Жабылу салтанаты

Тікелей эфирді қарау (1-кезең)

Тікелей эфирді қарау (2-кезең)

Қатысушылар жұмыстары

Тапсырмалар

Шешімдер

Хаттамалар

Қостанай қаласында жаратылыстану-математикалық бағыттағы екі маңызды пән – информатика және математика бойынша жалпы білім беретін пәндерден 9-11 (12) сынып оқушыларына арналған республикалық олимпиаданың қорытынды кезеңі басталды.

Аталған кезеңге еліміздің барлық өңірлерінен 310 дарынды оқушы қатысуда. Оның ішінде:
информатика пәні бойынша – 149 оқушы;
математика пәні бойынша – 161 оқушы.

Олимпиада барысында қатысушылар алгоритмдік ойлау, күрделі есептерді шешу, бағдарламалау және терең математикалық талдау дағдыларын көрсетеді. Олимпиада 2026 жылғы 24 наурызға дейін жалғасады.

Зияткерлік сайыстың негізгі мақсаты – дарынды оқушыларды анықтау, олардың ғылыми әлеуетін дамыту және халықаралық олимпиадаларға дайындалатын ұлттық құраманы қалыптастыру.

Пәндік олимпиада қорытындысы бойынша үздік нәтиже көрсеткен оқушылар ұлттық олимпиадалық резерв құрамына қабылданып, еліміздің намысын халықаралық білім додаларында қорғауға мүмкіндік алады.

Естеріңізге сала кетейік, биыл жалпы білім беретін пәндер бойынша республикалық олимпиаданың қорытынды кезеңі еліміздің алты өңірінде ұйымдастырылуда.

Оқушыларға сәттілік тілейміз!

Ұйымдастырушылар:
Қазақстан Республикасының Оқу-ағарту министрлігі, «Дарын» республикалық ғылыми-практикалық орталығы, Қостанай облысының білім басқармасы және «Қостанай дарыны» өңірлік орталығы.

Қазақстан Республикасы Оқу-ағарту министрлігінің «Дарын» республикалық ғылыми-практикалық орталығы 2026 жылғы наурыз-сәуір айларында 9-11 (12) сынып оқушыларына арналған республикалық олимпиаданың IV (қорытынды) кезеңін өткізеді.

2026 жылғы олимпиаданың қорытынды кезеңі еліміздің 6 қаласында 15 пән бойынша өтеді және оған республика өңірлерінен іріктелген 1636 дарынды оқушы бақ сынайды.

Жаратылыстану-математикалық бағыттағы пәндер бойынша олимпиаданың қорытынды кезеңі келесі кестеге сәйкес өтеді:

19-24 наурыз – Қостанай қаласында информатика және математика (310 оқушы);

20-25 наурыз – Астана қаласында биология және физика (311 оқушы);

27 наурыз - 1 сәуір – Алматы қаласында география және химия (309 оқушы).

Қоғамдық-гуманитарлық бағыттағы пәндер бойынша:

3-7 сәуір – Тараз қаласында қазақ тілі мен әдебиеті, Қазақстан тарихы (270 оқушы);

9-13 сәуір – Шымкент қаласында орыс тілі мен әдебиеті, құқықтану (272 оқушы);

17-21 сәуір – Петропавл қаласында шетел тілдері (164 оқушы).

Олимпиаданың мақсаты – дарынды оқушылардың шығармашылық қабілеттерін дамыту, теориялық білім мен практикалық дағдыларын тереңдету, жеке тұлғаның өзін-өзі жүзеге асыруына жағдай жасау, халықаралық олимпиадаларға дайындау және Қазақстан білім жүйесінің беделін арттыру.

Ақпарат үшін:
Жалпы білім беретін пәндер бойынша республикалық олимпиада төрт кезеңнен тұрады.
Бірінші (мектепішілік) кезеңге 7 211 білім беру ұйымынан 358 146 оқушы;
Екінші (аудандық) кезеңге 6316 ұйымнан 135670 оқушы,
Үшінші (облыстық) кезеңге 3236 ұйымнан 18127 оқушы қатысса, ал төртінші (қорытынды) кезеңге республиканың барлық өңірлерінен, сондай-ақ республикалық білім беру ұйымдарынан («РФММ» КеАҚ, Абай Ұлттық мектебі және «Назарбаев Зияткерлік мектептері» ДББҰ) 1636 оқушы қатысады деп жоспарлануда. Олардың 73-і – республикалық ауыл олимпиадасының жеңімпаздары, жаратылыстану-математикалық бағыты бойынша – 930 оқушы, қоғамдық-гуманитарлық бағыт – 706 оқушы).

Барша қатысушыларға сәттілік тілейміз!

Қарау

Хаттамалар

Тапсырмалар

Шешімдер

Өткізу тәртібі

ЖМБ тапсырмалары

ЖМБ шешімдері

ҚГБ тапсырмалары

ҚГБ шешімдері

Өткізу тәртібі

Көкшетауда 10-11(12) сынып оқушыларына арналған қоғамдық-гуманитарлық бағыттағы республикалық олимпиаданың үздіктері анықталды

Көкшетау қаласында жоғары деңгейде ұйымдастырылған ағылшын, неміс және француз тілдері пәндерінен республикалық олимпиада өз мәресіне жетті. Нағыз білім мерекесіне айналған бес күндік додаға еліміздің әр өңірінен 170-тен астам оқушы қатысып, жазбаша және ауызша турларда өз білімдерін көрсетіп, бақ сынады. Олимпиада қорытындысы бойынша 81 оқушы жеңімпаз бен жүлдегер атанды.

Олимпиаданың жеңімпаздарын марапаттау рәсіміне Ақмола облысы әкімінің орынбасары Досұлан Ерланұлы Айтбаев қатысып, жас зияткерлерге тілегін жеткізді.

«Құрметті олимпиадаға қатысушылар, жас достар! Сіздерді сексен көл саясындағы Көкшетауда қарсы алғанымызға қуаныштымын. Жетістіктеріңізбен шын жүректен құттықтаймын. Әрдайым ата-аналарыңыз бен ұстаздарыңыздың сенімін ақтап, еліміздің өркендеуіне өз үлестеріңізді қосады деп сенемін», – деді Досұлан Ерланұлы.

Жүлдегер 81 оқушының ішінде ағылшын, неміс және француз тілдері пәндері бойынша 16 алтын, 24 күміс және 41 қола медаль иегері анықталды.

«Дарын» республикалық ғылыми-практикалық орталығының директоры Ғаждембек Қуанышұлы Тұрсынов республикалық олимпиаданың жоғары деңгейде ұйымдастырылуына үлес қосқан облыс басшылығына, білім басқармасына, жоғары оқу орындарының ректорларына, өңірлік «Ақмола Дарыны» орталығына және мектеп ұжымдарына алғыс білдіріп, қоғамдық-гуманитарлық бағыттың қорытындысын жариялады.

«ҚР Оқу-ағарту министрлігінің бұйрығына сәйкес, биылғы жылы жалпы білім беретін пәндер бойынша республикалық олимпиаданың финалдық кезеңі еліміздің жеті өңірінде өткізілді. Олимпиаданың мектепішілік кезеңіне 350 000-нан астам оқушы қатысып, республикалық кезеңге 1670 оқушы жолдама алды. Оның ішінде Орал, Қызылорда, Қарағанды және Көкшетау қалаларында өткен қоғамдық-гуманитарлық бағытқа 700-ден астам оқушы қатысып, 325-і жүлдегер атанды. Бүгін біз осы бағыттың үздіктерін марапаттаймыз», – деді Ғаждембек Қуанышұлы.

Қоғамдық-гуманитарлық бағыттың абсолюттік жеңімпазы Алматы облысы Іле ауданының 11-сынып оқушысы Айша Бекмұхамед атанды. Айша – республикалық ауыл олимпиадасының жеңімпазы ретінде осы білім бәйгесіне квотамен қатысқан Өтеген батыр ауылының оқушысы.

«Үздік ауыл оқушысы» атағын Маңғыстау облысының 11-сынып оқушысы Диас Асатулла иеленсе, «Ең жас қатысушы» Павлодар облысының 8-сынып оқушысы Мөлдір Оразбай атанды.

«Үздік олимпиадалық команда» номинациясы бойынша үшінші орынды Түркістан облысы және «Назарбаев Зияткерлік мектептері» құрамасы, екінші орынды Ақмола мен Батыс Қазақстан облыстары командалары иеленді. Бірінші орын Астана және Жамбыл облысы командаларына тиесілі. Ал Бас жүлдемен Алматы қаласы командасы марапатталды.

Әл-Фараби атындағы Қазақ ұлттық университеті, Халел Досмұхамедов атындағы Атырау университеті және Абай Мырзахметов атындағы Көкшетау университеті қатысушыларға төрт білім грантын тағайындады.

Абай Мырзахметов атындағы Көкшетау университетінің «Шет тілдері және аударма ісі» кафедрасының меңгерушісі, п.ғ.к., доцент Наталья Станиславовна Жумагулова оқушыларға жүрекжарды лебізін білдіріп, гранттарды тапсырды.

Осы ретте, олимпиаданың жоғары ғылыми деңгейде өтуіне педагог-тәлімгерлердің, жаттықтырушылар мен еліміздің жетекші жоғары оқу орындарының ғалымдарынан құралған қазылар алқасының кәсіби еңбегі олимпиаданың табысты өтуіне зор үлес қосқанын баса айту қажет. Олардың қажырлы еңбегі оқушылардың сапалы әрі табысты өнер көрсетуіне ықпал етті.

Сонымен қатар, ағылшын тілі пәні бойынша жүлдегер оқушыларға British Council ұйымы тарапынан халықаралық тест тапсыруға жеңілдік беретін сертификаттар табысталды: ІІІ орын алғандарға 30 пайыздық жеңілдік, ІІ орын алғандарға 50 пайыздық жеңілдік және І орын алғандарға бір рет тегін тапсыру мүмкіндігі бар сертификаттар.

Абылай хан атындағы Қазақ халықаралық қатынастар және әлем тілдері университетінен IELTS емтиханына қысқамерзімді дайындық курсына алты өңірдің оқушыларына қатысу сертификаттары берілді.

Барлық жеңімпаздар мен жүлдегерлерді шын жүректен құттықтаймыз! Келесі жылғы олимпиадада жолыққанша – күн сәтті болсын!

Салтанатты жабылуды қарау (Көкшетау қаласы - 21.04-25.04.2025)

Салтанатты жабылуды қарау (Қызылорда қаласы - 14.04-18.04.2025)

Салтанатты жабылуды қарау (Қарағанды қаласы - 31.03-04.04.2025)

Салтанатты жабылуды қарау (Қарағанды қаласы - 31.03-04.04.2025)

Салтанатты жабылуды қарау (Орал қаласы - 31.03-04.04.2025)

Салтанатты жабылуды қарау (Алматы қаласы - Математика, География)

Салтанатты жабылуды қарау (Астана қаласы - 17.03-21.03.2025)

Салтанатты жабылуды қарау (Ақтау қаласы - 10.03-15.03.2025)

Хаттамалар

Шешімдер

Тапсырмалар

Қатысушылар жұмыстары

Бағдарлама

Өткізу кестесі

Жұмыстарды қарау

1-тур хаттамасын қарау

2 тур хаттамасын қарау

Қорытынды хаттама

2 тур тапсырмалары

2 тур шешімдері

1 тур тапсырмалары

1 тур шешімдері

Тапсырмалар

Шешімдер

Бұйрық

Тапсырмалар мен шешімдер

Астана және Өскемен қалаларында 10-11(12) сынып оқушылары арасында Қазақстан тарихы, құқық негіздері, қазақ тілінде оқытатын мектептердегі орыс тілі, орыс тілі мен әдебиеті, ағылшын тілі, неміс тілі және француз тілі пәндері бойынша республикалық олимпиада өз мәресіне жетті. Олимпиада дәстүрлі форматта екі кезең бойынша өтті. Тапсырмалар тест, жазбаша және ауызша турларды қамтыды. Білім додасына әр өңірден жиналған 523 оқушы қатысты. Олар 234 жүлдені сарапқа салып, 121 қола, 70 күміс және 43 алтын медальға ие болды.

Марапаттау рәсіміне жоғары оқу орындарының ғалымдары мен оқытушылары, республикалық және облыстық «Дарын» орталықтарының, облыстық білім басқармаларының басшылары мен орынбасарлары, мектеп ұжымдары қатысты.

Шығыс Қазақстан білім басқармасының басшысы Иннеса Александровна Чернышева қатысушыларды құттықтады.

«Құрметті Республикалық олимпиаданың қатысушылары мен жеңімпаздары! Сіздерді тамаша жетістіктеріңізбен құттықтаймыз! Сіздердің тарих және құқық саласындағы білімдеріңіз бен дағдыларыңыз жоғары бағаға лайық. Біз сіздердің табыстарыңызды мақтан тұтамыз және қоғамымыздың дамуына елеулі үлес қосуға қабілетті өскелең ұрпақтың жарқын өкілдері болатындарыңызға сенімдіміз. Сіздерге білім мен кәсіби жолда сәттілік пен шабыт тілейміз!». – деді Инесса Александровна.

Астана қаласында қатысушылар алдында «Дарын» ғылыми-практикалық орталығының директоры Ғаждембек Тұрсынов сөйледі.

«Құрметті олимпиадаға қатысушылар мен қонақтар! Біз бүгін осы орта білім саласындағы маңызды оқиғаның бірі республикалық олимпиаданың қорытындысын білуге жиналып отырмыз. Олимпиада – сіздің біліміңіз бен зердеңізді сынау ғана емес, сонымен қатар өзін-өзі дамыту, тәжірибе алмасу және жаңа таныстар табу мүмкіндігі. Сіздер білімге деген адалдықтарыңызды дәлелдеп қана қоймай, жақсы нәтижеге ұмтыла алатыныңыздарды көрсете білдіңіздер. Сіздерді марапаттарыңызбен құттықтаймын және алдағы уақытта жарқын жеңістер тілеймін!». – деді өз сөзінде Ғаждембек Тұрсынов.

Сондай-ақ, ол Қазақстан Республикасы Оқу-ағарту министрлігінің бұйрығына сәйкес биылғы жылы олимпиада еліміздің алты өңірінде өткенін атап өтті. Үш қалада (Қостанай, Өскемен, Астана) ұйымдастырылған қоғамдық-гуманитарлық бағыттағы олимпиадаға 707 оқушы жиналды.

Республикалық қоғамдық-гуманитарлық олимпиаданың жалпы қорытындысы бойынша «Олимпиадаға ең жас қатысушы» дипломы Ғабиден Сабырғалиға (8-сынып оқушысы, Жамбыл облысы) берілді. «Үздік ауыл оқушысы» номинациясы бойынша тұңғыщ республикалық ауыл олимпиадасының жеңімпаздары, бүгінгі күні қоғамдық-гуманитарлық бағыттағы республикалық олимпиаданың жеңімпаздары марапатталды. Олар: Донаханым Азиева, Сарвиноз Убайдуллаева және Жасмина Мұхитдинова (Түркістан облысы), Юлия Германова (Абай облысы), Мадияр Едіге (Ақтөбе облысы), Нұрсауле Жүсіп (Маңғыстау облысы), Аруна Зайдуллина (Батыс Қазақстан облысы), Анастасия Иванова және Гульназ Олжабаева (Жетісу облысы), Мөлдір Мұса (Атырау облысы), Мақсат Өмірболатов (Солтүстік Қазақстан облысы), Нұржан Орымбет (Қызылорда облысы), Милана Фурсова және Айша Бекмұханбет (Алматы облысы).

Ағылшын тілі пәнінен үшінші орын иегері жетісулық оқушы Сағадат Құдайберген өз ойын білдірді.

«Биылғы өтіп жатқан Республикалық олимпиадаға қатысып үшінші орын алдым. Біраз уақыт еңбектендім, дегенмен еңбегімнің жемісі осы болып отыр. Келесі жылы бұдан да жақсы нәтижелерге жететініме сенемін. Және сіздерге де келесі болатын республикалық олимпиадада бірінші орын алатыныма уәде беремін. Басқада оқушыларға сәттілік тілей отыра, Қазақстанымыздың жарқын болашағына сенімді болу үшін, оларға көп білім алып, еңбек етулерін тілеймін» - деді ол.

«Үздік олимпиадалық команда» номинациясы бойынша үшінші орын Жетісу, Батыс Қазақстан және Жамбыл облыстарының командаларына берілді. Екінші орынды Атырау және Түркістан облыстарының командалары өзара бөлісті. Бірінші орынды Астана мен Алматы қалаларының, Қостанай және Павлодар облыстарының командалары жеңіп алды. Гран-при иегері «Назарбаев Зияткерлік мектептері» командасы болды.

Орыс тілі мен әдебиеті пәні бойынша республикалық олимпиаданың қазылар алқасының төрайымы Сәуле Жүнісқызы Әбішева да қатысушылар мен ұйымдастырушыларға алғыс айтып, құттықтау сөз сөйледі.

«Олимпиаданың сәтті аяқталуымен құттықтаймын. Барлық қатысушыларға еңбекқорлығы мен күш-жігері, тапсырмаларды шешудегі шығармашылық көзқарасы мен шабыты үшін алғыс айтқым келеді. Осы олимпиадада алған тәжірибе алдағы жетістіктер мен кәсіби өсудің сенімді іргетасы болсын», – деді Сәуле Жүнісқызы Әбішева.

Жас дарындарға Х. Досмұхамедов атындағы Атырау университетінің алты білім гранты табысталды.

Сондай-ақ, «Дарын» орталығының ашылған күнінен 25 жылдық еңбек өтілі бар тәжірибелі маман Сара Ешмұхамбетқызы Құдабаева «Еңбек ардагері» мемлекеттік наградасымен марапатталды.

Ұйымдастырушылар барша қатысушыларды олимпиаданың аяқталуымен құттықтайды және мұғалімдерге, жаттықтырушылар мен ата-аналарға алғыс білдіреді. Бүгінгі жетістік – біздің ортақ жетістігіміз.

Іс-шараны ұйымдастырушылар: ҚР Оқу-ағарту министрлігінің «Дарын» республикалық ғылыми-практикалық орталығы, Шығыс Қазақстан облысының білім басқармасы және «Шығыс дарыны» өңірлік оқу-әдістемелік орталығы.

Салтанатты жабылуды қарау (Астана қаласы)

Салтанатты жабылуды қарау (Өскемен қаласы)

Тапсырмалар мен шешімдер

Қарау

Астанада Наурыз қарсаңында жаратылыстану-математикалық бағыттағы республикалық олимпиаданың математика және физика пәндері бойынша қорытындысы шықты.

Олимпиадаға қатысушылар мен қонақтарды ҚР Оқу-ағарту министрлігінің Орта білім беру комитетінің төрағасы Қаныбек Жұмашев құттықтады.

«Қымбатты жас достар, ұстаздар, аса қадірменді қонақтар!

Білім бәйгесінде оза шапқан дарабоздар!

Сіздерді еліміздің төрі, елордамыз Астанада бар жан-дүние жанданған, қасиетті төл мерекеміз әз-Наурызбен тұспа-тұс келген математика және физика пәндері бойынша  республикалық олимпиаданың сәтті аяқталуымен құттықтаймын. Осы айтулы күні сіздерге деген ізгі тілектерімді қабыл алыңыздар!

Республикалық олимпиада - бұл сіздің біліміңіз бен дағдыларыңызды тексеру ғана емес, сонымен қатар, өзіңізді шыңдай түсуге және жоғары нәтижелерге қол жеткізуге берілетін мүмкіндік.

Сіздердің олимпиадаға қатысуға деген ынталарыңыздан жастарымыздың ғылымға деген адалдықтарын және жаңа биіктерге жетуге деген ұмтылыстарын көремін.

Биыл жалпы білім беретін пәндер бойынша республикалық олимпиада жаңа форматта еліміздің жеті өңірінде өткізіледі. Эстафетаны бірінші болып, Астана қаласы қабылдап, сіздер – еліміздің жас интеллегенциясы, математика мен физика пәндерінен бес күндік дүбірлі додаға түстіңіздер және бұл сынақты сәтті аяқтадыңыздар.

Құрметті қатысушылар, Сіздерге жаңа жетістіктер мен шабыт тілеймін. Осы олимпиада сіздердің табысты болашағыңыздың кепілі болуына тілектеспін!» – деді Қаныбек Жұмашев.

Математика және физика пәндері бойынша Республикалық олимпиадада Қазақстанның әр өңірінен келген 9-11 (12) сыныптың 150 оқушысы 72 қола, 45 күміс және 33 алтын жүлдені өзара бөлісіп, жеңімпаз атанды.

«Республикалық олимпиаданың мектепшілік кезеңіне 322 000-нан астам оқушы қатысты. Олардың 1 688 қорытынды кезеңге іріктелді. Оның ішінде жаратылыстану-математикалық бағытта 946 қатысушы, 722-і қоғамдық-гуманитарлық бағытта бақ сынайды. Айта кететін жайт, осы оқушылардың ішінде  87-і олимпиадалық резерв мүшелері болса, 65-і Оқу-ағарту министрі Ғани Бектайұлы Бейсембаевтың тікелей бастамасымен 2023 жылдың қараша айында бастау алған ауыл мектептері оқушыларына арналған республикалық олимпиаданың жеңімпаздары екенін ерекше тебіреніспен сіздерге баяндаймын» - деді өз сөзінде «Дарын» республикалық ғылыми-практикалық орталығының директоры Ғаждембек Тұрсынов.

Сондай-ақ, жеңімпаздар мен жүлдегерлерге Қазақстан-Британ техникалық университеті, Сәтбаев университеті, Х.Досмұхамедов атындағы Атырау университеті, Қ.Жұбанов атындағы Ақтөбе өңірлік университеті сияқты еліміздегі бірқатар жоғары оқу орындарының ректорлық гранттары табысталды.

«Мен математика пәнінен 11 сынып аралығында алтын медаль иегерімін. Олимпиада жоғары деңгейде және тартымды өтті. Тапсырмалар өте қызықты болды. Осы республикалық олимпиаданы ұйымдастырушыларға алғысым шексіз. Сондай-ақ, мені дайындаған әке-шешеме, ұстаздарыма басымды иемін», - дейді Жамбыл облысының  оқушысы, ҚР құрама командасының мүшесі, Халықаралық олимпиадалардың бірнеше дүркін жеңімпазы Марғұлан Шарел.

Ұйымдастыру комитеті барлық қатысушыларды математика және физика пәндері бойынша олимпиаданың сәтті аяқтауларымен шын жүректен құттықтайды.

Келесі жаратылыстану-математика бағытындағы информатика және география пәндері бойынша республикалық олимпиада ағымдағы жылдың 24-28 наурыз аралығында Алматы қаласында өтетінін естеріңізге саламыз. Жарысқа 300-ден астам оқушы қатысады.

Іс-шараны ҚР Оқу-ағарту министрлігінің «Дарын» республикалық ғылыми-практикалық орталығы және Астана қаласы әкімдігінің «Астана дарыны» дарынды балалар мен дарынды жастарды анықтау және қолдау орталығы.

Қарау

Қарау

1-камера

2-камера

Қарау

Қарау

Хаттаманы қарау

Жұмыстарды қарау

♻️ЖАЛПЫ БІЛІМ БЕРЕТІН ПӘНДЕР БОЙЫНША РЕСПУБЛИКАЛЫҚ ОЛИМПИАДАНЫҢ ҮШІНШІ КЕЗЕҢІ БАСТАЛДЫ

📚Қазақстанда жалпы білім беретін пәндер бойынша республикалық олимпиаданың үшінші (облыстық) кезеңі басталды. Облыстық кезеңге республиканың барлық аймақтарынан 40 000-нан астам оқушы қатысады. Пәндік олимпиада дәстүрлі форматта екі турда өтеді. «Физика» және «Химия» пәндері бойынша эксперименттік турлар жүреді.

🔖Олимпиаданың үшінші кезеңінің әрбір қатысушысы жеке жұмыс орнымен, жауап парақтарының бланкілерімен, оның оқу тіліндегі тапсырмалар мәтінімен қамтамасыз етіледі. Ашықтық пен академиялық адалдықты сақтау мақсатында олимпиаданың өту процесі онлайн режимде көруге арналған бейнебақылау жүйесімен қамтамасыз етіледі. Олимпиада барысын ата-аналар комитетінің өкілдері, журналистер, ғалымдар және ЖОО оқытушылары қадағалайды.

🌐Турлар аяқталғаннан кейін тапсырмалар «Дарын» РҒПО интернет-ресурсында орналастырылады.

❕Айта кетсек, оқушылардың республикалық олимпиадасы 15 жалпы білім беретін пән бойынша өткізіледі. Олимпиаданың бірінші (мектептік) кезеңінде 282 090, екінші (аудандық) кезеңінде 94 000 оқушы қатысты.

РО ІІІ (облыстық) кезеңін өткізу тәртібі 2023-2024

РО өткізу тәртібі 2023-2024

📢Құрметті ұстаздар, жаттықтырушылар және олимпиадашылар, 2022-2023 оқу жылындағы жалпы білім беретін пәндер бойынша оқушылардың республикалық олимпиадасының қорытынды кезеңін толық нәтижелеу үшін еліміздің 100 үздік олимпиадалық мектептер рейтингі жасалды.

Биылғы оқу жылында жаратылыстану-математикалық бағыттағы пәндер бойынша олимпиада 20-25 наурыз аралығында Шымкент қаласында еліміздің барлық облыстарынан 891 оқушының, оның ішінде ғылым негіздері бойынша 88 олимпиадалық резерв мүшелерінің қатысуымен өтті.

86 жеңімпаз алтын медальмен, 131 оқушы күміспен, 206 оқушы қоламен марапатталды.

Республикалық олимпиаданың екінші бөлімі қашықтан өтті. Қоғамдық-гуманитарлық бағыттағы пәндер бойынша олимпиада 2023 жылдың 18 сәуірінде еліміздің 20 өңірінде 725 оқушының қатысуымен өткізіліп, 330 оқушы жеңіске жетті.

Олардың 62-сі алтын, 97-сі күміс, 171-і қола медальмен марапатталды.

Үздік олимпиадалық мектеп атағына ие болу үшін республиканың 314 мектебі бақ сынады.

Олимпиада қорытындысы бойынша 1-ші орынды 4 мектеп жеңіп алды, 2 орынды 9 мектеп өзара бөлісті, 14 мектеп - 3 орынға ие болды.

Рейтинг формула бойынша шығарылды, мұнда алтын медаль 3 ұпаймен, күміс медаль 2  және қола медаль 1 ұпаймен бағаланды.

• Ең алдымен, бұл рейтинг зияткерлік сайыста табысқа жетуге бар күш-жігерін салған мектеп оқушыларының, олардың ұстаздары мен жаттықтырушыларының жұмыла жасаған еңбегінің жемісі.

• Құрметті әріптестер, сіздерді және балаларды жетістіктермен құттықтаймыз! Олимпиадалық қозғалысқа адалдықтарыңыз үшін рахмет. Сіздерге денсаулық, таусылмас қуат және жарқын жеңістер тілейміз!

«100 ҮЗДІК ОЛИМПИАДАЛЫҚ МЕКТЕПТЕР» РЕЙТІНГІ

Сапалық рейтинг белгіленген формула бойынша шығарылады, мұнда алтын медаль 3 ұпай, күміс медаль 2 ұпай және қола медаль 1 ұпаймен бағаланады.

Олимпиада қорытындысының рейтингісін шығару облыстардың және жалпы республиканың зияткерлік әлеуетінің жарысқа дайындық жағдайын жан-жақты қарастыруға мүмкіндік беретінін атап өткен жөн.

Рейтингтер олимпиадалық командалар үшін ынталары жоғары балаларды анықтау, қолдау және дамыту бойынша жұмыс тәсілдерін жетілдіру үшін нұсқаулық болуы керек.

Сапалық рейтингті қарау

——— WWW.DARYN.KZ ———

Сапалық рейтинг белгіленген формула бойынша шығарылады, мұнда алтын медаль 3 ұпай, күміс медаль 2 ұпай және қола медаль 1 ұпаймен бағаланады.

Олимпиада қорытындысының рейтингісін шығару облыстардың және жалпы республиканың зияткерлік әлеуетінің жарысқа дайындық жағдайын жан-жақты қарастыруға мүмкіндік беретінін атап өткен жөн.

Рейтингтер олимпиадалық командалар үшін ынталары жоғары балаларды анықтау, қолдау және дамыту бойынша жұмыс тәсілдерін жетілдіру үшін нұсқаулық болуы керек.

Сапалық рейтингті қарау

——— WWW.DARYN.KZ ———

Тікелей эфирдің сілтемесі

Ашылу рәсімінің фотосуреттері РО-2023

1 турдың фотосуреттері РО-2023

2 турдың фотосуреттері РО-2023

Мәдени іс-шаралардың фотосуреттері РО-2023

Марапаттау рәсімінің фотосуреттері РО-2023

Хаттамаларды қарау

20-25 наурыз күндері Шымкент қаласында жаратылыстану-математика бағытындағы пәндер бойынша республикалық олимпиада өтеді. Бұл -  математика, физика, химия, биология, география және информатика пәндері бойынша республиканың жүзден жүйрік, мыңнан тұлпар атанған 9-11 (12) сынып оқушыларының дәстүрлі зияткерлік сайыстары.

Олимпиаданың мақсаты мен міндеттері – оқушының жеке тұлға ретінде өзін-өзі қалыптастыруда шығармашылық қабілеттерін дамыту, теориялық білім мен практикалық дағдыларын тереңдетуін жүзеге асыруына ықпал ету, дарынды балаларды анықтауға жағдай жасау, оқушыларды халықаралық олимпиадаларға қатысуға іріктеу және дайындау, сондай-ақ, Қазақстан Республикасындағы білім беру жүйесінің беделін арттыру.

«1 компьютер – 1 оқушы – 1 камера» қағидаты бойынша өткізілген олимпиаданың мектептік кезеңіне 282 090 оқушы, аудандық кезеңіне 82 854, облыстық кезеңінде 15 651 қатысушы болса, ал республикалық кезеңіне Қазақстанның барлық облыстарынан, Астана, Алматы және Шымкент қалаларынан, республикалық білім беру ұйымдарынан, «Назарбаев Зияткерлік мектептері» дербес білім беру ұйымынан, «Бөбек» ұлттық ғылыми-практикалық оқу-сауықтыру орталығынан 24 команда - 906 оқушы, оның ішінде 88 олимпиадалық резерв мүшелері қатысады деп жоспарлануда.

Бұл балалардың бойындағы керемет шығармашылық және интеллектуалдық әлеует оларды өз бағыттарында үздік болуға көмектесері анық. Олар еліміздің дамуын жаңа көкжиектерге көтеріп, интеллектуалдық көшбасшылыққа жетелейтін болашақтағы профессорлар мен академиктер болып, ғылым мен білімнің биік белестерін бағындыратынына сенімдіміз. Олар біздің болашақ батырларымыз, мақтанышымыз және Қазақстанымыздың болашағы!

Олимпиаданың салтанатты ашылу рәсімі 2023 жылғы 20 наурызда сағат 14.30-да «Қазақстан халқы» Ассамблеясы ғимаратында өтеді.

Олимпиаданың салтанатты жабылуы мен марапаттау рәсімі 2023 жылғы 25 наурызда сағат 10.00-де «Қазақстан халқы» Ассамблеясы ғимаратында өтеді.

Қосымша ақпаратты мына мекен-жай арқылы алуыңызға болады:

«Дарын» республикалық ғылыми-практикалық орталығы

Астана қаласы, Мәңгілік ел 8, «Алтын орда» Бизнес орталығы

8(7172) 57-01-34, 8(7172) 57-01-32

Салтанатты ашылу трансляциясы

Бағдарламаны қарау

Кесте

РО өткізу тәртібі (II кезең)

Хаттама

РО (аудандық кезең) бойынша IT мамандарына арналған видео нұсқаулық

РО (аудандық кезең) бойынша IT мамандарына арналған нұсқаулық

Nitro программасын жүктеу

Nitro программасын қою

«2021-2022 оқу жылында жалпы білім беретін пәндер бойынша республикалық олимпиадаларды ұйымдастыру және өткізу туралы «Қазақстан Республикасы Білім және ғылым Министрінің міндетін атқарушының 2021 жылғы 5 қарашадағы №551 бұйрығына өзгерістер енгізу туралы» Қазақстан Республикасы Білім және ғылым Министрінің 2022 жылғы 8 сәуірдегі №143 бұйрығын орындау үшін, жалпы білім беретін пәндер бойынша республикалық олимпиаданың төртінші (қорытынды) кезеңі (бұдан әрі – Олимпиада) 2022 жылы 18-23 сәуір аралығында облыс орталықтарында, Нұр-Сұлтан, Алматы және Шымкент қаласында «бір қатысушы – бір компьютер – бір камера» қағидаты бойынша электрондық форматта өткізілді.

Олимпиадаға республиканың барлық өңірлерінен барлығы 2044 оқушы қатысты.

Олимпиаданың ашықтығы мен академиялық адалдығын сақтау мақсатында өткізу процесі бейнебақылау жүйесімен қамтамасыз етілді. Олимпиада өткізілетін орындарда іс-шараның ашықтығы мен академиялық адалдығын бақылау үшін Олимпиаданы ұйымдастырушы «Дарын» РҒПО және «Дарын» өңірлік орталықтарының қызметкерлері, сондай-ақ бір мүдделі емес «үшінші тұлға» өкілі қатысты.

Тапсырмаларға қолжетімділік прокторинг жүйесі қолдана отырып, электронды платформа арқылы жүзеге асырылды.

Турлар аяқталған соң қатысушылардың жұмыстары сканерленіп, олардың скан-көшірмелері (тегі, аты-жөні көрсетілмей), сондай-ақ шешімі бар тапсырмалар мен бағалау критерийлері «Дарын» РҒПО вебсайтында орналастырылды. Қатысушылардың шифрленген жеке нәтижелері хаттамаға еңгізілді. Турлардың нәтижелері бойынша хаттамалар «Дарын» РҒПО сайтында жарияланды.

21 сәуірде жаратылыстану-математикалық бағыттағы пәндер бойынша электрондық форматта апелляцияға өтініштер қабылданды, ал 22 сәуірде қоғамдық-гуманитарлық бағыттағы пәндер бойынша апелляцияға өтініштер қабылданды.

22 сәуірде кестеге сәйкес жаратылыстану-математикалық бағыттағы пәндер бойынша, ал 23 сәуірде қоғамдық-гуманитарлық бағыттағы пәндер бойынша электрондық форматта апелляция өтті.

Олимпиада қорытындысы бойынша 919 қатысушы жүлделі орындарға ие болды, олардың 183-і алтын, 274 күміс және 462 қола медаль жеңіп алды.

Олимпиада қорытындысы бойынша командалардың көрсеткен білімдері сарапталып рейтингтер жасалды.

Сапалық РЕЙТИНГ қатысушылардың жалпы санына шаққанда команданың жеңіп алған медальдарының сапасын көрсетеді және келесі формула бойынша есептеледі: Ка = алтын*+3 балл, күміс*+2 балл, қола*+1 балл / қатысушылар саны.

1-ші кесте (Салалық рейтинг)

1 кесте Сапалық рейтинг

Командалық рейтинг бойынша (нәтиже көрсету сапасын ескергенде) «НЗМ» ДББҰ жалпы 115 медаль еншілеп, оның ішінде 29 алтын, 44 күміс және 42 қола медалімен үздік нәтижеге қол жеткізіп, 1,34 сапа коэффициентін көрсетті. Екінші орында 87 медальмен, оның ішінде 16 алтын, 27 күміс және 44 қоламен Алматы қаласы тұр. Сапа коэффиценті 0,96. Ал үздік үштікті Ақтөбе облысының командасы аяқтайды. Оның қоржынында 59 медаль бар, оның ішінде 13 алтын, 19 күміс және 27 қола медаль. Сапа коэффициенті 0,95.

Сондай-ақ төменде, командалардың нәтижелері бойынша пайызбен алғандағы өнімділік рейтингісі де берілген.

2-ші кесте (Өнімділік рейтинг)

2 кесте Өнімділік рейтинг

Командалардың САНДЫҚ РЕЙТИНГІ (ұпайларды есепке алғанда) келесі формула бойынша есептелді: Ка = алтын*+3 балл, күміс*+2 балл, қола*+1 балл.

3-ші кесте (Сандық рейтинг)

3 кесте Сандық рейтинг

Сандық рейтинг бойынша үздік нәтижені «НЗМ» ДББҰ көрсетті, олар 115 медаль (29 алтын, 44 күміс, 42 қола) алып, 217 ұпай жинады. Екінші орында 93 медаль (24 алтын, 29 күміс, 40 қола) жеңіп алып, 170 ұпай жинаған Нұрсұлтан қаласының командасы тұрақтады. Үздік үштікке 87 медальмен (16 алтын, 27 күміс, 44 қола) және 146 ұпай жинаған Алматы қаласының командасы кірді.

РО-2022 қорытындысы бойынша мектептер рейтингісі

=============

Кері байланыс:
мекенжай: Нұр-Сұлтан қ., Мәңгілік Ел даңғ., 8
телефон: +7 (7172) 570-139
e-mail: media@daryn.kz

Апелляция сілтемелері

Құрметті олимпиадаға қатысушылар!

 Жалпы білім беретін пәндер бойынша Республикалық олимпиадада білімін сынайтын 9-11 (12) сынып оқушылары 2 турда классикалық олимпиадалық тапсырмаларды орындайды.

Олимпиадаға қатысушы https://app.oqylyq.kz платформасына кіріп, логин мен парольді теріп, «КІРУ» батырмасын басып, жеке кабинетіне енеді. Одан кейін олимпиадаға қатысушы сыныбын таңдайды.

Тапсырмалардың орындалу уақыты тапсырмалар мәтінінде көрсетіледі.

Тапсырмаларды қатысушылар жауап бланкісінде көк түсті автоқаламмен орындайды. Жауап бланкілері қатысушының аты-жөні, сыныбы, пәні, облысы көрсетілетін жауап парақтарынан тұрады.

Олимпиаданы аяқтағаннан кейін қатысушы бланкіні IT-маманға тапсырады, ол материалдарды сканерлейді және жауапты кезекшіге тапсырады. Тапсырмалардың интернет ресурс көздеріне және әлеуметтік желіге тарауына жол берілмейді. Мұндай жағдай орын алса қатысушы Олимпиададан шеттетіледі.

ОЛИМПИАДА ҚАТЫСУШЫЛАРЫ:

– олимпиада басталғанға дейін кемінде 30 минут бұрын Олимпиада өтетін жерге келеді;

– ұйымдастырушының бақылауымен артық заттарды арнайы бөлінген орында қалдырып, аудиторияға өтеді;

– ұйымдастырушы көрсеткен орынға отырады;

– логин/пароль, жауап бланкілері мен шимай қағазды алады;

– жұмысты орындау жөніндегі нұсқаулықты тыңдап, танысады;

– тапсырманы орындауға кіріседі.

Олимпиада қатысушылары құқылы:

Қатысушылардың жұмыс орнында қажетті және рұқсат етілген кеңсе тауарларының (жазу құралдары, заттаңбасы жоқ мөлдір бөтелкедегі ауыз су және шоколад) болуы рұқсат етіледі. Қатысушылар калькуляторды физика, химия және биология пәндері бойынша пайдалана алады. География пәні бойынша атлас картасын, химия пәні бойынша ерігіштік кестесін пайдалануға тыйым салынады.

Жұмысты объективті бағалау құқығын қамтамасыз ету мақсатында Олимпиадаға қатысушылар қойылған ұпайлармен келіспеген жағдайда, әрбір тапсырмаға/тармаққа/бөлімге келіспеу себебін көрсете отырып, өтініш толтырып, апелляцияға беруге құқылы. Апелляция және үйлестіру тірек мектептер базасында кестеге сәйкес онлайн режимде жүргізіледі. Апелляцияға қазылар алқасының мүшелері және Олимпиадаға қатысушының өзі ғана қатысады. Апелляцияны қарау нәтижелері бойынша олимпиаданың қазылар алқасы апелляцияны қабылдамау, қойылған ұпайларды сақтау немесе апелляцияны қанағаттандыру және ұпайларды түзету туралы шешім қабылдайды.

Апелляция – жаратылыстану-математикалық пәндер бойынша 2022 жылғы 22 сәуірде, ал қоғамдық-гуманитарлық бағыттағы пәндер бойынша 2022 жылғы 23 сәуірде өткізіледі.

 ОЛИМПИАДАНЫ ӨТКІЗУ КЕЗЕҢІНДЕ:

– платформаға кіріп, уақыт есебін бастағаннан кейін, жұмысты бастаңыз;

Олимпиада аяқталғаннан кейін қатысушы ұйымдастырушыға жауап бланкісін міндетті түрде тапсырып қана аудиториядан шыға алады.

Ескерту: олимпиадаға қатысушы тапсырмаларды орындауды бөлінген уақыттан бұрын аяқтап, жауап бланкісін тапсырып, аудиториядан шыға алады. Бұл жағдайда оның қайтып оралуға және тапсырмаларды жалғастыруға құқығы жоқ.

 ҚАТАҢ ТЫЙЫМ САЛЫНАДЫ:

1. 1.  

      1. 1.  

            1. 1.  

                  1. 1. электрондық түрдегі кез-келген ақпаратты, жеке компьютерлерді, мобильді және интернет байланыс құралдарын пайдалануға;

                   

                   

             

             

             

       

       

1. 1.  

      1. 1.  

            1. 1.  

                  1. 1. қатысушылардың бір-бірімен сөйлесуіне;