үшін бейнебақылау жүйесімен қамтамасыз етіледі.

Тур аяқталғаннан кейін жауапты тұлға (IT-маман) көп функциялы құрылғыға (МФУ) жауап бланкілерін сканерлейді. Жұмыстың сканерленген нұсқасын файл атауын дұрыс толтырумен IT-маман одан әрі шифрлау, сайтта жариялау және қазылар алқасына тексеру үшін желідегі папкаға жүктейді.

Тур аяқталғаннан кейін тапсырмалар «Дарын» РҒПО интернет-ресурсында жарияланады, тапсырмалар шешімдерімен, бағалау критерийлері олимпиада өткізілетін орындарда және «Дарын» өңірлік орталықтарының ақпараттық көздерінде беріледі.

Олимпиаданы өткізудің ашықтығы мен академиялық адалдығын қамтамасыз ету мақсатында мүдделі емес «үшінші тұлғалар» («Adaldyq alańy» жобалық кеңсесінің қызметкері, ата-аналар комитетінің өкілдері, журналистер, ғалымдар немесе ЖОО оқытушылары) шақырылады.

=========

Кері байланыс:

мекенжай: Нұр-Сұлтан қ., Мәңгілік Ел даңғ., 8

телефон: +7 (7172) 570-134

e-mail: media@daryn.kz

Информатикадан РО (аудандық кезеңі) өткізу жөніндегі нұсқаулық

РО (аудандық кезең) өткізу форматы бойынша презентация

Аудандық кезең РО (техникалық тур) 1 бөлім

Аудандық кезең РО (техникалық тур) 2 бөлім

РО (аудандық кезең) техникалық ұйымдастыру бойынша жиналыс

РО аудандық кезеңінің өткізу тәртібі

РО (аудандық кезең) бойынша IT мамандарына арналған видео нұсқаулық

РО (аудандық кезең) бойынша IT мамандарына арналған нұсқаулық

Қатысушылардың окулык платформасына қосылу нұсқаулығы

Nitro программасын жүктеу

Nitro программасын қою

Тапсырмалар мен шешімдер

Алғыс хаттарды жүктеп алу

По итогам олимпиады Республиканским научно-практическим центром «Дарын» был составлен аналитический отчет. В данном отчете представлен анализ сильных и слабых сторон олимпийских команд на основе качественного и количественного рейтингов итогов Республиканской олимпиады.

Командный рейтинг в текущем году составлен на основе среднего количества баллов всех участников олимпийской команды, таким образом каждый регион может увидеть насколько эффективно проходит подготовка их участников к олимпиаде. Кроме того, был составлен рейтинг по показателям решения олимпиадных заданий, с целью измерений сложности заданий и уровня участников олимпиады.

Данные рейтинги должны служить ориентиром для того, чтобы олимпийские команды совершенствовали свои подходы и механизмы к выявлению, подготовке и поддержке одаренных детей.

Аналитический отчет представлен ниже в приложении.

Аналитический отчет по РО-2021 года

«Дарын» республикалық ғылыми-практикалық орталығы ағымдағы жылдың 25-30 сәуірі аралығында 2020-2021 оқу жылының Жалпы білім беретін пәндер бойынша республикалық олимпиадасының қорытынды кезеңі өткізілетінін хабарлайды.

Жыл сайын Республикалық олимпиада жаратылыстану-математикалық және қоғамдық-гуманитарлық бағытындағы 16 жалпы білім беретін пәндер бойынша 9-11 сынып оқушылары арасында 4 кезеңде өткізіледі. Биылғы оқу жылында Республикалық олимпиаданың мектепішілік кезеңіне 1 миллионға жуық бала қатысты, оның ішінен аудандық кезеңге 100 мыңға жуық оқушы өтті. Облыстық кезеңде 12 мыңнан астам оқушы қатысса, қорытынды кезеңде Қазақстанның барлық өңірлерінен 1500-ден астам қатысушы бақ сынайтын болады.

Елдегі пандемия жағдайын ескере отырып, Республикалық олимпиада «Ustudy» орталықтарының негізінде барлық санитарлық талаптарды сақтай отырып, өңірлерде және республикалық маңызы бар қалаларда өткізілетін болады. Олимпиада «бір қатысушы – бір компьютер – бір камера» қағидасына сүйене отырып, прокторинг жүйесін қолдану арқылы өткізіледі. Қатысушыларды отырғызу кезінде пәндерді мен сыныптарды «араластыру» әдісі қолданылады.

Олимпиаданың тапсырмалары «Дарын» РҒПО интернет ресурсы арқылы әр кезеңнің басында бір уақытта ұсынылады және сол тапсырмаларға әрбір қатысушыға жеке қол жеткізу коды беріледі. Олимпиада  аяқталғаннан кейін қатысушылардың сканерленген жұмыстары шифрланып, қазылар алқасының мүшелеріне тексеруге жіберіледі. Әрбір кезең аяқталғаннан кейін қатысушылар жұмыстарының сканерленген көшірмелері «Дарын» РҒПО интернет-ресурсында олардың жеке деректерінсіз орналастырылады. Тапсырмалар бойынша дұрыс жауаптар және олимпиаданың нәтижелері көрсетілген хаттамалар да «Дарын» РҒПО сайтында жарияланатын болады.

Олимпиадада барысында академиялық адалдықты қамтамасыз ету үшін барлық өңірлерге «Дарын» республикалық орталығының жауапты қызметкерлері жіберіледі. Олимпиада онлайн режимінде көрсетіледі, бейнебақылаудың сілтемелері «Дарын» РҒПО сайтында қолжетімді болады.

Республикалық олимпиаданың салтанатты ашылу рәсімі 25 сәуірде онлайн режимде өтеді. 26-27 сәуірде олимпиаданың I және II кезеңдері өтеді. Қазылар алқасының мүшелері қатысушылардың жұмыстарын 26-28 сәуірде тексереді. Апелляция 29 сәуірге жоспарланған. Олимпиаданың жабылу салтанаты 30 сәуірде онлайн режимде өтеді.

Республикалық олимпиаданың қорытындысы бойынша жеңімпаздар еліміздің намысын халықаралық олимпиадаларда қорғайтын болады.

Республикалық олимпиаданың барлық қатысушыларына сәттілік тілейміз!

Ереже

Қарау

Қазақстан Республикасы Оқу-ағарту министрлігінің «Дарын» РҒПО бастауыш және орта сынып оқушыларының интеллектуалдық-шығармашылық әлеуетін және танымдық қызығушылықтарын ынталандыру мақсатында Ақмола облысындағы Бурабай курортының баурайында ХІХ «Зерде» республикалық 2-7 сынып оқушылары арасында зерттеу жобалары мен шығармашылық жұмыстардың конкурсын (бұдан әрі – Конкурс) жаратылыстану-математикалық бағыт бойынша өткізеді.

Конкурстың секциялары: математика, қолданбалы математика; физика, космос; туризм және спорт; химия, биология; информатика, робототехника, STEM инженерия.

Конкурсқа келу күні: 2024 жылғы 21 ақпан сағат 12.00-ден кейін.

Зерттеу жұмыстарын қорғау: 2024 жылғы 22 ақпанда сағат 11.00-де басталады.

Конкурстың салтанатты жабылуы: 2024 жылғы 24 ақпанда сағат 10.00-де.

Қатысушылардың қайтуы: 2024 жылғы 24 ақпан сағат 15.00-ден бастап.

Конкурстың қорытынды кезеңіне әр секция бойынша жас ерекшелігіне сәйкес (кіші жастағы топ – 2-4 сыныптар, орта жастағы топ – 5-7 сынып) облыстық кезеңде 1-ші орын алған топтық және жеке зерттеу жобаларымен жас зерттеушілер келіп қатысады. Әр облыстан екі жетекші мен бір медбике ұсынылады. Ата-аналар мен өзге тұлғалар конкурсқа жіберілмейді.

Конкурс қатысушыларының жалпы санынан 60% марапатталып, жеңімпаздар мен жүлдегерлер «Дарын» республикалық ғылыми-практикалық орталығының I, II, III дәрежелі дипломдарымен және грамоталарымен марапатталады. Сондай-ақ барлық оқушыға қатысушы сертификаттары мен брендтелген футболкалар беріледі.

2024 жылғы 30 қаңтар - 1 ақпан аралығында Қазақстан Республикасы Оқу-ағарту министрлігінің «Дарын» республикалық ғылыми-практикалық орталығы бастауыш және орта сынып оқушылардың интеллектуалдық-шығармашылық әлеуетін және танымдық қызығушылықтарын ынталандыру мақсатында Ақмола облысының Щучье қаласында орналасқан «Щучинский» шипажайының базасында ХІХ «Зерде» республикалық 2-7 сынып оқушылары арасында зерттеу жобалары мен шығармашылық жұмыстардың конкурсын (бұдан әрі – Конкурс) қоғамдық-гуманитарлық  бағыт бойынша өткізді.

Конкурста қазақ тілі мен әдебиеті; орыс тілі мен әдебиеті; ағылшын тілі; тарих, өлкетану; этномәдениеттану; медицина, психология, экология; технология және өнер секциялары бойынша зерттеу жобалары мен шығармашылық жұмыстар бағаланды.

Конкурстың қорытынды кезеңіне республиканың барлық облысынан, Астана, Алматы және Шымкент қалаларынан, «Назарбаев Зияткерлік мектептері» ДББҰ-дан, «Республикалық физика-математикалық мектебі» КеАҚ, сондай-ақ «Бөбек» ҰҒПББСО мектептерінен 369 оқушы қатысып қазылар алқасының шешімімен 289 жүлделі орынмен марапатталды. Оның ішінде І дәрежелі диплом – 42, ІІ дәрежелі диплом – 63, ІІІ дәрежелі диплом – 104, сондай-ақ ерекше жетістіктері үшін берілген грамота – 80.

Естеріңізге салатын болсақ, Конкурстың аудандық кезеңіне 27 071 зерттеу жобамен 31 340 бала қатысса, облыстық кезеңге 6 472 жұмыспен 7 568 оқушы қатысқан болатын.

Конкурс аясындағы мәдени бағдарлама Бурабай курортының тамаша жерлеріне экскурсиямен қатар, жас зерттеушілер үшін психологиялық тренингтер, рөлдік ойындар мен ойын-сауықтарды қамтыды. Бұл саяхат Абылай ханның шыбындығы, Окжетпес тауы және Жұмбақтас шағылы сияқты аймақтың танымал көрікті орындарын көрсетіп, балаларға Қазақстанның табиғи және мәдени байлығын танытуға мүмкіндік берді. Бұл іс-шаралар олардың шығармашылық және зерттеу қабілеттері мен өзара қарым-қатынас және командалық жұмыс дағдыларын нығайтуға мүмкіндік берді.

Жүлдегерлер тізімі

Қарау

Ағ.ж. 30 қаңтары мен 1 ақпан аралығында Щучинск қаласының «Щучинский» шипажайында ХІХ «Зерде» республикалық 2-7 сынып оқушылары арасында зерттеу жобалары мен шығармашылық жұмыстары конкурсының қоғамдық-гуманитарлық бағыты бойынша жарыс басталады.

Республикалық-қорытынды кезеңнің ең үздігі атану үшін Қазақстанның барлық облыстарынан, Астана, Алматы және Шымкент қалаларынан 303 жұмыспен 368 қатысушы бәсекеге түседі.

Конкурстың мақсаты – балалардың зерттеу қызметінің дағдыларын дамыту, кіші және орта жастағы мектеп оқушыларының интеллектуалдық-шығармашылық әлеуетін ынталандыру болып табылады.

Конкурс қазақ тілі мен әдебиеті, орыс тілі мен әдебиеті, ағылшын тілі, тарих, өлкетану, этномәдениеттану, медицина, психология, экология, технология және өнер секциялары бойынша өтеді.

Жеңімпаздар мен жүлдегерлер I, II, III дәрежелі дипломдармен және грамоталармен марапатталады. Барлық оқушыға қатысушы сертификаттары мен естелік сыйлықтар беріледі.

Айта кететін жайт, конкурстың аудандық кезеңіне 20 071 жобамен 31 340 оқушы қатысса, облыстық-іріктеу кезеңге 6 472 жобамен 7 568 оқушы жарысты. Финалға бірінші орын иегерлері жолдама алды.

Конкурс қорытындысы бойынша қатысушылардың жалпы санының 60%-нан құралатын жеңімпаздар мен жүлдегерлер анықталады. Олар «Дарын» республикалық ғылыми-практикалық орталығының I, II, III дәрежелі дипломдарымен және грамоталарымен марапатталады. Сондай-ақ, барлық оқушыға қатысушы сертификаттары мен естелік сыйлықтар табысталады.

Айта кетсек, конкурстың аудандық кезеңіне 20 071 жобамен 31 340 оқушы қатысып, облыстық-іріктеу кезеңде 6 472 жобамен 7 568 оқушы өзара жарысты. Финалға бірінші орын иегерлері жолдама алды.

Бастауыш және орта буынды оқушылардың интеллектуалдық-шығармашылық әлеуетін және танымдық қызығушылықтарын ынталандыру мен  оларға қолдау таныту мақсатында «Дарын» республикалық ғылыми -практикалық орталығы 2023 жылдың 15-19 наурыз аралығында «Балдәурен» республикалық оқу-сауықтыру орталығының базасында (Ақмола облысы, Щучье қаласы) оқушылардың зерттеу жобалары мен шығармашылық жұмыстарының «Зерде» XVIII  республикалық конкурсын өткізді.

12 секция бойынша қатысқан оқушылардың зерттеу жобалары мен шығармашылық жұмыстарын Л.Гумилев атындағы Еуразия ұлттық университетінің және Ш. Уалиханов атындағы Көкшетау университетінің, А.Қ.Құсайынов атындағы ғалым-профессорлары мен қатар «Балдаурен» оқу-сауықтыру орталығының, Щучье қаласының педагогикалық колледжінің және Астана қаласының медициналық колледжінің жоғары санатты 37 аға оқытушылары тыңдап бағалады.

Конкурстың қорытындысы бойынша Бас жүлде – 16 жеңімпазға, 52 жобамен 1 дәрежелі диплом – 63 оқушыға, 78 жобамен 2 дәрежелі диплом – 94 жүлдегерге, 133 жобамен 3 дәрежелі диплом – 155 оқушыға, грамота – 86 қатысушыға табысталды.

Ең үздік жұмыстар легінің кейбіреуін атай кетсек:

Физика и Космос секциясы бойынша Алматы облысынан 2 орын алған оқушы жұмысында тасымалданатын, күн сәулесінен энергия алатын құрылғы жасаған. Бұл құрылғы тек макет емес, толық жұмыс жасайды және 5-6 телефонды зарядтауға мүмкіндік береді.

Басты жүлде ұтқан "Баламалы энергия көздерін өндіру" тақырыбы да өте ауқымды. Жан жақты толық зерттелген.

"Медицина, психология, экология" секциясы бойынша Солтүстік Қазақстан облысынан "Вейп - жаңа заман ойыншығы ма, әлде қайтымсыз денсаулық па?" деген тақырыпта оқушы жұмысы өте күрделі сұрақтарға шешімдер тапты және бас жүлдеге ие болды.

Сондай-ақ, «Русский язык и литература» секциясында «Сказочные сюжеты русской и мировой литературы как средство толкования "Слов назидания Абая", ШҚО, 2 дәрежелі дипломмен марапатталды.

Естеріңізге салсақ, республикалық-қорытынды кезеңнің ең үздігі атану үшін Қазақстанның барлық облыстарынан, Астана, Алматы және Шымкент қалаларынан және «Назарбаев Зияткерлік мектептері» ДББҰ-дан, республикалық физика-математикалық мектептерінен, сондай-ақ «Бөбек» ҰҒПББСО мектептерінен 2-7-сынып оқушылары арасында 600-ге жуық қатысушы бәсекеге түсіп, бақтарын сынады.

Жеңімпаздар мен жүлдегерлер тізімі

Бастауыш және орта буынды оқушылардың интеллектуалдық-шығармашылық әлеуетін және танымдық қызығушылықтарын ынталандыру мен  оларға қолдау таныту мақсатында «Дарын» республикалық ғылыми -практикалық орталығы 2023 жылдың 29-31 қаңтар аралығында «Балдәурен» республикалық оқу-сауықтыру орталығының базасында (Ақмола облысы, Щучье қаласы) оқушылардың зерттеу жобалары мен шығармашылық жұмыстарының «Зерде» XVIII  республикалық конкурсын (бұдан әрі – Конкурс) өткізеді. Конкурсқа келу күні – 2023 жылдың 29 қаңтарында сағат 11.00-ге дейін. Конкурстың салтанатты ашылуы – 29 қантар сағат 12.30-да. Зерттеу жұмыстарын қорғау 14.30-дан басталады. Конкурстың салтанатты жабылуы – 31  қаңтар сағат 11.00-де.

Қатысушылар 31 қаңтарда сағат 14.00-ден кейін кері қайта алады.

Конкурстың қорытынды кезеңіне әрбір секция бойынша 1 ғылыми-зерттеу жобасымен жас ерекшеліктеріне сәйкес (кіші жастағы топ – 2-4 сыныптар, орта жастағы топ – 5-7 сынып) іріктеу кезеңінде 1-ші орын алған жеңімпаздар және олардың жанына ілесіп жүретін әр аймақтан бір жетекші ұсынылады. Ата-аналар жіберілмейді.

Конкурстың I, II кезеңінің қорытындысы бойынша есепті және қорытынды кезеңге өтінімді ұйымдастыру комитетіне облыстық, Астана, Алматы және Шымкент қалалары білім басқармалары, Дарынды балалармен жұмыс жөніндегі аймақтық ғылыми-практикалық орталықтары, ДББҰ «Назарбаев зияткерлік мектептері», Республикалық білім беру ұйымдары 2023 жылдың 15 қаңтарына дейін  e-mail: info@daryn.kz  жіберу қажет.

Конкурстың ережесі, хаттама, есеп және өтінім формасы (1,2 қосымша) www.daryn.kz сайтында орналасқан. Сонымен қатар, өтінімде команданың келу және қайту кестесін көрсету қажет. Іссапар шығыстары (тамақтануы мен жатын орны бір күнге – 13000 тг., трансфер - 650 тг. және екі жаққа келу/кету жол билеттері) жіберуші тараптың есебінен жүргізіледі.

«Дарын» РҒПО 2022 жылдың 9-11 ақпан күндері аралығында
Щучье қаласы “Балдәурен” РОСО базасында 2-7 сынып оқушыларының зерттеу жобалары мен шығармашылық жұмыстарының ХVII республикалық «Зерде» конкурсының қорытынды кезеңін өткізді. Қорытынды кезеңге 361 зерттеу жобасы іріктеліп алынып, 423 оқушы білім додасында бақтарын сынады.

Конкурс 9 секция бойынша өткізілді:
1 секция – қазақ тілі мен әдебиеті;
2 секция – орыс тілі мен әдебиеті, ағылшын тілі;
3 секция – математика, информатика;
4 секция – физика, техника;
5 секция – медицина, психология;
6 секция – тарих, өлкетану, этномәдениеттану;
7 секция – химия, биология;
8 секция – экология, валеология;
9 секция – робототехника.

Конкурстың негізгі мақсаты – балалардың зерттеу қызметінің дағдыларын дамыту, кіші және орта жастағы мектеп оқушыларының интеллектуалдық-шығармашылық әлеуетін ынталандыру болып табылады.

Қазылар алқасы қатысушылар білімінің жоғары деңгейін атап өтіп, оқушылардың туған өлкедегі өзекті мәселелерді шешуге деген ынтасы мен жобалардың әлеуметтік маңыздылығына оң баға берді. Конкурсқа қатысқан оқушылардың барлығы жобаларын жоғары деңгейде қорғады.

Олимпиаданың қорытындысы бойынша:
Бас жүлде- 12 оқушы;
I дәрежелі – 49 оқушы;
II дәрежелі – 65 оқушы;
III дәрежелі – 106 оқушы дипломдарымен, 87 оқушы грамоталармен марапатталды.

Барлық жеңімпаздарды жеңістерімен құттықтаймыз!

Зерде қорытындысы - 2022

Бастауыш және орта буынды оқушылардың  интеллектуалдық-шығармашылық әлеуетін және танымдық қызығушылықтарын ынталандыру мен  оларға қолдау таныту мақсатында «Дарын» республикалық ғылыми -практикалық орталығы 2022 жылдың 9-11 ақпан айында «Балдәурен» республикалық оқу-сауық орталығының (Ақмола облысы, Щучье қаласы)   базасында оқушылардың зерттеу жобалары мен шығармашылық жұмыстары XVII  республикалық «Зерде» конкурсын (бұдан әрі – Конкурс) келесі секция бойынша өткізеді.

1 секция - қазақ тілі мен әдебиеті;

2 секция – орыстілі мен әдебиеті, ағылшын тілі;

3 секция - математика, информатика;

4 секция - физика, техника;

5 секция - медицина, психология;

6 секция – химия, биология;

7 секция - тарих, өлкетану, этномәдениеттану;

8 секция - экология, валеология;

9 секция - робототехника.

Конкурсқа келу күні – 2022 жылдың 9 ақпанында  сағат 12.00 дейін.  Конкурстың салтанатты ашылуы –  9 ақпан  сағат 15.00-де.  Зерттеу жұмыстарын қорғау 16.00-де басталады. Конкурстың салтанатты жабылуы – 11 ақпан сағат 11.00-де.  Қатысушылар 11 ақпаннан бастап сағат 14.00-ден кейін қайта алады.

Конкурстың қорытынды кезеңіне әрбір секция бойынша 1  ғылыми-зерттеу жобасымен  жас ерекшеліктеріне сәйкес (кіші жастағы топ – 2-4 сыныптар, орта жастағы топ – 5-7 сынып) іріктеу  кезеңіне 1-ші орын алған жеңімпаздарынан  құралған құрама командалары мен әр топтан бір жетекші ұсынылады. Ата-аналар жіберілмейді.

Конкурстың I, II кезеңінің қорытындысы бойынша есепті және қорытынды кезеңге өтінімді ұйымдастыру комитетіне облыстық, Нұр-Сұлтан, Алматы және Шымкент қалалары білім басқармалары, Дарынды балалармен жұмыс жөніндегі аймақтық ғылыми-практикалық орталықтары, ДББҰ «Назарбаев зияткерлік мектептері», Республикалық білім беру ұйымдары   2022  жылдың 15  қаңтарына дейін  e-mail: info@daryn.kz  жіберу қажет.

Конкурстың ережесі, хаттама формасы, есеп және өтінім www.daryn.kz сайтында (1,2 қосымша) орналасқан. Сонымен қатар, өтінімде команданың келу және қайту кестесін көрсету қажет. Іссапар шығыстарын (тамақтануы мен жататын орны бір күнге – 12500 тг., трансфер - 500 тг.  және екі жаққа келу/кету жолы) жіберуші жақ есебіне жатқызылады.

Қосымша

Ұйымдастыру комитетінің мекен-жайы: Нұр-Сұлтан қаласы, Мәңгілік ел даңғылы  8, тел 8(7172) 570160,

Бастауыш және орта буынды оқушылардың интеллектуалдық-шығармашылық әлеуетін және танымдық қызығушылықтарын ынталандыру мен оларға қолдау таныту мақсатында «Дарын» республикалық ғылыми -практикалық орталығы оқушылардың зерттеу жобалары мен шығармашылық жұмыстарының XVI республикалық «Зерде» конкурсын (бұдан әрі – Конкурс) өткізеді.

Елімізде қалыптасқан қолайсыз эпидемиологиялық жағдайға байланысты Конкурсты қашықтықтан ZOOM платформасы арқылы онлайн режимде өткізу жоспарланып отыр.

Конкурс 3 кезең бойынша өткізіледі:

1) бірінші кезең (мектепішілік) – білім беру ұйымдарында өткізіледі;

2) екінші кезең (облыстық, іріктеу) – облыстық, Нұр-Сұлтан, Алматы және Шымкент қалаларының білім басқармалары, дарынды балалармен жұмыс жөніндегі аймақтық орталықтар, «Назарбаев Зияткерлік мектептері» ДББҰ, Республикалық білім беру ұйымдары а.ж. 12 қаңтарына дейін өткізу қажет;

3) үшінші қорытынды кезең (республикалық) – 2021 жылғы 26-29 қаңтарда өткізіледі.

Конкурс қатысушылары 9 секция бойынша ZOOM платформасында өз жұмыстарын қорғайтын болады:

• 1 секция - қазақ тілі мен әдебиеті;
• 2 секция - орыс тілі мен әдебиеті, ағылшын тілі;
• 3 секция - математика, информатика;
• 4 секция - физика, техника;
• 5 секция - медицина, психология;
• 6 секция – тарих, өлкетану, этномәдениеттану;
• 7 секция - химия, биология;
• 8 секция - экология, валеология;
• 9 секция – робототехника.

Конкурстың қатысушылары 2-7 сынып оқушылары болып табылады.

Қатысушылардың шығармашылық зерттеу жұмыстарының электрондық нұсқасын, сонымен қатар, Конкурстың бірінші және екінші кезеңдерінің қорытындылары бойынша хаттамалары мен есептерін z.amanova@mail.ru және үшінші кезеңге қатысу туралы сұраныс хатты (конкурстың қорытынды кезеңіне әрбір секция бойынша 1 ғылыми-зерттеу жобасымен жас ерекшеліктеріне сәйкес (кіші жастағы топ-1-4 сыныптар, ересек жастағы топ - 5-7 сынып) іріктеу кезінің 1 орын алған жеңімпаздары болуы тиіс) 2021 жылдың 15 қаңтарына дейін ұйымдастыру комитетінің info@daryn.kz электрондық поштасына жіберу қажет.

Конкурстың ережесі, хаттама, есеп пен өтінім беру нысандары www.daryn.kz сайтында (1,2 қосымша) орналасқан.

Қазақстан Республикасы Білім және ғылым министрлігінің «Дарын» республикалық ғылыми-практикалық орталығы 2021 жылғы іс-шаралар  жоспарына сәйкес, қаңтар айының 26-28 күндері аралығында 1-7 сынып оқушыларының зерттеу жобалары мен шығармашылық жұмыстарының «Зерде» ХVI республикалық конкурсы (бұдан әрі – Конкурс ) алғаш рет қашықтықтан онлайн режимде өткізілгенін хабарлайды.

Конкурстың негізгі мақсаты – балалардың зерттеу қызметінің дағдыларын дамыту, кіші және орта жастағы мектеп оқушыларының интеллектуалдық-шығармашылық әлеуетін ынталандыру болып табылады.

Елімізде қалыптасқан қолайсыз эпидемиологиялық жағдайға байланысты Конкурс қашықтықтан ZOOM платформасының көмегімен 9 секция бойынша онлайн режимде ұйымдастырылды:

1 секция –  қазақ тілі мен әдебиеті;

2 секция –  орыс тілі мен әдебиеті, ағылшын тілі;

3 секция – математика, информатика;

4 секция – физика, техника;

5 секция – медицина, психология;

6 секция – тарих, өлкетану, этномәдениеттану;

7 секция –  химия, биология;

8 секция –  экология, валеология;

9 секция – робототехника.

Конкурс Ережеге сәйкес 3 кезең бойынша өткізілді: аудандық, облыстық – іріктеу, республикалық-қорытынды.

Республика бойынша жалпы аудандық кезеңге 11928 жобамен 15917 оқушы (оның ішінде 6772 оқушы ауылдық жердің оқушылары)  қатысып 8995 оқушы жеңімпаз атанса, облыстық-іріктеу кезеңге 4728 жобамен 5168 оқушы (оның ішінде 2002 оқушы ауылдық жердің оқушылары) қатысып 2409 оқушы жеңімпаз атанды.

Республикалық-қорытынды кезеңнің ең үздігі атану үшін Қазақстанның барлық облыстарынан, Нұр-Сұлтан, Алматы және Шымкент қалаларынан және «Назарбаев Зияткерлік мектептері» ДББҰ-дан, республикалық физика-математикалық мектептерінен, сондай-ақ «Бөбек» ҰҒПББСО мектептерінен 340 жобамен 398 оқушы (оның ішінде 125 оқушы ауылдық жердің оқушылары) бәсекеге түсіп, бақтарын сынады.

Республикалық конкурстың ашылу және жабылу салтанаты бағдарламаға сәйкес онлайн режимде ZOOM платформасының көмегімен өтті.

Оқушылардың зерттеу жобалары мен шығармашылық жұмыстарын Л.Гумилев атындағы Еуразия ұлттық университетінің және Ш. Уалиханов атындағы Көкшетау университетінің, «Астана» халықаралық университетінің ғалым-профессорлары мен қатар «Балдаурен» оқу-сауықтыру орталығының, Щучье қаласының педагогикалық колледжінің және Нұр-Сұлтан қаласының медициналық колледжінің жоғары санатты аға оқытушылары тыңдап бағалады.

Конкурстың қорытындысы бойынша жеңімпаздары мен жүлдегерлері атанған 210 оқушы 166 жоба қорғап «Дарын» РҒПО-ның І, ІІ, ІІІ дәрежелі дипломдарымен және алтын, күміс, қола медальдарымен марапатталды. Оның ішінде І дәрежелі дипломға – 38 жұмыспен 52 оқушы, ІІ дәрежелі дипломға – 54 жұмыспен 69 оқушы, ІІІ дәрежелі дипломға – 74 жұмыспен 89 оқушы ие болды. Ерекше жетістіктері үшін грамоталармен 62 қатысушы марапатталды. Қорытынды кезеңнің барлық қатысушыларына  электронды сертификаттар берілді.
Сертификат немесе дипломды жүктеп алу
"Зерде" XVI республикалық конкурсының жеңімпаздар мен жүлдегерлер тізімі

Ереже